Тошковски: Ако постои правило дека дрон не сме да лета над толпа,тогаш тоа не треба да се прави - Канал 5

Македонија

Тошковски: Ако постои правило дека дрон не сме да лета над толпа,тогаш тоа не треба да се прави

Законите мора да ги почитуваме сите и дронови не смее да летаат над толпа, рече денеска министерот за внатрешни работи Панче Тошковски.

Тошковски: Ако постои правило дека дрон не сме да лета над толпа,тогаш тоа не треба да се прави

Законите мора да ги почитуваме сите и дронови не смее да летаат над толпа, рече денеска министерот за внатрешни работи Панче Тошковски, одговарајќи на новинарското прашање за реакциите во јавноста за издадената забрана за летање на беспилотни летала кои снимале вчера во Кочани.

Дали таквата забрана ќе трае и за кои области ќе се однесува, Тошковски посочи дека во тек се проценки каде ќе има забрана за летање на леталата. За реакциите на јавноста и по социјалните мрежи, тој потврди дека имало негативни коментари во врска со постапувањето на МВР.

- Еднаш треба да почнеме да ги почитуваме законите. Ако постои правило дека летање на дрон треба да се пријави до надлежен орган, тогаш тоа треба да се направи. Ако има европска легислатива, дека дрон не смее да лета над толпа, тогаш тој не смее да лета над топла. Или ќе ги почитуваме законите за секое дејствие за кое се пропишани или ќе ни се случуваат катастрофи, рече Тошковски на прес-конференцијата која се одржа пред седиштето на МВР.

Тој напомена дека МВР е должно секогаш да се однесува со почит кон секој новинар, особено кон новинарите кои се на терен и ги пренесуваат информациите до граѓаните.

- Вие си ја вршите вашата работа во насока на објективно информирање на јавноста и генерално тоа го правите одлично. Затоа ве охрабрувам во таа насока, но ве замолувам сите да ги почитуваме законите, рече Тошковски.

Македонија

ВМРО-ДПМНЕ: Македонските државјани ќе патуваат без виза во ОАЕ

Македонските државјани ќе патуваат во ОАЕ без визи. Ова е прва придобивка и одлука на Обединетите Арапски Емирати да ја укинат визата за македонските државјани и е резултат на фокусирана и стратешка надворешна политика. 

ВМРО-ДПМНЕ: Македонските државјани ќе патуваат без виза во ОАЕ

Таа одлука доаѓа веднаш по официјалната посета на владината коалиција во периодот од 14 до 17 април, инаку посета што ги отвори вратите за продлабочување на билатералните односи со еден од најдинамичните економски центри во светот.

Овој дипломатски исчекор е директен резултат на активната иницијатива на Владата предводена од ВМРО-ДПМНЕ и е јасен сигнал дека Македонија се позиционира како отворена и подготвена за нови партнерства, особено надвор од традиционалните сојузи.

ОАЕ е еден од најбрзо растечките економски центри во светот, со силно присуство во енергетика, инфраструктура и финансиски пазар.

Со воспоставувањето на безвизно патување, Владата предводена од ВМРО-ДПМНЕ не само што го олеснува движењето на граѓаните туку им ги отвара вратите на младите претприемачи, студенти, професионалци и инвеститори кои сакаат да ја прошират својата перспектива и надвор од границите на Европа.

Владата предводена од ВМРО-ДПМНЕ, покажува дека е насочена кон конкретни резултати и дека активно го гради меѓународниот имиџ на државата преку практична економска дипломатија.

ВМРО-ДПМНЕ

Тагови: ВМРО-ДПМНЕ

Македонија

Лишен од слобода прилепчанец затоа што управувал возило под дејство на алкохол

Лишен од слобода прилепчанец затоа што управувал возило под дејство на алкохол и со активна забрана за управување возило.

Лишен од слобода прилепчанец затоа што управувал возило под дејство на алкохол

На 26.04,2025 во 03.25 часот на ул.„7 Септември“ во Кавадарци, полициски службеници од Полициското одделение за безбедност на патниот сообраќај при ОВР Кавадарци го лишиле од слобода А.М.(28) од Прилеп. При контрола на патниот сообраќај, полициските службеници сопреле патничко моторно возило „мерцедес“ со прилепски регистарски ознаки, кое го управувал, и по преземени мерки било констатирано дека е под дејство на алкохол, односно му биле измерени 1,80 промили алкохол во крвта. Исто така, било констатирано дека возилото го управувал под активна забрана за управуање на моторно возило од „Б“ категорија.

А.М. бил задржан во полициска станица и по документирање на настанот против него ќе биде поднесена пријава по член 297 А од Кривичниот законик - „безобѕирно управување со моторно возило“.

Тагови: мвр под дејство на алкохол

Македонија

МВР: Лишен од слобода возачот кој со патничко возило удри пешак во Скопје

По целосно документирање на случајот, во координација со јавен обвинител, против Е.Ј. ќе биде поднесена соодветна пријава.

МВР: Лишен од слобода возачот кој со патничко возило удри пешак во Скопје

На 26.04.2025 во 01.00 часот во Скопје, полициски службеници од СВР Скопје го лишиле од слобода Е.Ј.(31) од Скопје. На 25.04.2025 во 20.30 часот на кружен тек од ул.„Кирил и Методиј“, ул.„Митрополит Теодосиј Гологанов“ и ул.„Костурски Херои“, тој со патничко возило „фоксваген“ со скопски регистарски ознаки, кое го управувал, удрил во пешакот Ѓ.П.(87) од Скопје. Со возило на Итна медицинска помош пешакот бил пренесен во Комплексот клиники „Мајка Тереза“, каде му биле констатирани тешки телесни повреди.

По целосно документирање на случајот, во координација со јавен обвинител, против Е.Ј. ќе биде поднесена соодветна пријава.

притисни ентер