Топ три европски града кои можете да ги видите за првомајските празници за помалку од 200 евра - Канал 5

Живот

Топ три европски града кои можете да ги видите за првомајските празници за помалку од 200 евра

Вистинско време е да испланирате каде ќе ги поминете пролетните празници.

Топ три европски града кои можете да ги видите за првомајските празници за помалку од 200 евра

До првомајките празници остана нешто помалку од два месеци, па многумина уште сега планираат како најдобро да ги искористат неработните денови. Мај е идеално време за патување и посета на европските градови, а каде ќе се упатите зависи од времето и, секако, од парите кои сте спремни да ги издвоите.

Еве топ три дестинации што можете да ги посетите за помалку од 200 евра доколку патувате со автобус и престојувате 2-3 ноќевања.

Виена

Престолнината на Австрија, некогашниот царски град е место каде се сретнуваат минатото и сегашноста, традицијата и современоста. Ова е еден од најубавите европски градови со околу 1,5 милиони жители. Во Виена и околината постојат бројни фасцинантни градби, меѓу кои, секако и најпознатата палата Шенбрун, која била летна резиденција на хабсбуршката династија и која е изградена, со својата убавина, да го засени и парискиот Версај. Виена е град на музиката, град на уживањето за сите сетила, а секој турист за време на својот престој јаде парче од познатата сахер торта која е обележје на австриската кујна, како и парче шницла. Патувањето со автобус во Виена со три ноќевања ќе ве чини околу 150 евра.

Букурешт

Главниот град на Романија во последно време стана доста популарен кај европските туристи. Букурешт има преубави паркови, големи авении, специфична архитектура изградена претежно од француските и италијанските архитекти која е во контраст со сивите и еднолични социјалистички градби. Во самото градско јадро живеат повеќе од два милиони луѓе, а исто токлу жители има и во околината на градската зона. Покрај монументалните градби, овој град нуди одличен ноќен живот за младите. Пет дена, од кои три ноќевања и превоз со автобус чини 160 евра по лице.

Истанбул

Најголемиот и најважниот град во Турција, се наоѓа на бреговите на Босфорскиот проток што ги поврзува Мраморното и Црното Море. Тој е единствениот град што се простира на два континенти, Европа и Азија, град кој со векови бил центар во кој се мешале разни народи и култури, а во своето две и пол милениумско постоење бил еден од најзначајните европски градови на трите империи, Римската, Византиската и Отоманската империја. Уште од дамнина овој град е познат како Константинопол, а подоцна како Цариград.

Престојот во овој град нуди можност за посета на бројни историски знаменитости, почнувајќи од Аја Софија, преку Сината џамија до палатата Топкапи која повеќе од 400 години била место каде живеел султанот. Секако, не смеете да гo пропуштите и фантастичното крстарење по Босфор. Со речиси 10 милиони жители, Истанбул е еден од седумте најголеми градови на светот. Во понудите на туристичките агенции аранжман за првомајските празници чини од 160-200 евра доколку патувате со автобус и престојувате две ноќи.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Украинските напади драстично ги намалуваат руските нафтени капацитети

Според два извори од индустријата, украинските напади со беспилотни летала врз руските рафинерии го намалиле капацитетот на Русија за преработка на нафта за приближно 30 отсто.

Украинските напади драстично ги намалуваат руските нафтени капацитети

Украинските удари врз руските рафинерии дополнително ги отежнуваат напорите на Москва да се справи со недостигот на гориво на домашниот пазар, и тоа во време кога Русија продолжува да испорачува дизел на меѓународните пазари, согласно договорот со американскиот претседател Доналд Трамп.

Украина ги зачести нападите врз руските рафинерии од крајот на октомври, откако пропадна предложениот договор за прекин на нападите врз енергетската инфраструктура.

Значителен пад

Според извори од индустријата и официјални претставници, во текот на изминатата недела, украинските напади го попречиле работењето и предизвикале вонредни ситуации во девет од 35-те големи руски рафинерии.

Извори од индустријата наведуваат дека вкупниот дневен капацитет на руските рафинерии погодени од напади со беспилотни летала од крајот на октомври – вклучително и три големи постројки во централна Русија – изнесува приближно 300.000 тони (2,2 милиони барели). Ова е во контекст на вкупниот примарен капацитет за преработка на нафта во Русија, кој изнесува околу 930.000 тони дневно.

До крајот на октомври, руските рафинерии преработувале приближно 700.000 тони (пет милиони барели) сурова нафта дневно, наведуваат изворите.

Според проценките на изворите, реалното намалување на преработката на сурова нафта во руските рафинерии би можело да достигне и до 200.000 тони дневно. Меѓу погодените постројки се рафинериите во Рјазањ, Јарослављ и во областите долж реката Волга.

Постојани напади

Гувернерот на Ленинградската област изјави дека во понеделникот, во ноќен напад, украински беспилотен летало ја погодило рафинеријата за нафта „Кириши“ – втората по големина во Русија – при што избувнал пожар. Тој додаде дека во нападот загинала една жена.

Во напис објавен во вторникот во рускиот дневен весник „Комерсант“, рускиот министер за надворешни работи Сергеј Лавров изјави дека Украина ги игнорира повиците на Трамп за прекин на нападите врз руските енергетски цели.

Украинскиот претседател Володимир Зеленски минатата недела изјави дека Киев продолжува со нападите врз цели поврзани со рускиот нафтен сектор, како одговор на руските напади врз енергетските капацитети. Тој посочи дека украинските електрани, енергетските мрежи, системите за греење и водоснабдување се под постојан напад и дека Москва одбива да ја намали ескалацијата.

Извор: Индекс.хр

Тагови: напади русија украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Власта го одби барањето на СДСМ, предлог – законот за јавни набавки да биде повлечен од дневен ред

Предлог законот за јавни набавки попладнево стаса на дневен ред во Собранието, откако владеачкото мнозинство го отрфли предлогот на СДСМ тој да биде повлечен.. 

Власта го одби барањето на СДСМ, предлог – законот за јавни набавки да биде повлечен од дневен ред

Дејан Трајкоски е во Парламентот..

Дејан, откако вчера претседателката Сиљановска стави вето на еден член од предлог законот, мнозинството експресно реагираше...

YouTube video

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сиљановска-Давкова разговараше со претседателот на Литванија- претседавач со ЕУ од јануари 2027

Претседателката Гордана Сиљановска-Давкова, на маргините на Парискиот мировен форум 2026, оствари средба со претседателот на Република Литванија, Гитанас Науседа.

Сиљановска-Давкова разговараше со претседателот на Литванија- претседавач со ЕУ од јануари 2027

Taa го поздрави денешното отворање на нашата прва резидентна Амбасада во Вилнус и изрази очекување за продлабочување на македонско-литванската политичка, економска и институционална соработка.

Соговорниците разменија ставови за процесот на проширување на Европската Унија, состојбата во регионот на Западен Балкан, како и за македонските предизвици во пресрет на литванското претседавање со Советот на ЕУ од јануари 2027 година.

Тие се согласија дека реформите и Копенхашките критериуми се клучните параметри за членство во ЕУ на земјите-кандидатки и дека билатералните прашања не треба да бидат пречка во процесот на проширување.

Претседателката посочи дека соседите може да имаат позитивна улога во европската интеграција на регионот, укажувајќи на примерот на скандинавските земји, кои целосно ги поддржаа балтичките држави пред нивното членство во Европската Унија во 2004 година.

Таа го информираше претседателот за македонските преземени чекори на патот кон ЕУ, како и за прашањата со коишто се соочува земјата, од добивањето на кандидатскиот статус во 2005 до денес.

Сиљановска-Давкова истакна дека продолжуваат македонските напори за конструктивен дијалог со соседна Бугарија, но нагласи дека за тоа е неопходно двете страни да пристапат кон процесот со добра волја, соопштуваат од Кабинетот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер