Топ-5 листа „најсреќни градови“ за одмор и патувања - Канал 5

Живот

Топ-5 листа „најсреќни градови“ за одмор и патувања

Лисабон, главниот град на Португалија, го освои првото место на новиот „Индекс на среќен одмор“, со својата вкусна храна и многу зелени површини што овозможуваат пријатен престој и вистинско опуштање.

Топ-5 листа „најсреќни градови“ за одмор и патувања

Туристичката агенција „Букретритс“ (BookRetreats) е автор на истражувањето наречено „Индекс на среќен одмор“. Во ова испитување, дестинациите за одмор и патувања се мерат врз основа на пет различни критериуми. Тоа се: Количина на сончева светлина, квалитет на спиењето, здрава исхрана, колку време можете да поминете в природа и можности за вежбање. Вкупно 47 места беа оценети во секоја категорија, а потоа споредени меѓу себе. По анализата на сите овие податоци, Лисабон е најсреќниот град за посетителите. Според „Букретритс“, тој град „се издвојува по неколку фактори“, а храната е особено привлечна.

Португалската престолнина е полна со ресторани за здрава храна и е на второто место во оваа категорија. Исто така, градот е „компактен и лесен за навигација“, и иако околните ридови можеби не изгледаат како одлично место за прошетка по обилен оброк, тие сепак се одлични за одржување на формата.

Говорејќи за зелени површини, Лисабон има речиси четирипати повеќе од Мадрид - и 2.828 сончеви часови годишно.

На место бр. 2 е Хелсинки, којшто особено се истакнува во категоријата „поврзаност со природата“. Финска, воопшто, е позната како „среќно место“, па затоа, не е изненадување што нејзиниот главен град постигна добри резултати. „Букретритс“ ги истакнува „бујните паркови и булевари“ коишто беспрекорно се вклопуваат со шумските патеки, забележувајќи дека, сепак, опуштеното темпо на живот во Хелсинки е она што го прави скоро совршен за патниците и посетителите кои бараат мирно место за бегство од секојдневието.

Орландо (Флорида, САД) се најде на третото место. Доколку може да ги избегнете гужвите, овој град во сончевата амеериканска сојузна држава, всушност, може да понуди прилично опуштено време. Има многу тематски паркови за забавуваат, зелени површини, плажи и Сонце речиси преку целата година. И Атина (Грција) и Единбург (Шкотска) се најдоа меѓу првите пет.

Тагови: патување

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер