Топ-10 листа: Расте продажбата на теренци во Европа - Канал 5

Автомобилизам

Топ-10 листа: Расте продажбата на теренци во Европа

Европа прифаќа тренд почнат многу порано во Америка - теренците. 

Топ-10 листа: Расте продажбата на теренци во Европа

Имено, уделот на теренски возила, меѓу најпродавани возила воопшто, за 2019 година изнесувал 38,2 отсто, а оваа година, за првите шест месеци таа бројка веќе достигна 56 отсто. За споредба, во Кина, продажбата на теренци е 46 насто од вкупната продажба, а во САД доминираат со 59,6 отсто, што не е недостижно наредната година за Европа. Следат 10 најпопуларни модели што доминираат на Стариот Континент.

1. „Фолксваген Т-рок“

Германскиот теренски автомобил е најпродаваниот во Европа, со 141.388 регистрирани единици за осум месеци. Моделот е во продажба од 2017. и е надграден кон крајот на 2021 година. Инаку, втората генерација ќе излезе на пазарот последниве месеци од оваа година.

2. „Фолксваген тигуан“

Уште еден модел од Волфсбург, Германија, е на второто место со 125.608 единици и најголем раст од 26 насто во споредба со претходната година. А пак, третата генерација лансирана во 2024 година продолжува да привлекува купувачи со бензински и дизел-мотори, како и „плаг-ин“ хибриди.

3. „Тојота јарис крос“

Од своето излегување кон крајот на 2021 година, овој јапонски компактен теренец произведен во Франција ги освои европските купувачи. За осум месеци годинава се забележани 124.821 продадена единица. Привлекува со своите компактни димензии, оригинален стил, целосно хибриден мотор и 10-годишна гаранција.

4. „Бе-ем-ве Икс-X1“ и „Ај-Икс-1“

Ова е првиот и единствен премиум-теренец во оваа топ-10 листа со 80.369 продадени единици од обичната верзија и 43.125 единици од електричниот „Ај-Икс-1“. Тоа се вкупно 123.494 продадени возила и четврто место, со раст од 17 отсто.

5. „Дачија дастер“

Се работи за третата генерација на романскиот теренец, познат по својата робусност и прифатливи цени. Тој достигна 121.827 продадени единици.

6. „Пежо 2008"

Ова е вториот најпродаван „Стелантис“ автомобил во Европа. Речиси 120.000 регистрирани единици за осум месеци и растот од три насто се потврда дека интересот на купувачите не опаѓа дури и откако дизел моторот беше исфрлен.

7. „Форд пума“

Моделот што америкаднската компанија го одржува во живот во Европа, продолжува да генерира највисоки бројки на продажба. „Пума“ е двојно попопуларна од „Фокус“ и речиси 50 отсто побарана од „Куга“.

8. „Хјундаи тусон“

Прифатлива цена, привлечен дизајн и многу опрема - го прават овој Ц-теренец со најдобра вредност за парите. Речиси 100.000 единици се регистрирани во Европа за осум месеци.

9. „КИА спортаж“

Уште еден бестселер од Кореја, без којшто овој бренд би бил на ниско ниво во Европа и покрај падот на продажбата од 13 отсто. Бројките веројатно ќе се зголемат во последното тримесечје, бидејќи предизајнираниот модел е веќе во продажба.

10. „Нисан кашкај“

Некогаш недостижниот основач на класата, сѐ уште го одржува јапонскиот бренд баран во Европа, иако неговиот имиџ падна на пониско ниво. Сепак, оваа листа не би била целосна без „Кашкај“.

Тагови: Европа теренци

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Драма: Авион исчезна над океанот

Според неофицијални информации, авион од типот „ Gulfstream G100# со шест лица во него – кој летал од Бермудски Острови кон Бостон – се урнал во Атлантскиот Океан.

Драма: Авион исчезна над океанот

Авионот изгубил контакт за време на летот, по што започнала потрага по леталото и лицата во него.

Врз основа на моментално достапните информации, авионот исчезнал рано утринава, а потрагата е насочена кон областа во близина на брегот на Нантакет, Масачусетс.

Американската крајбрежна стража потврди дека во потрагата се вклучени воздушни и поморски единици, пренесува британскиот таблоид „The Sun“.

Засега нема официјална потврда дека авионот навистина се урнал, ниту пак се познати околностите на наводната несреќа.

Надлежните служби ја продолжуваат потрагата, а дополнителни информации се очекуваат штом ќе бидат познати резултатите од операцијата.

Тагови: авион

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Маскиран демонстрант запалил лице на жена, протетсите во Франција надвор од контрола

Протестите на средношколците од посиромашните предградија на Париз ја зафатија целата земја. Десетици илјади ученици и нивни поддржувачи излегоа на улиците во Франција и се чини излегоа од контрола.

Маскиран демонстрант запалил лице на жена, протетсите во Франција надвор од контрола

Како што јавија дел од медиумите маскиран тинејџер во Марсеј бил приведен откако се обидел со спреј и запалка да запали лице на жена.

Причината за протестите е поради лошата состојба на училиштата, преполните училници и недостигот на наставен кадар, а особено е лоша состојбата во посиромашните населби, тврдат демоинстрантите

Неделава на протестите учествуваа ученици од над 1000 средни училишта, а за време на немирите беа уапсени повеќе од 5000 лица, но имаше и сериозно повредени демонстранти, еден ученик бил повреден од гумен куршум

Францускиот министер за внатрешни работи Лоран Нуњез повика на враќање на редот.

Протестите започнаа во предградијата на Париз, каде што нивото на сиромаштија е високо, а потоа се проширија во самиот Париз и други француски градови, вклучувајќи ги Марсеј, Стразбур, Тур и Лил.

YouTube video

Тагови: Франција

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Култура

АКТО завршува во недела со „Бистро на еден ден" во дворот на Железничката зграда

Со настанот „Бистро на еден ден", утре, 4 октомври, се затвора 21. издание на фестивалот АКТО. 

АКТО завршува во недела со „Бистро на еден ден" во дворот на Железничката зграда

Во периодот од 12 до 16 часот, во дворот на Железничката зграда (ул. Борка Талески бр.26, Скопје) ќе се одржи интервенција во јавен простор, едукативна програма за деца, музичка програма и перформативно готвење во живо.

Настанот БИСТРО НА ЕДЕН ДЕН претставува еден од серијата јавни настани/интервенции, развиени во рамките на едукативната платформа ,,Градот како сцена: Изведување на јавниот простор". Еден од главните фокуси во рамките на оваа платформа е активирање на просторот на киното во Железничката зграда, како потенцијален заеднички простор за пошироката заедница на граѓани.

Програмата вклучува перформативен настан „Ручаме солидарно" - готвење со колективот ХНУ перформанс и SCEN[ски] дизајн, музички настап на Хана Корнети (12:00) и винил DJ сетови на Chvare (13:00) и SHEF SHEF (15:00). За најмладите е подготвена детската ликовна работилница „Креативна игра", а дел од настанот се и креативната работилница 5 до 12, The Dude Specialty Coffee, пиварата БАК, како и издавачките куќи ИЛИ-ИЛИ и Шарла.

Влезот е слободен.

Со овој завршен настан, посветен на заедницата и јавниот простор, 21. АКТО [26] ја заокружува петдневната програма, која вклучуваше изведба на перформативен радио есеј, Лабораторија за перформативно-просторни практики, предавање на проф. Радивоје Динуловиќ и доделување на наградата ДЕНЕС 2026.

Проектот 21. АКТО фестивал за современи уметности е поддржан од Гете институт Скопје и Министерство за култура и туризам на Република Северна Македонија, како и преку проектот „Култура за развој" на Владата на Швајцарија, кој го имплементира Хартефакт Фонд.

Тимот на АКТО фестивал за современи уметности

Тагови: АКТО

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер