Шоу биз

Том Круз 16 пати скокнал со запален падобран- влезе во Гиносовата книга на рекорди (ВИДЕО)

Том Круз сега е носител на Гинисовиот рекорд за смелиот скок што го изведе во најновото продолжение на франшизата „Невозможна мисија“.

Според Гинисовата книга на рекорди, Круз сега ја држи титулата за „најмногу скокови со запален падобран од едно лице“, со вкупно 16 скокови.

„Ниеден друг актер или каскадер не се приближил до тоа да направи толку многу смртоносни скокови“, вели Гинисовата книга на рекорди. Секогаш кога неговиот падобран целосно ќе изгореше, Круз отвораше нов и на крајот безбедно слетуваше.

Снимен е осмиот дел од „Невозможна мисија“

Круз ги изведуваше овие огнени скокови додека го снимаше „Невозможна мисија - Последната пресметка“, осмиот филм од популарната акциона франшиза во која глуми од 1996 година.

Во видео објавено на официјалниот YouTube канал на „Парамаунт пикчерс“, студиото зад филмот, Круз е виден како разговара за логистика со својот тим каскадери и вели: „Ќе скокнам. Ако ова се заплетка додека гори, ќе се завртам и ќе горам“.

„Том Круз не само што игра акциони херои - тој е вистински акционен херој!“, изјави Крег Глендеј, главен уредник на Гинисовата книга на рекорди. „Голем дел од неговиот успех може да се припише на неговата апсолутна посветеност на автентичноста и поместувањето на границите на она што може да го направи еден водечки актер.“

Тагови: Том Круз падобран

Македонија

Во Кочани се одржа петнаесетиот „Марш на ангелите“

Родителите, семејствата и пријателите на младите кои ги загубија животите во пожарот во клубот „Пулс“ повторно излегоа на Марш на ангелите низ улиците на Кочани.

Маршот и оваа сабота започна во осумнаесет часот и пет минути...

Време кое како што порачаа порисутните симболично ја претставува доцната и за жал, фатална институционална реакција....

Од пред зградата на Општина Кочани каде имаше и обраќања, упатија критики кон локалната и централната власт, како и кон политичките партии од власта и опозицијата

Свет

Палестинците тврдат дека во израелски напад во близина на дистрибутивен центар во Газа биле убиени 25 лица

Израелските војници убија најмалку 25 лица во близина на центар за дистрибуција на хуманитарна помош во Појасот Газа, соопштија денес палестински медицински извори.

Околу 70 лица се повредени во пукање и гранатирање од страна на израелската армија во областа Хан Јунис, на југот од затворениот крајбрежен регион, според медицински извори во локалната болница Насер. Тие биле префрлени во болница од областа Ал-Тин во Кан Јунис. Медицински извор изјавил дека се очекува бројот на жртви да се зголеми поради сериозноста на повредите на големиот број случаи во израелскиот напад .

„Го истражуваме инцидентот“

Израелската армија, како одговор на истрагата, изјави дека го истражува инцидентот.

Контроверзната хуманитарна фондација Газа (GHF) моментално е одговорна за дистрибуција на храна во Појасот Газа. Со поддршка на Израел и САД, фондацијата ја започна својата работа кон крајот на мај по неколкумесечна израелска блокада на испораката на помош.

Сепак, ОН го критикуваше фактот дека фондацијата отворила премалку дистрибутивни центри и дека луѓето таму и на пат кон нив се изложени на екстремна опасност.

Според ОН, стотици луѓе се убиени во близина на дистрибутивните центри и околу хуманитарните конвои од крајот на мај.

Тагови: израелски напад

Македонија

Од понеделник, терестрична дезинсекција против комарци во Скопје

На подрачјето на град Скопје ќе се изврши терестрична дезинсекција против возрасни форми и ларви од комарци, од понеделник (21 јули) до четврток (24 јули), од 22 часот до 03 часот следниот ден.

- Доколку временските услови не го дозволуваат вршењето на дезинсекцијата, таа ќе се изврши во истиот термин првиот нареден ден, кога временските услови ќе бидат поволни. Се известуваат пчеларите навремено да ги преземат потребните мерки за заштита на пчелите, информира прес-службата на Град Скопје.