Автомобилизам

Тојота радикално го смени дизајнот на Приус, наскоро пристигнува во Европа (ВИДЕО)

Моделот што ја започна електрификацијата во автомобилскиот свет стигна до своето петто издание, во својата четвртвековна историја.

Тојота измина долг пат од 1997 година, кога го претстави првиот Prius на светот и се обврза на почиста планета. Првите се паметат, а Prius дефинитивно заслужува да биде запаметен.

Денеска сме сведоци на петтата генерација на моделот, која штотуку ѝ беше прикажана на јапонската јавност. Од Toyota велат дека Prius никогаш не бил подинамичен и поудобен, но и визуелно попривлечен. Судејќи по првите фотографии, многумина веднаш ќе се согласат со последната констатација.

Автомобилот сега има уште подолго меѓуоскино растојание, порамна силуета и поголеми бандажи од 19 инчи. Помошните LED светла, особено одзади со хоризонтална лента, нема да останат незабележани. Поставен на втората генерација на платформата TNGA, Prius носи и многу подобри динамички карактеристики.

Јапонецот добива две верзии на погонот. Првиот комбинира 2.0 Dynamic Force бензински мотор (111 kW) со електричен мотор (120 kW) и Li-Ion батерија, а синергетскиот ефект е неверојатни 164 kW. Од Toyota велат дека уделот на електричното возење е зголемен за дури 50 проценти во однос на сегашниот модел. Ова е plug-in хибрид со капацитет на батерија од 13,6 kWh. До 100 km/h достигнува за одлични 6,7 секунди, а доаѓа и на европскиот пазар.

Другата опција е серискиот паралелен хибриден систем на Toyota, каде се нудат мотори 1.8 и 2.0, а максимумот овде е 103 kW во послабата верзија и 144 kW во помоќната верзија. Сметајте на E-Four погон на сите тркала овде.

Toyota го наполни Prius со безбедносни системи собрани околу пакетот Toyota Safety Sense, кој вклучува проекционен централен ретровизор, автоматско паркирање, па дури и систем за снимање на возењето. Една посебна карактеристика се двата приклучоци за напојување до 1500 W. Да ги споменеме и соларните панели кои можат да генерираат електрична енергија до 1250 km годишно. Дигиталниот кокпит е стандарден, како и поголемиот централен екран.

И за крај, да речеме дека должината на Prius е точно 46 mm пократка на 4524 mm, ширината од 1782 mm е 22 mm поширока, а висината од 1420 mm е дури 50 mm помала. Меѓуоскиното растојание е зголемено за 50 mm.

Европската премиера е закажана за 5 декември. Според официјалните материјали, за Европа се споменува само plug-in верзијата, достапна од пролетта следната година.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Фудбалскиот сојуз на Србија две недли пред изборот без кандидат за наследник на Џајиќ

Фудбалскиот сојуз на Србија се соочува со неизвесни избори за наследник на Драган Џајиќ.

На помалку од две недели до закажаното Собрание, сè уште нема истакнато официјални кандидати за претседателската функција.

Рокот за поднесување кандидатури е истечен, иако постои можност сепак да пристигнат пријави испратени по пошта. Како краен рок за завршување на овој процес се наведува понеделник.

Најрано во понеделник се очекува мислење од правните експерти на УЕФА во врска со прашањата што влијаат на изборниот процес и на тековното функционирање на Федерацијата.

Дополнителен проблем претставува претстојното истекување на мандатот на Собранието.

Доколку не се најде соодветно решение, ФСС би можел да остане без ниту еден управувачки орган што поседува важечки мандат. Една од можностите за кои се разговара е воспоставување привремена управа под покровителство на УЕФА.

Во такво сценарио, претставници на европската фудбалска организација би го презеле управувањето сè до одржувањето на нови избори – кои би можеле да се случат дури во 2027 година. Сепак, во овој момент сè уште не е донесена таква одлука.

Друга можност би била формирање на привремена управа составена од поединци од Србија.

За таков чекор би било потребно свикување седница на Собранието, со цел да се донесе потребната одлука. Исто така, се разгледува и опцијата за именување вршител на должноста претседател од редовите на актуелното раководство на ФСС (Фудбалски сојуз на Србија), како начин да се премости периодот до конечниот исход на изборниот процес.

Ситуацијата дополнително се усложнува поради обврските што го очекуваат Сојузот следната година, со оглед на тоа што Србија ќе биде домаќин на Европското првенство за играчи до 21 година.

Следствено, неизвесноста околу раководството предизвикува загриженост и во однос на континуитетот на подготовките за овој значаен турнир. Конечниот исход останува непознат; сепак, се очекува мислење од правните експерти на УЕФА, кое би требало да ги разјасни достапните опции и понатамошниот тек на изборниот процес.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

По повеќе од 80 години: Пронајдени остатоци од брод потопен од нацистичка подморница

Остатоците од канадскиот пароброд „Корнвалис“, кој бил потопен од германска подморница во декември 1944 година, се пронајдени на длабочина од речиси 120 метри, повеќе од 80 години по неговото потонување, соопшти истражувачкиот тим „Номад експлорејшн.

Остатоците од канадскиот пароброд „Корнвалис“, кој бил потопен од германска подморница во декември 1944 година, се пронајдени на длабочина од речиси 120 метри, повеќе од 80 години по неговото потонување, соопшти истражувачкиот тим „Номад експлорејшн“ (Nomad Exploration).

Истражувачите првично ги забележале остатоците користејќи сонар за скенирање на морското дно, а идентитетот бил потврден при последователните нуркачки истражувања.

Студената вода, силните морски струи и оддалечената локација ја отежнале потрагата. „За нашиот тим, откривањето на остатоците е резултат на долгогодишна упорност. За семејствата и заедниците поврзани со бродот, ова откритие повторно го насочува вниманието кон една трагедија која во голема мера беше падната во заборав“, изјави Дени Алан, член на нуркачкиот тим.

Паробродот „Корнвалис“, изграден во 1921 година во Ванкувер, превезувал шеќер и меласа од Барбадос кон канадскиот град Сент Џон, кога на 3 декември 1944 година бил забележан од германската подморница „У-1230“ (U-1230), под команда на Ханс Хилбиг.

Подморницата испалила торпедо кое го погодило прамцето на бродот, по што тој потонал за помалку од десет минути.

Од вкупно 48 луѓе на бродот, шестмина успеале да стигнат до сплавовите за спасување, но едно лице починало од хипотермија.

Петтемина преживеани биле спасени од рибарски бродови, а потоа префрлени на брод на Морнарицата на САД.

Подморницата „U-1230“ ја преживеала војната и била потопена во 1945 година, додека локацијата на потонатиот брод „Корнволис“ останала непозната сè до откритието годинава.

Истражувачкиот тим процени дека потонатиот брод претставува еден вид „временска капсула под морето“, која сведочи за еден од најнеобичните настани од Втората светска војна долж брегот на американската сојузна држава Мејн.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Најлошиот Манчестер Јунајтед во последните 42 години!

Англискиот великан, Манчестер Јунајтед загуби со 2-0 на гостувањето кај Челси, со што ја продолжи серијата без победа на девет натпревари во сите натпреварувања.

Ова е најдолгата низа без триумф на клубот уште од септември 1984 година

. Челси победи со головите на Морган Роџерс и Кол Палмер од пенал, додека Лисандро Мартинез имаше лош настап во редовите на гостите.

Аргентинецот асистираше за првиот гол на домашниот тим, а потоа спречи гол со играње со рака (пенал), за што доби и црвен картон. Притисокот врз тренерот Мајкл Керик се зголемува, но тој очекува да го предводи тимот на следниот натпревар против Рома.

Кризата е особено изразена на гостувањата, бидејќи „Јунајтед“ нема победа на последните седум натпревари на гостински терен во сите натпреварувања. Клубот немал ваква серија уште од сезоната 1973/74, кога последен пат испадна од елитниот ранг на англискиот фудбал.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.