Тојота купува пропаднат кинески бренд! - Канал 5

Автомобилизам

Тојота купува пропаднат кинески бренд!

Тојота често е критикувана за бавниот влез на пазарот на електрични автомобили. Сепак, конечно почнува да инвестира повеќе во нив, со посебен акцент на кинескиот пазар.

Тојота купува пропаднат кинески бренд!

Следниот логичен чекор за јапонскиот производител на автомобили би можел да биде аквизицијата на еден од многуте мали, проблематични кинески брендови на електрични возила, во овој случај – „Нета“.

Основана во 2014 година, „Нета“ произведе неколку генерички модели, вклучувајќи го спортскиот автомобил „GT“, седанот „S“ и елегантниот спортски караван „S Hunting Edition“. Сепак, компанијата се соочува со значителни финансиски предизвици од средината на 2024 година, што доведе до запирање на производството и отпуштања на работници.

Во февруари, „Нета“ обезбеди прилив на ново финансирање од 552 до 621 милион долари, но договорот беше условен со продолжување на производството, што не се случи, па инвестицијата пропадна.

Се чини дека Тојота сега бара можност да ги преземе средствата и производството на Нета. Според извештајот на кинеската компанија „Куаи Технолоџи“, „Тојота“ размислува да ја купи „Нета“.

Иако засега нема детали за тоа колку би можела да чини оваа аквизиција, проценката на „Нета“ претходно оваа година беше околу 828 милиони долари. Тоа е ситница за Тојота, која пријави повеќе од 130 милијарди долари готовина на крајот од 2024 година.

Вреди да се напомене дека Сју Јиминг, директор за комуникации на Тојота во Кина, негираше дека знаел за интересот на компанијата за купување на Нета, објавува КарЊуз Кина.

Доколку Тојота одлучи да ја направи аквизицијата, ќе добие не само средствата и технологијата на Нета, туку и подобро разбирање на конкурентниот кинески пазар и технологијата за електрични автомобили. Во 2024 година, Нета продаде 64.500 возила, но до јануари оваа година продаде само 110. Најблаго кажано - драматичен пад.

Извор: Б92

Тагови: тојота Нета

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Хорор на градилиште во Брисел: Безживотни тела пронајдени во лифт

Неколку лица загинаа во пожар на градилиште во Брисел денес, додека потрагата по уште шест исчезнати е во тек, соопштија локалните власти.

Хорор на градилиште во Брисел: Безживотни тела пронајдени во лифт

Телевизијата „VRT“ објави дека повеќето од приближно 200 работници биле евакуирани откако избувнал пожарот.

Портпаролот на локалниот инспекторат за труд изјави дека голем број тела се пронајдени во еден од двата лифтови на голем проект за реновирање на „Place de Brouckere“, каде што пожарот избувна рано утрово.

Сепак, тој не прецизираше за колку тела станува збор.

Тој додаде дека сè уште не е јасно дали телата на исчезнатите работници се пронајдени.

Тагови: Брисел

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Падна Владата на Украина

Украинскиот парламент, Врховната рада, денес ја прифати оставката на премиерката Јулија Свириденко.

Падна Владата на Украина

Целата украинска влада со тоа автоматски поднесе оставка заедно со премиерката, а 258 пратеници гласаа за нејзино усвојување, објавува Укринформ.

Свириденко претходно им се заблагодари на пратениците во своето обраќање пред парламентот за нивната заедничка работа во текот на целата година и на украинскиот претседател Володимир Зеленски за довербата што ѝ ја покажаа, објавува агенцијата.

Претседателот на украинскиот парламент, Руслан Стефанчук, вчера објави на Фејсбук дека оставката на премиерката Јулија Свириденко стигнала до украинскиот парламент.

„Благодарен сум на Јулија Анатолиевна за нејзината работа на чело на владата во исклучително тежок период за земјата, нејзиниот придонес во зајакнувањето на економијата, поддршката на граѓаните и напредокот на нашата земја на патот кон Европската унија. Ѝ посакувам успех во понатамошната работа“, додаде претседателот на украинскиот парламент.

Зеленски претходно најави реорганизација на Кабинетот на министри како дел од спроведувањето на нова политичка стратегија и промената на раководителите на безбедносните и судските институции.

На 17 јули 2025 година, Врховната Рада го поддржа назначувањето на Јулија Свириденко за премиер на Украина.

Според извори на „Укринформ“, гласањето во парламентот за назначување на нова влада се очекува да се одржи на 16 јули.

Дотогаш, првиот заменик-премиер, поранешниот премиер Денис Шмигал, привремено ќе ја извршува функцијата шеф на владата.

Фото: ВИ

Тагови: украина

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петрушевски: Падна монтираниот случај за политички прогон против ВМРО-ДПМНЕ

 Падна монтираниот случај за политички прогон против ВМРО-ДПМНЕ, фактите се непријатни за СДС, а бегањето од сопствената одговорност преку политичка пропаганда не е политика, туку лицемерие.

Петрушевски: Падна монтираниот случај за политички прогон против ВМРО-ДПМНЕ

Падна монтираниот случај за политички прогон против ВМРО-ДПМНЕ!

Колку и да се обидува СДС да ја префрли вината, фактите не можат да ги избришат.

Факт е дека предметот го отвори нивното криминално СЈО, како дел од тогашниот политички прогон против ВМРО-ДПМНЕ, со цел промена на името. Дополнително, факт што свесно го избегнуваат, а кој денес судот јасно го образложи, е дека пресудата е последица на измените на Кривичниот законик од 2023 година, кои СДС ги предложи и ги изгласа.

Јавноста добро памети и како тогаш беа донесени тие измени на Кривичниот законик, со силни сомнежи дека се дел од пошироки политички договори и трговија со влијание, со цел уставни измени за внесување на Бугарите во Уставот.

Затоа, наместо да измислуваат приказни за „судство под контрола“, најпрвин нека се погледнат во огледало, а потоа нека одговорат јавно: кој и за какви цели преку тогашното СЈО го нарача политичкиот прогон против ВМРО-ДПМНЕ и зошто ги донесоа измените на Кривичниот законик во 2023 година?

Фактите се непријатни за СДС! А бегањето од сопствената одговорност преку политичка пропаганда не е политика, туку лицемерие.

Бране Петрушевски

ВМРО-ДПМНЕ

Тагови: Бране Петрушевски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер