Тојота го промовира најевтиниот електричен СУВ во Кина, чини 13.500 евра - Канал 5

Автомобилизам

Тојота го промовира најевтиниот електричен СУВ во Кина, чини 13.500 евра

Јапонската Toyota оваа недела започна со продажба на паметен електричен автомобил во Кина.

Тојота го промовира најевтиниот електричен СУВ во Кина, чини 13.500 евра

Целта е да се привлечат клиенти со напредни функции слични на оние што ги нудат кинеските ривали, додека компанијата ги засилува напорите да го врати пазарниот удел на најголемиот светски автомобилски пазар, пренесува Ројтерс.

Toyota сè уште нема постигнато значителен успех со своите претходни електрични модели на високо конкурентниот кинески пазар, на кој доминираат домашните производители како што е BYD.

Најновиот модел, Bozhi 3X, кој е значително попристапен од претходните верзии, вчера излезе во продажба. Тојота и нејзиниот кинески партнер, државната Гуангжу автомобилска група (GAC), првпат го претставија моделот на саемот за автомобили во Пекинг минатата година.

Повеќе од 10.000 нарачки биле примени во првиот час од лансирањето, откри на социјалните мрежи Пенг Баолин, потпретседател за продажба во GAC Toyota.

Цената на моделот со напреден систем за навигација, споредлив со опцијата Full Self-Driving на Tesla, започнува од 139.800 јуани (околу 18.100 евра). Основната верзија, со помалку напредни функции, се продава за 104.800 јуани, што е приближно 13.600 евра, што го прави најевтиниот електричен автомобил Тојота во Кина.

GAC Toyota одби да ги коментира плановите за извоз или профитабилноста на овој модел со оглед на неговата ниска цена.

Паметната верзија на Bozhi 3X е опремена со Orin X чип, сензор lidar и софтвер за автономно возење на Momenta, што го прави конкурентен со другите модели на пазарот.

Кинескиот пазар на електрични возила моментално е среде интензивна ценовна војна, која влезе во нова фаза минатиот месец кога BYD објави дека ќе нуди напредни системи за помош на возачот бесплатно на неколку свои модели, вклучително и оние под 9.200 евра, за кои нема да има дополнителни давачки.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Јанчев: Нови еколошки алатки за почист и уреден град

Денес беа промовирани новите еколошки алатки на ЈП „Комуналец“, наменети за поефикасно и современо одржување на градските зелени површини.

Јанчев: Нови еколошки алатки за почист и уреден град

Новата опрема ќе придонесе за полесно, побрзо и поеколошко одржување на Градскиот парк „Љупчо Шкартов“, создавајќи почисто и поубаво место за сите граѓани, соопшти градоначалникот на Општина Кавадарци, Митко Јанчев.

Тагови: Митко Јанчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Москва: Подготвени сме за нови идеи за мир во Украина, но само ако ја одразуваат реалноста на терен

Русија е подготвена да разгледа нови американски предлози за прекин на војната во Украина, но тие мора да ја земат предвид состојбата на терен и руските барања, изјави заменик-министерот за надворешни работи Сергеј Рјабков.

Москва: Подготвени сме за нови идеи за мир во Украина, но само ако ја одразуваат реалноста на терен

Според него, комуникацијата меѓу Москва и Вашингтон продолжува на повеќе нивоа, вклучително и меѓу владините структури и безбедносните служби.

Тој оцени дека американската страна во одредени моменти покажала „конструктивен пристап“ и поголемо разбирање за руските позиции, но додаде дека напредокот ќе зависи и од влијанието на Вашингтон врз Киев и европските сојузници. Русија во моментов контролира околу една петтина од украинската територија, а Москва инсистира секој мировен договор да ја земе предвид сегашната состојба на фронтот.

Украина, пак, останува на ставот дека договор кој би ја легализирал руската окупација е неприфатлив..

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Официјална Тирана реагира зашто немало албанска химна на фестивалот во Пустец на кој присуствал премиерот Мицкоски

Министерството за Европа и надворешни работи на Албанија реагира по културниот настан одржан вчера во Пустец на кој присуствуваше премиерот Христијан Мицкоски, поради тоа што не била интонирана химната на Албанија, покрај македонската.

Официјална Тирана реагира зашто немало албанска химна на фестивалот во Пустец на кој присуствал премиерот Мицкоски

Албанското МНР го опиша ова како сериозен недостаток на почитување на националните симболи и правилата на институционалниот протокол.

- Почитувањето на националните симболи не треба да биде прашање на политика или толкување. Тоа е дел од институционалната етика, протоколот и, пред сè, меѓусебно почитување, особено во простор каде што коегзистираат различни заедници и идентитети. “, пишува во реакцијата на албанското минстерство.

Премиерот Христијан Мицкоски вчера објави дека ја посетил Мала Преспа и присуствувал на Фолклорниот фестивал „Преспа 2026“ посветен на македонската традиција, култура и фолклор, што се одржал под негово покровителство.

Оттаму порача дека границите може да ги поделат териториите, но не може да ги избришат јазикот, културата и чувството на припадност.

Тагови: Христијан Мицкоски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер