Тојота е највредниот автомобилски бренд на светот, цифрата е огромна - Канал 5

Автомобилизам

Тојота е највредниот автомобилски бренд на светот, цифрата е огромна

Интербренд го објави своето рангирање на највредните брендови во светот, а технолошките гиганти продолжуваат да доминираат на првото место, како што се очекуваше.

Тојота е највредниот автомобилски бренд на светот, цифрата е огромна

Неколку производители на автомобили, исто така, го задржаа своето место меѓу 100-те највредни брендови во светот, демонстрирајќи ја отпорноста на секторот и покрај предизвикувачките пазарни услови.

Интербренд ги рангира брендовите според нивната вредност, која се пресметува врз основа на три клучни компоненти. Тие вклучуваат финансиска анализа, „улога на брендот“, која го мери влијанието на брендот врз одлуките за купување и „јачина на брендот“, дефинирана како способност да се создаде лојалност и да се обезбеди одржлива побарувачка и профит во иднина.

На врвот на рангирањето за 2025 година се Apple (470,9 милијарди долари), Microsoft (388,5 милијарди долари) и Amazon (319,9 милијарди долари). Сепак, фокусот на овој извештај е на автомобилската индустрија.

Највредниот производител на автомобили повторно е Тојота, која го зазеде високото 6-то место во целина. Вредноста на брендот се проценува на 74,2 милијарди долари, што е зголемување од 2 проценти во однос на минатата година, објави Аутопортал.

Веднаш зад Тојота, како втор највреден автомобилски бренд, Мерцедес се најде на 10-то место со проценета вредност од 50,1 милијарда долари. Сепак, ова е значителен пад од 15 проценти во споредба со 2024 година. БМВ, исто така, забележа сличен тренд, чија вредност се намали за 10 проценти на 46,8 милијарди долари, ставајќи го на 14-то место.

Тесла го забележа најголемиот пад, чија вредност се намали за дури 35 проценти „поради зголемената конкуренција од електричните возила“. Вредноста на Тесла сега се проценува на 29,5 милијарди долари.

Други добро познати брендови, исто така, се најдоа на листата: Хонда (29-то место), Хјундаи (30-то место), Ауди (52-ро место), Ферари (54-то место), Фолксваген (56-то место), Порше (57-мо место) и Киа (89-то место). Единствениот новодојденец на ранг-листата е кинескиот BJD, кој се најде на 90-то место со проценета вредност од 8,1 милијарда долари. Глобалниот главен стратег на Интербренд, Манфреди Рика, изјави: „BYD е најголемиот револуционер на автомобилскиот пазар од времето на Тесла. Тоа е производ од светска класа и направи огромен напредок на европскиот пазар додека се шири од својата азиска база.“ Интербренд ги издвои Форд и Волво како брендови што вреди да се следат во иднина.

Тагови: брендот тојота

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Интерпелација за работата на министерот за внатрешни работи Панче Тошковски

Денеска на собраниска седница е  интерпелацијата за работата на министерот за внатрешни работи Панче Тошковски поднесена од пратениците од опозицијата.

Интерпелација за работата на министерот за внатрешни работи Панче Тошковски

Го обвинуваат министерот Тошковски за креирање на „приватна партиска полиција заради владино прикривање и таргетиран политички реваншизам кон опозицијата“; командна одговорност за полициските пропусти кои доведоа до трагедијата во Кочани; непостапување на македонската полиција во случаи на семејно, врсничко и родово базирано насилство и говор на омраза. Меѓу другото, забележуваат и за, како што наведуваат, непрофесионални „двојни стандарди“ при постапувањето на полицијата со различно однесување за исти или слични случаи проследено со злоупотреба на овластувањата при употреба на сила. Ова е трета интерпелација за министерот Тошковски.

Тагови: Панче Тошковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска официјално ќе биде промовирана „Везилка“ – првиот центар за вештачка интелигенција во земјава

Денеска  официјално ќе биде промовирана „Везилка“ – првиот центар за вештачка интелигенција во земјава. 

Денеска официјално ќе биде промовирана „Везилка“ – првиот центар за вештачка интелигенција во земјава

Проектот е воспоставен во рамки на европската заедница за пресметување со високи перформанси, кофинансиран од Европската унија и координиран од факултетот за компјутерски науки и инженерство при УКИМ во соработка со министерството за дигитална трансформација.

Проектот е од важност за зајакнување на дигиталниот суверенитет, забрзување на дигиталната трансформација, поттикнување на иновациите во јавната администрација, подобрување на одлучувањето засновано на податоци и создавање можности за истражување, претприемништво и технолошки развој. Има за цел и да ја зајакне соработката меѓу институциите, универзитетите, истражувачките центри, организациите на граѓанското општество и деловната заедница.

Тагови: Везилка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Минчев ќе оствари билатерална средба со министерката за јавна администрација и локална самоуправа на Србија

Министерот за јавна администрација на Република Македонија, Горан Минчев, ќе оствари билатерална средба со министерката за јавна администрација и локална самоуправа на Република Србија.

Минчев ќе оствари билатерална средба со министерката за јавна администрација и локална самоуправа на Србија

Средбата се организира со цел размена на искуства и унапредување на соработката во областа на јавната администрација.

По завршувањето на билатералната средба, двајцата министри ќе дадат изјави за медиумите.

Кабинет на Министер за Јавна Администрација

Тагови: Минчев

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер