Тоа што прво ќе го забележите открива по што копнеете во овој момент - Канал 5

Забава

Тоа што прво ќе го забележите открива по што копнеете во овој момент

Верувале вие или не во тестови на личност, факт е дека често умеат да ни откријат нешто што и самите го знаеме, но никако не си го признаваме. Затоа погледнете ја оваа слика и искрено кажете – што прво забележавте?

Тоа што прво ќе го забележите открива по што копнеете во овој момент
Што прво забележавте на сликата?
*Снежни планини и небо
*Разнобојни полиња и шуми
*Жена која лежи
Еве ги одговорите:
*Снежни планини и небо -Слобода
-Високите планински врвови, чисто сино небо и птиците кои така слободно летаат – тоа е буквално описот на тоа што ви е потребно. Слобода. Целосна слобода!Не сакате да се врзувате за едно место и многу посреќни би биле кога би се занимавале со работа која подразбира постојано движење. Најсреќни сте кога патувате, а најнесреќни сите кога се чувствувате заробено. Добра вест е дека таа заробеност е само ва вашата глава – ослободете се и впуштете се во авантура!
*Разнобојни полиња и шуми -Сигурност
-Полињата на топли и разиграни бои, кои изгледаат како ги огреало прекрасно попладневно сонце, изгледаат толку топло, толку нежно и сигурно. Не, вие не сакате да ја освоите планината – затоа што тоа подразбира одделување од тлото. Вашата најголема потреба е потреба по сигурност, по семејство, пријателите, љубовта и топлината. Тоа не значи дека не можете да остварите големи успеси, токму спротивно – но секогаш ќе бидете најсреќни кога навечер ќе се вратите дома и ќе потонете во прегратките на саканата личност.
*Жена која лежи -Креативност
-Ако успеавте да забележите жена – секоја чест. Спаѓате во доста ретка група луѓе, на која за вистинска среќа најпотребна и е можноста да ја искаже својата креативност. Вие сте уметничка душа – уметник кој може да се вози со автобус по дождлив ден и да ја забележи убавината во секој детаљ околу себе. Тоа што на вас ви е потребно за да се почувствувате остварени, среќни и спокојни е токму тоа – можност да се искажете. Најлоша работа која можете да ј направите е да завршите на работа која не подразбира ни трошка креативност.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Тенис

Страшна повреда на италијанска тенисерка: Ногата ѝ пропадна во земјениот терен (ВИДЕО)

Италијанската тенисерка Елеонора Алвизи претрпе една од најтешките повреди на тениската турнеја оваа година и мораше да се повлече од натпреварот во Санта Маргарита ди Пула, турнир на ИТФ.

Страшна повреда на италијанска тенисерка: Ногата ѝ пропадна во земјениот терен (ВИДЕО)

Во тајбрејкот во вториот сет против шведската противничка Елизабет Ског, таа се обиде да влезе на теренот и да стигне до топка, но се сопна на куп земјена подлога и заврши на земја.

Повредата на коленото веднаш беше јасна, а судијата истрча за да види што точно се случува.

Италијанката беше изнесена од теренот, а ќе видиме дали 23-годишната ќе може да се натпреварува до крајот на сезоната.

Таа влезе меѓу првите 1000 на овој турнир, но нејзиното видео привлече големо внимание во врска со подготовката на самиот земјен терен.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сиљановска-Давкова со Баренбаум: Историската вистина за македонските Евреи мора да се зачува

Претседателката Гордана Сиљановска-Давкова денеска го прими д-р Мајкл Баренбаум, истакнат професор по еврејски студии и експерт за Холокаустот, кој во март годинава ја придружуваше за време на посетата на Меморијалниот комплекс „Треблинка“ во Полска.

Сиљановска-Давкова со Баренбаум: Историската вистина за македонските Евреи мора да се зачува

На средбата присуствуваа Горан Садикарио, директор на Фондот на холокаустот на Евреите од Македонија, Љиљана Мизрахи и Тодор Чепреганов.

Сиљановска-Давкова укажа на опасноста од историски ревизионизам, минимизирање и негирање на Холокаустот и од антисемитизам.

За неа, Треблинка каде што биле убиени 7.144 македонски Евреи, односно 98 проценти од македонската еврејска заедница е длабоко потресно искуство, но и споменик што сведочи за историските факти, како и причина за прераснување на одбележувањето во традиција.

Претседателката му се заблагодари на Баренбаум за експертското и човечко ангажирање во одбраната на историската вистина за Холокаустот врз македонските Евреи, особено за аргументираната заложба да се сочува автентичниот натпис на спомен-плочата во Треблинка, наспроти обидите за негова измена.

За професорот, присуството на Претседателката, пратеници и претставници на македонската Eврејска заедница на одбележувањето на 11 Март - Денот на депортацијата на македонските Евреи, во Треблинка, е од исклучителна важност.

Баренбаум потсети дека со испишувањето на имињата на македонските Eвреи на ѕидот во Меморијалниот комплекс, секоја жртва ќе добие траен спомен и заслужена заштита од заборав.

Тој укажа на важноста од документирање на историјата и едукација на младите генерации за Холокаустот во сите степени од образовниот процес, како и организирање студентски посети на Меморијалниот комплекс во Треблинка.

Директорот на Меморијалниот центар на холокаустот на Евреите од Македонија информираше за тековните активности, меѓу кои и иницијативата за формирање на едукативен институт во негови рамки, како и за утрешната изложба посветена на еврејските партизани во Скопје, соопштуваат од Кабинетот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево време со температура до 20 степени

Времето утре ќе биде сончево со мала до умерена облачност, соопштуваат од УХМР. 

Утре сончево време со температура до 20 степени

МАКСИМАЛНА ТЕМПЕРАТУРА

4 Попова Шапка, 8 Маврови Анови, 9 Крушево, Берово, 13 Крива Паланка, Претор, Прилеп, 14 Битола, Охрид, 16 Струмица, Виница, Штип, Тетово, 17 Кавадарци, Скопје Петровец, Скопје – Зајчев Рид, Демир Капија, Велес, 18 Гевгелија.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес беше променливо облачно со сончеви периоди. Наместа дуваше засилен до силен ветер, кој во источните делови повремено достигнуваше брзина од 60 km/h. Во вечерните часови и во текот на ноќта ќе биде умерено облачно. Ќе дува засилен ветер од северен и северозападен правец.

ВРЕМЕТО УТРЕ

Сончево со мала до умерена облачност. Ќе дува умерен до засилен ветер од северозападен правец, кој долж Повардарието ќе надминува брзина од 60 km/h. Минималната температура ќе биде во интервал од 0 до 9, а максималната ќе достигне од 12 до 20 степени.

Во Скопје, сончево со мала до умерена облачност. Ќе дува умерен, во делови од котлината повремено засилен ветер од северен правец. Минималната температура ќе се спушти до 6, а максималната ќе достигне до 15 степени.

ВРЕМЕТО ВО НАРЕДНИТЕ ДЕНОВИ

Следува период на променливо облачно и стабилно време, освен во петок кога ќе има слаби локални врнежи од дожд кои на повисоките планини ќе бидат од снег. Утре ќе дува засилен до силен ветер од северен правец, а од петок до крајот на периодов, ќе дува слаб до умерен северен ветер, кој ќе биде поизразен долж Повардарието.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер