Тинк-тенк извештај: ЕУ мора да го преиспита начинот на водење на надворешната политика - Канал 5

Свет

Тинк-тенк извештај: ЕУ мора да го преиспита начинот на водење на надворешната политика

- ЕУ треба да се спротивстави на руското влијание на Истокот со зголемување на нејзината моќ на привлекување и со развивање на радикално нова „Источна политика“, која ќе ја надгради сегашната рамка на Источното партнерство.

Тинк-тенк извештај: ЕУ мора да го преиспита начинот на водење на надворешната политика

Европската Унија мора да се преиспита како ја води својата надворешна политика и воедно да изврши промена на работните методи и да зазема поинаков пристап кон клучните партнерства, се оценува во извештајот на тинк-тенкот Институт за безбедносни студии на ЕУ (ЕУИСС) насловен „10 идеи за новиот тим“.

Во документот во кои се даваат препораки на новата Европска комисија во однос на надворешната политика, се нагласува дека иако Украина ќе остане најзначајно безбедносно прашање за Европа, ЕУ треба да ги преиспита „застарените рамки“, како што е европската политика за соседски односи, да изгради поприспособени партнерства со јужното соседство, пред се во реонот на Медитеранот, да ја зајакне енергетската отпорност и да најде реален пристап кон ограниченото влијание на ЕУ врз Кина и Русија.

- ЕУ треба да се спротивстави на руското влијание на Истокот со зголемување на нејзината моќ на привлекување и со развивање на радикално нова „Источна политика“, која ќе ја надгради сегашната рамка на Источното партнерство и ќе ја забрза постепената интеграција на земјите кандидати за членство, се вели во Извештајот.

Една од клучните препораки во Извештајот е ЕУ да го прилагоди начинот на својата работа со ревизија на нејзините безбедносни политики и со интегрирање во кохезивната стратегија на некои области, како што се енергијата, миграцијата и одбраната.

[Северна Македонија се вклучва во изградбата на терминалот за течен природен гас во близина на Александропулос. Интерсот од нашата страна е изразен, а поддршка за проектот е добиена и од САД.]

Според директорот на Институтот, Стивен Евертс, ЕУ го губи теренот кога станува збор за конкурентноста, но и за надворешната политика.

- Во суштина, тоа претставува неуспех за прилагодување на потребното ниво, бидејќи меѓународната ситуација се влошува со многу побрзо темпо, од она со кое што ЕУ досега можеше да се справи, вели Евертс, кој е поранешен советник на високиот претставник на ЕУ за надворешна политика и безбедност Жозеп Борел.

Евертс посочува дека наследникот на Борел на функцијата треба да дејствува како еден вид советник за национална безбедност на европските лидери, што би вклучувало нивно редовно брифирање и презентирање на пакет-политики.

Во Извештајот се предлага ЕУ да формира „Совет за одбрана на Европа“ составен од шефовите на држави или влади на земјите членки на ЕУ, кој би се занимавал со безбедносните прашања и би се состанувал пред секој Самит на Унијата.

[„Треба да признаеме дека и покрај постојаната посветеност кон интеграцијата во ЕУ ... луѓето во регионот доживуваат чувство на длабоко разочарување во процесот на проширување“, се вели во до]

Во документот се препорачува и преиспитување на цивилните и воените мисии на ЕУ во странство, за кои се смета дека во изминатите години имале мало влијание. - Ова би значело помалку мисии и операции во целост, но поголем фокус на земјите кандидати и партнерите од поширокото соседство, се додава во Извештајот.

Извори во ЕУ посочуваат дека за спроведувањето на ваквите идеи потребни се дополнителни средства, што нема да биде лесно да се обезбедат во услови кога Европската служба за надворешни работи (ЕЕАС) и сега се наоѓа под финансиски притисок, што се очекува да влијае на задржувањето на постојното дипломатско присуство на Унијата во делови на Африка и Латинска Америка.

Генералниот секретар на ЕЕАС, Стефано Санино, веќе предупреди дека Службата е „многу недоволно буџетирана“, оценувајќи дека ограничувањата на нејзините финансиски средства претставуваат „кусогледост“.

- Ако ги намалиме или затвориме делегациите во другите делови на светот, ќе ја намалиме нашата способност да ги браниме нашите интереси, предупреди Станино пред неколку месеци.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Хаос на аеродромот во Мајами: Судир на два авиона, има повредени ВИДЕО

Товарен авион на „UPS“ и авион на „Copa Airlines“ се судрија на пистата на меѓународниот аеродром во Мајами во текот на ноќта, при што беа повредени две лица.

Хаос на аеродромот во Мајами: Судир на два авиона, има повредени ВИДЕО

Во судирот учествуваа „Boeing 767“ на „UPS“ и „Boeing 737“ на „Copa Airlines“, објави „CBS“.

„Околу 21:15 часот, авион што пристигнуваше и се повлекуваше се судрија на раскрсницата на две писти“, вели Грег Чин, директор за комуникации на меѓународниот аеродром во Мајами.

Чин вели дека противпожарната служба на Мајами им пружила помош на двајца пациенти на местото на настанот за полесни повреди и дека не им бил потребен медицински превоз, како и дека летовите биле пренасочени кон други писти, па судирот не влијаел врз работењето на аеродромот.

Карго авионот на „UPS“ требало да полета од Мајами до Богота, Колумбија, а авионот на „Copa Airlines“ слетал од Панама Сити, Панама.

Тагови: авион Мајами

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Експлозија во Ормускиот теснец: Танкери дигнати во воздух (ВИДЕО)

На двата танкери избувнале експлозии и голем пожар.

Експлозија во Ормускиот теснец: Танкери дигнати во воздух (ВИДЕО)

Два танкери за нафта се запалија откако наидоа на подводни мини во јужниот дел од Ормускиот теснец во текот на ноќта, соопштија поморските сили на Иранскиот корпус на Исламската револуционерна гарда (ИРГЦ), велејќи дека бродовите се обиделе тајно да поминат низ неовластена рута.

ИРГЦ во соопштението наведува дека танкерите претходно ги исклучиле своите системи за навигација и автоматска идентификација на бродови во обид да го сокријат своето движење низ Ормускиот теснец.

Според Иранскиот корпус на револуционерна гарда, откако наидоа на морските мини, на двата танкери избувнаа експлозии и голем пожар.

Во соопштението се додава дека уште два танкери за нафта, кои исто така се обиделе да поминат низ неовластена рута, дејствувале по предупредувањата од центарот за контрола на поморскиот сообраќај на ИРГЦ и се вратиле кон Персискиот Залив.

Тагови: Ормускиот теснец

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп повторно на нишан?

Израелската разузнавачка служба Мосад ги доставила информациите до Вашингтон откако ги потврдила на барање на американските разузнавачки служби.

Трамп повторно на нишан?

Израел им доставил на Соединетите Американски Држави разузнавачки информации за наводните планови на Техеран да го нападне американскиот претседател Доналд Трамп и високи функционери во неговата администрација со беспилотни летала, објави денес израелскиот весник Израел Хајомз.

Според весникот, израелската разузнавачка служба Мосад ги доставила информациите до Вашингтон откако ги потврдила на барање на американските разузнавачки служби.

Друга западна разузнавачка служба наводно ги потврдила информациите.

Службениците изјавија дека можноста за постигнување договор меѓу САД и Иран значително се намалила во последните денови и дека една од главните причини за ова се разузнавачките информации што Мосад ги доставил до американската Централна разузнавачка агенција (ЦИА).

Според овие наводи, еден можен метод на напад би биле беспилотни летала наполнети со експлозиви, против кои, според службениците, тешко е да се дејствува со користење на стандардни безбедносни мерки. Откако Мосад доставил разузнавачки информации, американските функционери кои се сметаат за потенцијални цели на нападот значително ги намалиле своите појавувања на јавни настани на отворено, додека неколкумина биле привремено преместени од своите домови за да обезбедат објекти, според Израел Хајом.

Весникот, исто така, објавува дека се воведени посебни безбедносни мерки за време на јавните појавувања на претседателот Трамп.

Иако некои настани беа организирани на отворено пред среднорочните избори за Конгресот, ваквите собири сега се значително намалени, според официјални лица.

Се додава дека се воведени дополнителни безбедносни мерки за време на настаните на кои присуствуваше американскиот претседател, вклучително и специјални системи дизајнирани да ги неутрализираат заканите од беспилотни летала.

Меѓу официјалните лица за кои се вели дека се под посебни мерки за заштита се секретарот за финансии Скот Бесант, кој одигра клучна улога во донесувањето одлуки за економски санкции против Иран, и државниот секретар Марко Рубио, кој, според весникот, се спротивставил на постигнувањето договор со Техеран.

Извор: Б92

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер