Министерот за надворешни работи и надворешна трговија, Тимчо Муцунски, преку објава на социјалните мрежи се осврна на резултатите од Самитот на НАТО во Анкара, оценувајќи дека донесените одлуки дополнително ќе ја зајакнат Алијансата и ќе придонесат за унапредување на колективната безбедност.

„Пораката е јасна: НАТО испорачува резултати. Ја потврдивме заедничката определба за поголеми инвестиции во одбраната, понатамошно јакнење на одбранбените капацитети, поправедна распределба на одговорностите меѓу сојузниците и континуирана поддршка за Украина“, напиша Муцунски.

Тој информираше дека на маргините на Самитот остварил повеќе билатерални средби со колеги од земјите членки на НАТО, како и со високи претставници на земјите сојузници и партнери. Во разговорите, како што посочи, станало збор за билатералните односи, соработката во рамките на НАТО, како и за актуелните регионални и глобални безбедносни предизвици.

„Како посветен и кредибилен сојузник, продолжуваме активно да придонесуваме кон зајакнувањето на колективната безбедност, стабилноста и единството“, порача министерот Муцунски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Неколку земји од Персискиот залив оттогаш пријавија ирански напади - ова вклучуваше експлозии во главниот град на Бахреин, Манама, пресретнување ракети и беспилотни летала од Кувајт и издадено е безбедносно предупредување од Катар.

Мохамед Багер Галибаф, главен преговарач на Иран со САД, рече дека Америка „сè уште не научила дека малтретирањето и кршењето на ветувањата повеќе не се бесплатни“.

Иранските медиуми објавија дека експлозии се слушнале во областите долж јужниот брег на земјата и дека нападите ги погодиле островите во Персискиот залив кои се под контрола на Иран.Ова следува по американските напади во вторникот, за кои Централната команда на САД соопшти дека биле одговор на нападите врз три комерцијални бродови што транзитираа низ теснецот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Франција и Мароко ќе се борат за пласман во полуфиналето во Фоксборо, на стадионот „Џилет“, кој е домашен терен на легендарниот НФЛ-тим „Њу Ингланд Петриотс“.

Улогата на фаворит во дуелот меѓу втората и четвртопласинарана репрезентација од последниот Мундијал, ја има србрената Франција,предводена од големите светски фудбалски ѕвезди, Мбапе, Олисе, Дембеле...секако свои адути има и тимот на Мароко, како Хакими..., Но многупати досега фудбалот покажал дека на вакви средби не секогаш победувале посилните репрезентации, поради тоа вечерва се очекува дуел со многу возбудувања но и тактички надмудрувања.

Селекторот на Триколорите Дешан нагласи дека вечерва очекува исклучително тежок натпревар против Мароко.

„Мароко нема профил на екипа како Парагвај. Ќе мораме да бидеме многу ефикасни, бидејќи станува збор за врвна репрезентација. Како што се искачувате кон врвот на планината, така и нивото на противникот е сè повисоко. Менталитетот сам по себе не носи победи, но може да биде причина за пораз“, заклучи селекторот на Франција.

Инаку, според француските медиуми вечерва ќе биде жестоко низ земјата без разлика кој и да победи.

Кој и да победи на четврфиналето Париз, ќе „изгори“ пренесуваат поголем дел од медиумите. Полицијата Во Париз веќе прогласи вонредни мерки. Париската полиција подготвува посебни мерки пред натпреварот меѓу Франција и Мароко во САД.

Франција го елиминираше Парагвај во осминафиналето со голот на Килијан Мбапе, додека Мароко убедливо ја совлада Канада со 3:0.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.