Да почнеме со профитот: како што известува „The Street“, Тесла заработи повеќе пари отколку Форд и ГМ заедно. Тесла оствари профит од 12,6 милијарди долари минатата година, наспроти 9,9 милијарди долари на ГМ и загубата на Форд од 2 милијарди долари.
Изминатата година не беше најдобра за Тесла, барем во однос на публицитетот - акциите паѓаа, Илон Маск беше предмет на различни написи, вклучително и тужби поврзани со безбедноста или написи за ривалите кои почнаа да ги испорачуваат своите електрични возила.
Ова доведе некои луѓе да се запрашаат дали златното доба на Тесла се ближи кон крајот. Тоа е прилично неверојатно достигнување за компанија која дури и не е активна во некои големи сектори на автомобилскиот пазар.
Не продава автомобили со мотори на внатрешно согорување или хибриди, нема компактни или субкомпактни модели, а електричниот пикап Сајбертрак сè уште не достигнал сериско производство.
Приходите на Тесла во 2022 година беа 81,5 милијарди долари, додека приходите на ГМ беа 157 милијарди долари, а на Форд беа 158,1 милијарди долари. Што нè доведува до уште еден фискален факт за Тесла. Зборуваме за заработка по автомобил.
Извештајот на Никеи Азија вели дека Тесла заработувала пет пати повеќе по автомобил од Тојота минатата година. Помеѓу април и декември, американскиот производител заработил во просек 12,6 милиони јени (9.618 долари) по автомобил, додека Тојота заработила само 240.000 јени (1.832 долари) по возило, според Никеи.
Дел од вината за ова се припишува на зголемената цена на материјалите, што ги погоди сите производители на автомобили, но особено ја погоди Тојота, пренесува АутоБлог.