Тесла планира да произведува 390.000 автомобили годишно во фабриката во Берлин - Канал 5

Автомобилизам

Тесла планира да произведува 390.000 автомобили годишно во фабриката во Берлин

Американскиот производител на електрични возила Тесла денеска објави дека планира да ангажира уште 1.000 работници во фабрика во близина на Берлин за да го зголеми производството во услови на зголемена побарувачка во Европа.

Тесла планира да произведува 390.000 автомобили годишно во фабриката во Берлин

Новиот бран на вработувања следи по најавата во април дека фабриката во Грунхајде ќе добие 1.000 нови вработени до крајот на јуни, при што производството се планира да се зголеми за околу 20 проценти до приближно 6.000 возила неделно за да биде во тек со зголемената побарувачка.

Сега имаат намера да ангажираат уште илјада работници, со планирано зголемување на производството од октомври на 7.500 автомобили неделно. Тоа би значело дека фабриката треба да произведува 390 илјади возила годишно. Првичните планови беа за 500 илјади возила годишно.

Фабрика за батерии: Најголема во светот?

Во средината на мај, администрацијата, исто така, објави дека ќе вработи повеќе од 1.500 работници во фабриката за батериски ќелии во комплексот во близина на Берлин, во согласност со најавата на Илон Маск во 2020 година дека Гигафабриката Берлин-Бранденбург треба да стане најголемата фабрика за батерии во светот.

Годишниот производствен капацитет на централата треба да се зголеми од сегашните осум на 18 гигават часови, со најавени инвестиции од речиси 250 милиони долари. „Од ќелии на батерии до електрични возила, очекуваме да почнеме да произведуваме сè на истата локација од 2027 година“, истакнаа тие во мај.

Продажбата во ЕУ скокна за 77 отсто

Продажбата на Teсла во ЕУ скокна во првите пет месеци од оваа година за цели 77 отсто во однос на истиот период минатата година, со нешто повеќе од 89.000 регистрирани нови возила, покажуваат податоците на здружението на производители ACEA. Само во мај се регистрирани речиси 22 илјади нови Tesla, речиси три пати повеќе од истиот месец лани.

Тагови: Берлин тесла

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Џеј Ло во тесно трико ги истакна облините

Што промени светската музичка ѕвезда,  Џенифер Лопез во исхраната и рутината за вежбање за да изгледа  вака супер на 57 години.

Фото: Џеј Ло во тесно трико ги истакна облините

Папарацо-фотографиите го открија нејзиното совршено тело.

Мегапопуларната Џеј Ло со децении редовно вежба, но во текот на изминатата година значително ги промени својата исхрана и рутината за вежбање.

Дефинитовно оваа промена вродила со плод и сега жешката Латиноамериканка изгледа подобро од било кога.

Новите папарацо-фотографии од Џенифер Лопез во црно трико за вежбање и со чаша вода во рацете би можеле да бидат одлична мотивација за секоја жена.

Сепак, тешко е да се поверува дека оваа жена има 57 години и е мајка на две возрасни деца.

Тагови: Џенифер Лопез

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео-фото: Најпознатата плус сајз манекенка гордно го покажа телото: Вака изгледа мојот живот

Најпознатата плус сајз манекенка, Ешли Греам, се прослави токму по своите прекрасни облини, но и по храброста да ги покаже во секоја прилика – дури и пред оние што ја пречекуваат „со нож“. 

Видео-фото: Најпознатата плус сајз манекенка гордно го покажа телото: Вака изгледа мојот живот

Познатата убавица сега објави видео на Инстаграм во кое прикажа различни сцени, но и моменти од различни периоди на нејзиниот живот.

На него таа позира во бикини, поминува време со своите деца, ужива во бременоста и вежба, а пораката што сакаше да ја пренесе е дека телото на секого се менува и дека тоа е сосема нормално.

https://www.instagram.com/reel/DeO4MOMznWf/?utm_source=ig_embed

„Секако дека телото ми се менува. Вака изгледа мојот живот. Не би сакала ништо да биде поинаку“, напиша таа покрај видеото.

Нејзината објава предизвика лавина реакции за многу кратко време и сите го поздравија овој потег. Во коментарите ѝ упатија зборови на поддршка и ѝ се заблагодарија за искреноста.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Еврото падна на најниско ниво во однос на доларот во последните 17 месец

Еврото падна на најниско ниво во последните 17 мсеци во однос на американскиот долар под притисок на растечките стравувања за јавниот долг на Франција, растот на цените на енергенсите и неизвесноста на финансиските пазари.

Еврото падна на најниско ниво во однос на доларот во последните 17 месец

На 5 октомври, европската валута се спушти на околу 1,12 долари, продолжувајќи го падот што од почетокот на 2026 година достигна приближно пет проценти. Аналитичарите оценуваат дека инвеститорите сè повеќе ги преиспитуваат ризиците поврзани со европската економија, но и очекувањата за каматната политика на американските Федерални резерви.

Особена загриженост предизвикува Франција, чиј јавен долг достигна речиси 118 проценти од бруто домашниот производ, додека буџетскиот дефицит останува висок. Растот на приносите на француските државни обврзници покажува дека задолжувањето на земјата станува поскапо, а дел од инвеститорите се насочуваат кон германските обврзници, кои се сметаат за посигурна инвестиција.

Слабеењето на еврото создава дополнителен ризик од инфлација, бидејќи увозот на нафта, гас и други производи што се плаќаат во долари станува поскап. Тоа може да изврши дополнителен притисок врз цените во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер