Живот

Тешко повреден Моранте де ла Пуебла за време на борбата со бикови во Севиља

Познатиот шпански тореадор Моранте де ла Пуебла е тешко повреден откако бил прободен од бик за време на корида во Севиља, која се одржува во рамките на традиционалниот фестивал Ферија де абрил, информираа денеска шпанските медиуми.

Несреќата се случила во текот на настапот кога тореадорот, според извештаите, ја изгубил рамнотежата, по што бил нападнат од бикот кој го прободел во пределот над задната ложа. Според наведените информации, животот на повредениот не е во опасност, но е итно пренесен во болница од страна на медицинските екипи присутни на настанот. Медицинските служби соопштија дека познатиот тореадор се здобил со рана од околу десет сантиметри, при што е зафатен и ректалниот ѕид, што укажува на сериозна повреда.

Шпанските медиуми, според податоците од организаторите и здравствените служби, наведуваат дека во последните осум години се регистрирани повеќе од 1.200 повредени тореадори, од вкупно околу 13.500 утврдени случаи поврзани со коридата - што претставува приближно девет отсто повреденост. Најчестите повреди според докторите, се во пределот на бутовите и препоните.

Исто така, се проценува дека околу 35.000 бикови годишно го губат животот на шпанските арени, имајќи предвид дека традиционалната корида речиси без исклучок завршува со смрт на животното. Во последните децении се забележува значителен пад на интересот за борбите со бикови.

Посетеноста е намалена за околу 75 отсто во последните 25 години, а само околу два отсто од Шпанците редовно присуствуваат на овие настани. Истовремено, истражувањата покажуваат дека околу 77 отсто од населението е против ваквата традиција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Владата има пари за авион - нема за плати!

Власта на Христијан Мицкоски повторно ги покажа своите приоритети – луксуз за функционерите, изговори за граѓаните.

Директорот на СОЗР, Ивица Томовски, јавно кажа дека идејата за нов владин авион не е повлечена, парите се оставени. Се чека само купувањето.

Тоа било за нив „сериозна држава“.

За оваа криминална власт „сериозна“ држава не се мери со платите на работниците, со полни фрижидери, со функционално здравство, со безбедна вода.

Се мери со нов авион за Мицкоски.

„Третата економија во Европа“ на Мицкоски нема пари за минимална плата од 600 евра. За нов владин авион – има.

Се може да почека само авионот не може.

Граѓаните во Гостивар 5 недели да чекаат на вода. Анализите за водата во Гостивар да почекаат.

Работниците со минимална плата да чекаат. Потрошувачката кошничка од 70.000 денари да почека. Дизелот од 100 денари да почека. Земјоделците со нјаниски откупни цени да почекаат.

Само авионот не може да чека.

Велат, авионот бил потребен за ЕУ, за инвеститори и за функционерите да не губеле време на редовни линии.

За Гостивар имаа време. Додека илјадници граѓани се соочуваа со здравствената криза, Мицкоски имаше време за одмор и екскурзија.

А сега нема време да патува со редовна линија и да седи во економска класа.

Оваа власт ги намали странските инвестиции за над 60% за 2 години, да и беше за инвестиции ќе ги зголемеше.

Сериозна држава е држава која прво обезбедува безбедна вода за своите граѓани.

Сериозна држава обезбедува достоинствени плати, функционално здравство и институции што работат. Сериозна држава не слави додека илјадници граѓани завршуваат во болница.

Но тоа не се приоритетите на Мицкоски и ВМРО-ОКГ.

Нивниот редослед е јасен: Прво луксуз за нив, потоа изговори за граѓаните.

СДСМ

Тагови: СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: 28 нови директни авиолинии од македонските аеродроми, Владата ја забрзува поврзаноста со нови авиодестинации

Со новите авиолинии, Македонија станува полесно достапна и за граѓаните и за странските посетители. Вкупно се воведени 28 нови дестинации од аеродромите во Скопје и Охрид.

Најголема корист имаат граѓаните, кои сега имаат повеќе директни опции за патување низ Европа и пошироко.

Од Скопје се воведени директни летови до Париз, Барселона, Лион, Амстердам, Љубљана, Мадрид, Стокхолм, Келн, Бари, Прага, Ларнака, Неапол, Будимпешта, Алгеро и Палермо.

Од Охрид пак, новите линии ги поврзуваат граѓаните со Истанбул, Базел, Ларнака, Мадрид, Штутгарт, Бари, Стокхолм, Катовице, Вроцлав, Милано, Братислава и Виена.

Подобрата поврзаност е важна и за економијата. Поголемиот број директни линии може да придонесе за развој на туризмот, особено во Охрид, но и за полесно поврзување на домашните компании со странски партнери и пазари.

Проширувањето на авиомрежата е дел од заложбите на Владата предводена од ВМРО-ДПМНЕ за поголема мобилност, повеќе можности и посилно поврзување на Македонија со Европа и светот.

ВМРО-ДПМНЕ

Тагови: ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Третиот ден од карпошовото културно лето започна со урбана уметност

Вчера, со почеток во 20:00 часот, во училишниот двор на ООУ „Петар Поп Арсов“, пред љубителите на филмската уметност беше прикажан долгометражниот анимиран филм „Јон Вардар против Галаксијата“.

Третиот ден од Карпошовото културно лето започна во знакот на урбаната уметност и проектот „По таму, сонот…“, во чии рамки ликовната уметничка Калина Брајковска започна со изработка на мурал на бараките на Факултетот за информатички науки и компјутерско инженерство – Скопје (ФИНКИ).

Со осликувањето на четирите бараки на оваа високообразовна институција, јавниот простор ќе добие ново ликовно и уметничко обележје, збогатувајќи го урбаниот амбиент на Карпош и Скопје. Додека уметницата работеше на муралот, посетителите уживаа во музичката програма и пријатната атмосфера. На почетокот на создавањето на муралот присуствуваше и градоначалникот на Општина Карпош, Сотир Лукровски, кој и самиот се приклучи во уметничкиот процес и учествуваше во цртањето

Вчера, со почеток во 20:00 часот, во училишниот двор на ООУ „Петар Поп Арсов“, пред љубителите на филмската уметност беше прикажан долгометражниот анимиран филм „Јон Вардар против Галаксијата“. Во опуштена атмосфера под отворено небо, карпошани од сите генерации уживаа во филмската вечер. Карпошовото културно лето продолжува со богата програма, добра забава и содржини за сите генерации!

ОПШТИНА КАРПОШ

Тагови: Општина Карпош

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.