Здравје

Термини за тестови за Ковид-19 ни за лек, се уште се чекаат брзите тестови

Брзите тестови што треба да ја олеснат ситуацијата со недостаток на термини во државните пунктови, ама и со издавањето на резултати, се уште не се пристигнати, велат за Канал 5 од Министерството за здравство.

Оттаму прецизираат, се чека донација од 7.500, а подоцна ќе се купат уште 25.000 тестови.

-Се очекува да пристигнат околу 7500 брзи тестови како донација во нашата држава. Истите ќе бидат распределени во неколку здравствени институции. Оваа донација ќе претставува дополнително зајакнување на капацитетите за тестирање. Министерството за здравство дополнително ќе набави 25.000 тестови кои ќе бидат наменети за пациенти во болнички услови.- Министерство за здравство

Во меѓувреме термини за корона-тест во пунтовите нема. Граѓаните даваат најмалку 3.000 денари за тест во приватна лабораторија, за да не треба да чекаат по 5-6 дена, а згора на тоа, да одат и во друг град во земјава. Но, матичните лекари велат дека дел од нив поради паника инсистираат да се тестираат, иако за тоа во моментот нема потреба.

Според груба пресметка, од џеб досега граѓаните за тестирање во приватна лабораторија платиле најмалку 5 милиони и 200 илјади евра. Засега, велат од Министерството, ниту една лабораторија не соработува со Фондот, ниту пак ФЗО има план за склучување на договори за тестови со приватниците. Па, граѓаните, што со години си плаќаат здравствено осигурување, а имаат симтоми, ако не сакаат да чекаат со денови за да се тестираат, даваат од 3.000 до 8.000 денари, во зависност од тоа колку брзо сакаат да добијат резултат.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Рекордни температури во Велика Британија, најжешкото лето досега

Летото 2026 година ќе биде најжешкото во Велика Британија откако се водат евиденции, соопшти денес британската Метеоролошка служба.

Метеоролозите велат дека за да се сруши температурниот рекорд од минатата година во Велика Британија, сè што е потребно е температурите да останат на просечно ниво до крајот на август, објави Би-Би-Си.

Според Метеоролошката служба, просечната температура во Велика Британија за метеоролошкото лето (од 1 јуни до 10 август) досега била 16,48 степени Целзиусови, што е за 1,88 степени над просекот за периодот од 1991 до 2020 година.

Во текот на летото 2025 година, просечната температура во Велика Британија, која ги вклучува ноќниот минимум и дневниот максимум, била 16,10 степени.

Ова е во согласност со доказите дека летата стануваат потопли и посуви поради климатските промени, соопшти британската јавна служба.

Во Велика Британија, највисоката температура досега ова лето била 38 степени Целзиусови во Лингвуд, Норфолк, на 26 јуни.

Извор: Б92

Тагови: Велика Британија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Утре сончево и многу топло со мала до умерена облачност

Времето утре ќе биде сончево и многу топло со мала до умерена облачност.

Ќе дува слаб до умерен, а наместа повремено засилен ветер од северен правец.

Во Скопје, сончево и многу топло со мала до умерена облачност. Ќе дува слаб до умерен, а во делови од котлината повремено засилен ветер од северен правец.

Во четврток и во петок попладне ќе биде нестабилно со пороен дожд, грмежи и засилен ветер. Локално ќе има услови за невреме со пообилен пороен дожд за кратко време, силен ветер и наместа појава на град. Температурата ќе опадне за неколку степени. Во деновите од викендот и почетокот на новата седмица времето ќе биде стабилно, а дневната температурата ќе биде во постепен пораст.

УХМР

Тагови: УХМР

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

МВР и Фондот за здравствено осигурување: Надминат проблемот со здравственото осигурување на вработените

Министерството за внатрешни работи и Фондот за здравствено осигурување информираат дека проблемот со здравственото осигурување на вработените во МВР е надминат и дека тие повторно можат непречено да ги користат здравствените услуги.

Во текот на денот, двете институции беа во континуирана координација и, во соработка со Управата за јавни приходи, ги презедоа потребните активности за утврдување и отстранување на причините што доведоа до привремен прекин во остварувањето на правата од здравственото осигурување.

По преземените активности, состојбата е нормализирана и овозможено е непречено користење на правата од здравственото осигурување за вработените во Министерството за внатрешни работи.

МВР и Фондот за здравствено осигурување ќе продолжат со координирани активности за изнаоѓање системско решение кое ќе овозможи во иднина непречено функционирање на здравственото осигурување и навремено остварување на правата од здравственото осигурување за сите вработени.

Тагови: мвр

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.