Шоу биз

Тензиите меѓу Канје Вест и Бјанка на највисоко ниво- таа му даде ултиматум (ВИДЕО)

Бјанка Ценсори наводно му дала ултиматум на Канје Вест ако раперот сака да го спаси нивниот брак, за кој долго време се шпекулираше дека е на стаклени нозе.

Како што изјавил извор за „Мирор“, тензиите меѓу двојката достигнале врв. „Таа сака повеќе слобода. Ако тој не го прифати тоа, Бјанка ќе го остави“, коментирал изворот. Тензиите наводно биле предизвикани од тоа што Канје ѝ забранил на Бјанка да соработува со луксузни модни брендови.

„На неа ѝ недостига да си ја работи својата работа. Не сака да се чувствува ограничена. Таа е многу креативна личност и сака да се истакне како моќна, независна жена“, додаде изворот.

Гласините за развод почнаа по доделувањето на Греми наградите

Да ве потсетиме дека уште од скандалот на доделувањето на Греми наградите, кружат гласини за можен развод помеѓу Канје и Бјанка. На доделувањето на наградата, Бјанка се појави во проѕирен фустан кој откриваше сè, а набрзо се појавија гласини дека двојката се скарала пред доделувањето и дека Бјанка подготвува документи за развод. Портпаролот на двојката во тоа време ги негираше гласините.

После тоа, се појавија обвинувања дека Бјанка се обидувала да го спаси нивниот брак со план што вклучува дете. „Бјанка го охрабрува Канје да има дете бидејќи верува дека тоа ќе го спаси бракот и ќе ја излечи нивната врска. Таа знае колку грижлив татко е Канје и верува дека тој се однесува сосема поинаку кога е околу деца - тој е повнимателен и помалку импулсивен“, открил извор за Дејли Меил.

Тагови: Бјанка Канје

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Сенатот му зададе удар на Трамп: Усвоена резолуција за прекин на воената акција против Иран

Американскиот сенат усвои резолуција со која од Трамп се бара да ја прекине американската воена акција против Иран, што претставува сериозен политички притисок врз администрацијата во екот на конфликтот на Блискиот Исток.

Со тоа, за првпат по донесувањето на законот за воени овластувања во 1973 година, двата дома на американскиот конгрес усвојуваат мерка со која се бара повлекување на американските вооружени сили од тековна воена операција. Гласањето ја одразува растечката загриженост кај дел од конгресмените, вклучително и некои републиканци, поради конфликтот што започна на 28 февруари, кога САД и Израел започнаа воени напади врз Иран. Иако резолуцијата најверојатно нема директно да ја запре воената кампања, таа се смета за значаен политички удар за Трамп, кој долго време уживаше речиси целосна поддршка од сопствената партија во конгресот. Трамп остро реагираше на одлуката на сенатот, оценувајќи ја како „бесмислена и лошо темпирана“, а пратениците кои гласаа за резолуцијата ги обвини дека со своите постапки му одат во прилог на Иран.

Тагови: Доналд Трамп

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Интерпелација за работата на министерот за внатрешни работи Панче Тошковски

Денеска на собраниска седница е интерпелацијата за работата на министерот за внатрешни работи Панче Тошковски поднесена од пратениците од опозицијата.

Го обвинуваат министерот Тошковски за креирање на „приватна партиска полиција заради владино прикривање и таргетиран политички реваншизам кон опозицијата“; командна одговорност за полициските пропусти кои доведоа до трагедијата во Кочани; непостапување на македонската полиција во случаи на семејно, врсничко и родово базирано насилство и говор на омраза. Меѓу другото, забележуваат и за, како што наведуваат, непрофесионални „двојни стандарди“ при постапувањето на полицијата со различно однесување за исти или слични случаи проследено со злоупотреба на овластувањата при употреба на сила. Ова е трета интерпелација за министерот Тошковски.

Тагови: Панче Тошковски

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Денеска официјално ќе биде промовирана „Везилка“ – првиот центар за вештачка интелигенција во земјава

Денеска официјално ќе биде промовирана „Везилка“ – првиот центар за вештачка интелигенција во земјава.

Проектот е воспоставен во рамки на европската заедница за пресметување со високи перформанси, кофинансиран од Европската унија и координиран од факултетот за компјутерски науки и инженерство при УКИМ во соработка со министерството за дигитална трансформација.

Проектот е од важност за зајакнување на дигиталниот суверенитет, забрзување на дигиталната трансформација, поттикнување на иновациите во јавната администрација, подобрување на одлучувањето засновано на податоци и создавање можности за истражување, претприемништво и технолошки развој. Има за цел и да ја зајакне соработката меѓу институциите, универзитетите, истражувачките центри, организациите на граѓанското општество и деловната заедница.

Тагови: Везилка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.