Тејлор Свифт е личност на годината на „Time“

Мегапопуларната американска поп пејачка Тејлор Свифт е личност на годината во изборот на магазинот „Тајм“, објави оваа публикација.

„Ова е моментот кога чувствувам најголема гордост и среќа досега, најкреативно сум исполнета и послободна отколку што некогаш сум била“, изјавила Свифт за магазинот.

Таа претходно доби слични признанија од магазинот „People“, кој ја прогласи за најинтригантна личност во 2023 година, како и од Форбс, кој ја прогласи за број еден на својата листа на најмоќни жени во светот на медиумите и забавата.

Новата милијардерка Свифт инаку има 33 години, 12 пати ја освоила наградата Греми и веројатно е на врвот на кариерата. Таа стана најстримуваниот уметник на платформата „Spotify“ на глобално ниво оваа година.

Според податоците на сервисот, песните на Свифт собрале повеќе од 26,1 милијарди стримови од почетокот на годината.

Инаку според традиција која датира од 1927 година, личноста на годината на Time ја претставува личноста, групата или концептот што најмногу влијаел на насловите, било позитивно или негативно.

Во претходните години тоа беа американскиот претседател Џо Бајден и потпретседателката Камала Харис, Мартин Лутер Кинг Џуниор, поранешната германска канцеларка Ангела Меркел, папата Франциско и активистката Грета Тунберг.

Личност на годината на Тајм за 2022 година беше украинскиот претседател Володимир Зеленски и „духот на Украина“.

Личните предмети на Елтон Џон се продадени на аукција за речиси 8 милиони долари

Скоро 100.000 долари за сребрените монограмски чизми на Елтон Џон и околу 2 милиони долари за триптихот на уличниот уметник Бенкси од неговата колекција: Личните предмети на музичката икона се продадени на аукција во Њујорк за речиси 8 милиони долари.

Аукциската куќа Кристи спроведува серија од осум продажби до 28 февруари, лично и преку Интернет, на колекцијата на 76-годишниот музичар, вклучително и глам-рок комбинезон во боја на слонова коска и злато од раните 1970-ти дизајнирани од Ени Риви, продаден за 12.600 долари.

Додека ентузијастичките колекционери наддаваа во средата, клавирот на Џон достигна цена од повеќе од 200.000 долари, а очилата за сонце, клучен елемент на препознатливиот изглед на пејачот, најдоа купувач за 22.680 долари, десет пати повеќе од нивната првична проценка.

Повеќето од предметите доаѓаат од неговиот луксузен дом во Атланта, Џорџија, кој му служел како домашна база за американските турнеи, што неодамна го продал.

Со дела од уметниците Кит Харинг, Енди Ворхол, Роберт Меплторп и Ричард Аведон, колекцијата што ја собрал со својот сопруг Дејвид Фурниш го демонстрира вкусот на парот за современа уметност.

Легендарниот музичар, познат по хитовите како Your Song, Rocket Man и Sacrifice, раскошните костими и посветеноста на борбата против ХИВ/СИДА, ја заврши својата проштална турнеја минатата година.

Личните колекции на иконите на поп културата станаа редовна карактеристика на врвните светски аукциски куќи.

Минатиот септември, илјадници предмети на починатиот фронтмен на Квин, Фреди Меркјури, беа продадени за 40 милиони фунти (50,4 милиони долари), објави Sotheby's.

Украинската војска почна да ги користи американските тенкови „Абрамс“ (ВИДЕО)

Украинците објавија снимка од американскиот тенк Абрамс што пука кон руските позиции во близина на Авдијевка, град од кој украинските сили беа принудени да се повлечат.

Снимката од Абрамс во акција е објавена денеска од украинската 47-ма механизирана бригада, а била пренесена од украинското Министерство за одбрана.

На видеото се гледа како Абрамс со голема брзина се спушта по калливиот пат во источна Украина и пука со гранати.

„Додека окупаторите се обидуваат да откријат каде е Абрамс, тенкистите на 47 механизирана бригада повеќе од еден месец ги сечат Русите и нивната опрема“, се вели во соопштението на бригадата.

31 таков тенк ѝ беа донирани на Украина.

Храбра 67 годишна продавачка избрка крадец- го натепа со сукало (ВИДЕО)

Продавачка и сопственичка на продавница во центарот на Ираклион, на Крит, храбро му се спротивстави на вооружен криминалец и парите останаа во каса.

Необичната снимка е снимена на безбедносна камера, а грчките медиуми пренесуваат детали од драмата.

Продавницата се наоѓа на авенијата Калокаринос, а била цел на маскиран разбојник кој во раката носел голем остар предмет, како мачета.

Неименуваната жена (67) прво се помести, кога тој се заканил да ќе ги предаде парите, но потоа посегнала по сукалото и добро му ја „повлекла“ раката.

Таа го удрила неколку пати и почнала да вика, па тој морал да ја „свитка опашката“ и да побегне. Пред продавницата го чекал мотоцикл, пренесува Катимерини.

Сопругот на сопственичката истакнува дека таа работи 20 години во ноќна смена, а и претходно користела сукало за да се одбрани од криминалци.

Нејзината „одбранбена алатка“ секогаш виси до касата и е подготвена за употреба.

притисни ентер