Култура

Театрите од Велес и Пловдив со копродукцискиот проект „Едвард Втори“премиерно на „Охридско лето

На претставата „Едвард Втори“ макотрпно работевме два месеци, во услови и начини што ги надминуваат рамките на она, што барем досега за мене досега било поимање на создавањето театарски претстави.

Во рамки на драмската програма на „Охридско лето“ утревечер премиерно ќе биде изведена претставата „Едвард Втори“ работена според текст на Кристофер Марлоу, копродукциски проект на НУЦК Театар „Јордан Х.К. Џинот“ од Велес и Драмскиот театар „Н.О. Масалитинов“ од Пловдив, Бугарија.

Директорот на Велешкиот театар кој воедно е и драматург на поставката, Сашо Димовски, на денешната прес-конференција по повод премиерата, најави дека се работи за естетички поинаква претстава од она што стандардно се нуди на театарската сцена, во изведба на исклучително млада актерска екипа која малтене дебитира токму во оваа претстава.

- На претставата „Едвард Втори“ макотрпно работевме два месеци, во услови и начини што ги надминуваат рамките на она, што барем досега за мене досега било поимање на создавањето театарски претстави, и преку еден навистина интензивен, многу жесток процес стигнуваме до завршен резултат кој е поразличен од сето она што нашиот театар досега го продуцирал, рече Димовски.

Разликата, како што појасни тој, произлегува од концептот на режисерот Андриј Жолда кој да дели улогата на Едвард Втори на двајца актери истовремено, преку поимање на два стратуми на на едно битие со две различни експресии од страна на актерите Илин Јовановски и Борис Крстев.

Сценскиот дизајнер на претставата, грузиецот Сајмон Мачавели кој зад себе има дебело уметничко портфолио, рече дека костимите за претставата се работени во самиот процес на поставување на „Едвард Втори“, во соработка со актерската екипи и секако со режисерот.

- Ова е интересен проект, работен по малку поинаков концепт. Многу размислувавме за концептот како ќе ја работиме сценографијата. Најинтересното беше што немавме предизајнирани костуми, туку тие ги изработувавме во текот на самиот процес, рече тој.

Главната женска улога, Изабела де Валоа, која воедно е перспектива од која се гради целата претстава и е главниот лик во драмското дејствие, е доделена на младата актерка Јована Миладинова која дебитира со таа улога.

- Ова е моја прва улога воопшто, искуството од една страна е секако многу напорно и силно, но истовремено прекрасно... Со режисерот Андреј воспоставивме многу искрена врска на доверба. Тој секогаш нагласуваше колку е важна токму довербата на релација актер- режисер. Сепак на крајот тој со самиот производ претставата ни ја препушта нам, рече таа.

Младиот актер Бранко Михајлоски од своја страна изрази задоволство од ангажманот во велешкиот театар и тоа што му е овозможено да работи со режисер како Андреј Жолда.

- Кога сме на сцена и кога работиме, заборавам на се, едноставно го отварам срцето и оставам Андреј да ме води. Се претварам во уво и само го работам тоа што ми е дадено во индикациите, рече тој.

Актерот Борис Крстев од Театарот во Пловдив, кој ја споделува главната улога во претставата, вели дека овој проект претставува најнеобичното искуство во неговата досегашна актерска кариера.

- За мене главен предизвик беше што во претставата треба да зборувам на македонски. Но благодарение на Сашо Димовски кој многу ми помогна, верувам дека добро ќе се справам со предизвикот. Голема чест и задоволство за мене е што воопшто и се сретнав со целата екипа, со големи професионални и прекрасни луѓе. Како на творец, на прво место ми е човекот и тоа со какви луѓе работам. Токму тоа е задоволството, да се работи со прекрасни луѓе, рече Крстев.

Претставата „Едвард Втори“ ќе се игра утревечер на Големата сцена на Центарот за култура „Григор Прличев“, со почеток од 21 часот. По фестивалската премиера на „Охридско лето“ поставката на 9 септември ќе се игра на матичната сцена на Театарот во Велес и на 14 септември во Пловдив, а закажани се и неколку изведби на значајни драмски фестивали во регионот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Два дена преживување во дивината: Спасени пилотите на исчезнат авион

Двајца членови на екипажот на авионот „Цесна 182“ што исчезна додека патролираше низ шумските пожари во рускиот регион Иркутск се пронајдени живи по дводневна потрага.

Двајца членови на екипажот на авионот „Цесна 182“ што исчезна пред два дена додека патролираше низ шумските пожари во регионот Иркутск се пронајдени живи, објавија денес регионалните служби за вонредни ситуации.

Гувернерот на регионот Иркутск, Игор Кобзев, изјави дека пилотите успеале да се искачат на висина од каде што ги испратиле своите координати користејќи импровизирана радио станица, објави РИА Новости.

Поиски пропавшего самолета Cessna 182 в Иркутской области — что известно на 5 августа:https://t.co/P7eDfGbrWQ #новости #иркутск pic.twitter.com/pvT6csiivN
— @kpru (@kpru) August 5, 2026

Според него, тие се на околу 90 километри од градот Бодаибо, а испратен е хеликоптер за да ги евакуира.

Авионот исчезна во понеделник додека ја испитувал областа погодена од шумски пожари. Истражниот комитет на Русија започна истрага за сомнителни прекршувања на прописите за безбедност на воздушниот сообраќај.

Тагови: авион

Технологија

„Project Helix“: Новиот „Xbox“ би можел да прикажува игри од сите генерации

„Microsoft“ наводно работи на нова „Xbox“ конзола со кодно име „Project Helix“, која би можела да понуди најголема библиотека со игри во историјата на платформата.

Според протечените документи, целта на компанијата е да ги обедини игрите од речиси сите „Xbox“ генерации на еден уред, објавува „Bug“.

Според „The Verge“, „Helix“ треба да поддржува игри за оригиналните „Xbox“, „Xbox 360“, „Xbox One“ и „Xbox Series S/X“, како и „PC“ наслови, како и идни ексклузиви наменети за новата конзола.

Една од најинтересните карактеристики се однесува на физичките игри. „Microsoft“ наводно развива систем кој би им овозможил на сопствениците на „Xbox One“ и „Xbox Series“ дискови да ги конвертираат своите физички копии во дигитални лиценци кои би биле поврзани со нивната сметка и достапни на идните „Xbox“ уреди.

Сепак, реализацијата на овој план нема да зависи само од „Microsoft“. Според документацијата, издавачите ќе го имаат последниот збор кога станува збор за вклучување на нивните игри во новиот систем. Тие ќе одлучат дали одредени наслови ќе бидат достапни, колку ќе чинат и дали ќе бидат дел од претплатата за „Game Pass“ или ќе се продаваат одделно.

Неизвесноста ја зголемува и фактот дека „Microsoft“ сè уште не одлучил дали новата конзола воопшто ќе има оптички уред. Ако нема, можноста за конвертирање на физички дискови во дигитални лиценци би можела да стане клучна карактеристика за гејмерите кои со години ги градат своите колекции игри базирани на дискови.

Доколку „Microsoft“ може да обезбеди поддршка од голем број издавачи, „Project Helix“ би можел да стане првата „Xbox“ конзола што ќе ја собере речиси целата историја на платформата на едно место.

Извор: Б92

Фото: ВИ

Тагови: Xbox

Свет

Блумберг открива детали: Европејците и Русите тајно разговарале за мирот во Украина

Ваквите состаноци не се официјални преговори и не ги обврзуваат владите на земјите од кои доаѓаат учесниците.

Поранешни високи функционери од Обединетото Кралство, Франција и Германија се сретнаа тајно со неименуван поранешен функционер на Кремљ во Виена во јули за да разговараат за можни услови за мировни преговори за Украина, објави Блумберг, повикувајќи се на извори запознаени со дискусиите.

На состанокот учествуваа поранешниот британски советник за национална безбедност Тим Бароу, поранешниот германски државен секретар и амбасадор на ЕУ во Русија, Маркус Едерер, и ветеранот француски и европски дипломат Пјер Вимон.

Изворите на Блумберг не го открија идентитетот на поранешниот функционер на Кремљ кој учествуваше во разговорите.

Неформален дипломатски канал

Ваквите состаноци не се официјални преговори и не ги обврзуваат владите на земјите од кои доаѓаат учесниците. Тие им овозможуваат на поранешните функционери и експерти да разгледаат можни решенија за конфликтот без формален мандат, по што можат да ги пренесат своите проценки на сегашните власти.

Според еден извор на Блумберг, разговорите биле иницирани од Центарот за хуманитарен дијалог, организација со седиште во Швајцарија која се занимава со доверлива медијација во вооружени конфликти.

Едерер и Вимонт се членови на управниот одбор на таа организација.

Центарот наведува дека работи во Украина од 2014 година и дека по почетокот на руската тотална инвазија во 2022 година, учествувал во воспоставувањето канали за евакуација на цивили.

Виена беше барем една од двете локации каде што поранешни европски и руски претставници се состанаа зад затворени врати во последните месеци.

Одделни разговори меѓу поранешни германски и руски претставници се одржаа во Баку кон средината на јули. Азербејџанскиот претседател Илхам Алиев подоцна потврди дека состанокот се одржал, но рече дека властите на неговата земја не биле однапред известени.

Украинското Министерство за надворешни работи по состанокот во Баку изјави дека ваквите разговори немаат официјален мандат од Киев и не се дел од формалниот мировен процес.

Кремљ сè уште јавно не ги коментирал извештаите од состанокот во Виена. Европските сојузници на Украина јавно инсистираат дека никаков мировен договор не може да се склучи без целосно учество на Киев и дека европската безбедност не може да се преговара без европските држави.

Извор: Индекс.хр

Фото: ВИ

Тагови: Европа русија украина