Теа Божиновска и Александар Арсов победници на државниот полумаратон во Битола - Канал 5

Други спортови

Теа Божиновска и Александар Арсов победници на државниот полумаратон во Битола

Атлетичарката Теа Божиновска, членка на АК Скопски маратон и атлетичарот Александар Арсов, член на АК Делта се годинашни победници на државниот полумаратон што денес се одржа во Битола.

Теа Божиновска и Александар Арсов победници на државниот полумаратон во Битола

Божиновска и Арсов трчајќи по битолските улици постигнаа и лични рекорди, оставајќи ги зад себе Марина Домазетовска и Ана Шиковска, односно Муџахид Мислимовски и Жан Тосев.

- Прв пат трчам во Битола и токму тука го постигнав мојот личен рекорд со време 1:24:32. Патеката беше многу добра со променлив ритам, малку искачување, малку спуст и уживав. Ќе продолжам да се занимавам со атлетика иако претходно тренирав фудбал. Мојот следен предизвик е маратонот, иако според мојот тренер за таков подвиг е сеуште рано, изјави за МИА, Божиновска.

Трката од 21 километар најбрзо ја истрча штипјанецот Александар Арсов, член на АК Делта-Скопје.

- Времето беше одлично за одлична трка со одлична организација. Денеска го подобрив мојот личен рекорд на 21 километар кој сега е со време од 1:13:45 и е подобар од ланскиот полумаратон што се одржа во Скопје. Инаку освен во Македонија, настапив на Балканските првенства во Романија и Бугарија, а посакувам в година да учествувам на маратон, изјави за МИА, Арсов.

Паралелно со трката на 21 километар, денес во Битола се одржаа и трки на 5 и 10 километри, а во рамки на спортско-рекреативната манифестација „Трчај, бе“.

- Годинава освен полумаратонот кој го организиравме со Атлетска федерација на Македонија, се одржа и традиционалниот натпревар „Трчај, бе“ со над 1700 учесници од 15 држави во светот, меѓу кои Австралија, Бразил, Бугарија, Турција, Грција … и секако од Македонија. Но, годинава имавме и 85 волонтери, меѓу нив највозрасната баба Љубе со 71 година. В долж патеката, имавме 30 фан-точки соодветни на темата на трката „Битолси“, и затоа низ градот имавме настапи културно уметнички друштва, ди-џеи, еден оркестар и друга забава со што трката ја прави најкреативна во Македонија, истакна Никола Димитровски, менаџер на „Трчај, бе“.

Награди на најуспешните учесници им доделија градоначалникот Тони Коњановски, спортисти и јавни личности од Битола.

Тагови: битола

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЗНАМ: Македонија спроведува реформи и испорачува резултати, но заштитата на националното достоинство е нашата црвена линија

Посетата на Претседателот на Европскиот совет, Антонио Кошта, претставува значајна потврда дека Република Македонија успешно ја спроведува реформската агенда и испорачува конкретни резултати во процесот на европска интеграција.

ЗНАМ: Македонија спроведува реформи и испорачува резултати, но заштитата на националното достоинство е нашата црвена линија

Движењето ЗНАМ за Наша Македонија ја поздравува пораката што произлегува од оваа посета, дека реформите се препознаени, а напредокот на државата е видлив и признаен од европските институции.

Тоа е потврда дека Македонија чекори во вистинска насока и дека вложените напори даваат резултати.

Денес Македонија е препознаена како една од најуспешните земји во регионот во спроведувањето на реформските процеси. Особено значајно е што токму ресорите предводени од кадри на ЗНАМ се меѓу клучните носители на реформскиот напредок, институционалната модернизација и ефикасното спроведување на владините политики.

Министерството за правда и Министерството за јавна администрација, предводени од министри на ЗНАМ, покажаа дека реформите не се само декларативна заложба, туку конкретна акција што носи мерливи резултати.

Со професионален пристап, одговорност и јасна визија, тие успеаја да реализираат политики кои ја зајакнуваат правната држава, ја модернизираат администрацијата и ги доближуваат институциите до европските стандарди.

Овие резултати денес се препознаени и од нашите европски партнери, што претставува дополнителен поттик за уште посилно темпо на реформи и развој.

Но едновремено, како што реформите и резултатите не смеат да бидат доведени во прашање, така не смеат да бидат доведени во прашање ниту македонското достоинство, идентитет и националните интереси.

Токму затоа заштитата на националното достоинство останува нашата црвена линија.

Остануваме доследни на ставот дека европската интеграција мора да биде процес заснован на вредности, критериуми и заслуги, а не процес на постојани билатерални условувања.

Македонија припаѓа во Европската Унија поради својата европска определба, својата култура, историја и вредности, но пред се заради реформите што ги спроведува и резултатите што ги постигнува.

Движењето ЗНАМ цврсто стои на позицијата дека членството во Европската Унија мора да биде резултат на исполнети критериуми и успешни реформи, а не на нови политички барања кои ги надминуваат европските принципи и стандарди.

Нашата поддршка за европската иднина на Македонија е недвосмислена, но исто така недвосмислена е и нашата определба дека нема да прифатиме политика на уцени, диктати и бесконечно поместување на целта.

Македонија останува посветена на европскиот пат, со крената глава и со самодоверба. Ќе продолжиме да спроведуваме реформи, да испорачуваме резултати и да ја градиме европската иднина на државата, но едновремено ќе останеме цврсти во одбраната на националното достоинство, кое за нас претставува непремостлива црвена линија.

Движењето ЗНАМ за Наша Македонија ќе продолжи да биде двигател на реформите, чувар на националните интереси и силен глас за европска Македонија која напредува врз основа на сопствените успеси, а не под товарот на нови условувања.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Видео: Гори амбасадата на Пакистан во Белград

Последниот кат од зградата е зафатен, пожарникарите се на пат!

Видео: Гори амбасадата на Пакистан во Белград

Пожар избувнал во зградата на амбасадата на Пакистан во Белград, дознава српски Курир.

Како што може да се види од видеа објавени на социјалните мрежи, густ црн чад го покрил просторот.

Во моментов нема официјални информации дали има повредени лица во инцидентот, ниту за евентуална материјална штета.

Тагови: Србија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Мицотакис во Софија на средба со Радев

Грчкиот премиер Кирјакос Мицотакис е во официјална посета на Софија.

Мицотакис во Софија на средба со Радев

Билатералните односи, како и теми од заемен интерес и од европската агенда, се очекува да бидат во фокусот на разговорите на Радев и Мицотакис во Софија, според официјалното соопштение од бугарската влада.

Посетата на Мицотакис на Софија е на покана на Радев, планирана е тет-а-тет средба на двајцата премиери, а потоа и состанок на делегациите на двете земји.

Како што информираа од кабинетот на грчкиот премиер, Мицотакис по средбата и заедничката прес-конференција, од Софија ќе замине за Тиват каде што ќе присуствува на вечера организирана од претседателот на Црна Гора Јаков Милатовиќ за лидерите од ЕУ и земјите од Западен Балкан по повод националниот празник на земјата, а во пресрет на самитот ЕУ-Западен Балкан што ќе се одржи утре.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер