Живот

Тажната причина поради која се поголем број на пензионери во Јапонија одат во затвор

Јапонија ја има најстарата популација на светот, во која најмалку 27 отсто од жителите се постари од 65 години.

Оваа земја сега се соочува со уште еден сериозен проблем.

Имено, како што пишува „Блумберг“ барем една од пет затворенички во јапонските затвор е пензионерка, а девет од десет се наоѓаат зад решетки поради помали кражби во продавници.

Причината за овој “криминален“ бран е многу тажна.

Имено, меѓу 1980 и 2015 година, бројот на постари лица кои живеат сами во Јапонија пораснал на шест милиони.

Истражувањето кое го нарачале властите на Токио минатата година, покажува дека повеќе од 50 посто од сениорите кои извршиле кражба живееле сами, а 40 отсто од нив немале ниту еден роднина со кои нив можеле да живеат заедно.

Со децении трендот во Јапонија бил грижата за постарите роднини да ја води семејството, но поради недостаток на ресурси и тоа се променило.

„Можеби имаат дом. Можеби имаат семејство. Но, тоа не значи дека со нив се чувствуваат како дома. Се чувствуваат како никој да не ги разбира и оти може да ги разбере само некој кој е во нивни години“ – изјавила Јуми Муранка, управничка на женскиот затвор во близина на Хирошима.

Со оглед на тоа дека немаат доволно средства за пристоен живот, затворот станал место во кое постарите жени бараат бегство од домаќинствата во кои живеат сами.

„Мојот сопруг имаше мозочен удар пред шест години о оттогаш е во кревет. Исто така страда од деменција и параноја. Тешко ми беше во овие години да се грижам за него, но за стресот кој го преживувам не можев да му се доверам никому, бидејќи ми беше срам. Прв пат отидов во затвор на 70 години. Украдов нешто иако имав пари во џеб. Тогаш размислував за мојот живот. Не сакав да се вратам дома, а немав каде да одам. Затворот беше единственото решение за мене. Животот сега ми е многу полесен. Можам да бидам тоа што сум и да дишам слободно, иако ограничено. Син ми ми рече дека сум болна и оти би требало да ме затворат во болница. Но, јас не мислам дека сум болна. Мислам оти анксиозноста ме доведе до работ“ – изјави осумдесетгодишната Јапонка која живее во затвор.

На вработените во затворот често им се чини како да работат во дом за пензионери, па нивната грижа за затворениците оди дотаму што им ја перат и облеката.

„Се срамат и ја кријат облеката, а јас им кажувам да ја дадат и дека без проблем ќе исперам се што треба“ – изјавува Сатоми Кезука, која работи во затворот.

Колку и да е хумано ова од нивна страна, тоа им создава додатни проблеми. Грижата за затвореници ги зголеми и болничките трошоци кои во 2015 година ја преминувале сумата од шест милијарди јени, што е за 80 отсто повеќе во однос на 2005 година.

Јапонската влада се бара начин да воспостави програм и рехабилитација за сениорките кои се погодени од егзистенционални проблеми.

Свет

Европратеник и неговиот помошник се осомничени за шпионажа во корист на Кина

Денеска белгиската и германската полиција извршиле претрес во канцелариите на екстремно десничарскиот пратеник во Европскиот парламент Максимилијан Крах и неговиот помошник Џијан Г, како дел од истрагата за сомневање за шпионажа за Кина.

Германските власти објавија дека федералното обвинителство побарало претрес на канцелариите на Крах, главниот кандидат на екстремно десничарската Алтернатива за Германија (АфД) на изборите за ЕП во јуни оваа година, и неговиот помошник Џијан Г, кој е осомничен за „активности на агент на тајната служба“, пренесува „Политико“.

Германската полиција во април годинава го уапсила Џијан Г., а како што пишува Дојче веле, постои сомневање дека тој со години доставувал информации од Германија и Европскиот парламент до кинеските служби.

Инспекторите се сомневаат дека Џијан Г. ја искористил својата позиција во кабинетот на Крах за да пренесе информации од парламентарниот живот до кинеското Министерство за безбедност.

Изборите за Европскиот парламент ќе се одржат од 6 до 9 јуни годинава.

Забава

Пет мажи носат пејачка како да е статуа- не може да оди поради фустанот од песок (ВИДЕО)

Пејачката и текстописец Тајла синоќа беше меѓу најдобро облечените гости на Мет Гала во Њујорк.

Ја вклучија меѓу најдобро облечените гости, а таа стана ѕвезда на хит видео од Инстаграм. Но, како што вели, сѐ е во ред, важно е што е симпатична.

Тајла во необичен фустан е меѓу најдобро стилизираните гости и оние кои одговорија на темата Мет Гала 2024. Таа носеше фустан од Balmain прекриен со песок и чанта како песочен часовник.

За да ги „скокне“ скалите на Мет Гала 2024 во Метрополитен музејот на уметност во Њујорк и да ја постигне вистинската поза за фотографирање, таа имала помош од пет мажи кои ја пренеле преку скалите. Видеото е доказ дека понекогаш добриот стил не се постигнува лесно.

„Кому му е гајле, луѓе, јас сум слатка“, рече пејачката на прашањето дали воопшто би можела да дише во овој фустан.

Фустанот бил инспириран од песокот на времето, односно од текот на времето што песокот го предизвикува во песочник, што беше инспирацијата и за чантата.

„Инспирацијата за оваа креација дојде од желбата да се редефинираат границите и да се трансформира ефемерниот материјал во безвременско ремек-дело. Идејата за обликување на облека од нешто толку ефемерно како песок ја разгоре мојата имагинација и не можев да бидам позадоволен од крајниот резултат“, изјави креативен директор на Balmain, Оливие Рустен.

Свет

Шкотска има нов премиер по оставката на Хумза Јусаф

Новиот претседател на шкотската партија СНП, Џон Свини, денеска во шкотскиот парламент е избран за нов шеф на шкотската влада, на местото на Хумза Јусаф.

Еден ден откако го наследи како лидер на партијата, која ја поддржува независноста на Шкотска, Свини, 60-годишен политички ветеран и долгогодишен втор по ред во владата, стана трет премиер на Шкотска за нешто повеќе од една година.

Тој доаѓа на местото на Хумза Јусаф (39), кој поднесе оставка минатата недела по распадот на коалицијата со Зелените. Тие беа воздржани од гласање.

Изборот на Свини не е изненадување. Тој освои 64 од 129 гласови во парламентот каде Шкотската национална партија има големо водство пред опозициските партии, но нема апсолутно мнозинство. Тој допрва треба да положи заклетва пред Врховниот суд.

Претходно во текот на денот, Јусаф официјално ја поднесе својата оставка во писмо до британскиот крал Чарлс III. Тој беше на власт 13 месеци, по харизматичната Никола Старџен. Тој беше најмладиот шкотски премиер и прв од националното малцинство.

„Како млад муслиман, роден и израснат во Шкотска, не сонував дека еден ден ќе бидам привилегиран да ја водам мојата земја“, напиша тој.

Шкотскиот парламент е одговорен за многу области, вклучувајќи го здравството и образованието, додека Лондон е одговорен за надворешната политика и одбраната.

Џон Свини од 2014 до 2023 година беше вицепремиер во мандатот на Никола Старџен. Тој ја напушти функцијата кога таа поднесе оставка. СНП водеше од 2000 до 2004 година, кога партијата беше во опозиција.

Дел од опозицијата ја обвинува СНП, која е на власт од 2007 година, дека приоритет ѝ дава на борбата за независност на сметка на секојдневниот живот на граѓаните, но Свини вчера вети дека ќе се фокусира на „економијата, вработувањето, трошоците за живот и за здравствениот систем, образованието и климатската криза.“

Тој исто така нагласи дека сака Шкотска да стане независна. Но, тие амбиции засега се во ќорсокак, откако британскиот Врховен суд на крајот на 2022 година пресуди дека само британската влада може да даде дозвола за нов референдум. Последниот референдум во 2014 година не успеа.

притисни ентер