Македонија

ТАВ Македонија учествуваше на роуд шоу-а во Финкса и Норвешка, со цел отворање на нови директни авиолинии

ТАВ Македонија учествуваше на роуд шоу-а во Финкса и Норвешка, со цел отворање на нови директни авиолинии до скандинавските земји.

ТАВ Македонија, подружница на ТАВ Аеродроми и членка на АДП Групацијата, ги претстави потенцијалите на двата македонски аеродроми и туристичкиот капацитет на земјава пред водечки авиокомпании и туроператори на роуд шоу-а во Финска и Норвешка, со цел отворање на нови директни авиолинии во скандинавските земји.

За време на роуд шоуата, што се одржаа во април во Осло и Хелсинки, директорот за приходи и развој на маркетинг на ТАВ Македонија, Владимир Граматиков, ги презентираше потенцијалот на македонските аеродроми, авио поврзаноста и туристичкиот потенцијал што може да го понуди нашата земја. Овие настани беа организирани од Националната асоцијација за дојдовен туризам на Македонија (NAITM), а поддржани од SIPPO (Швајцарска програма за промоција на увозот) и Министерството за култура и туризам, со цел силно промовирање на земјата како атрактивна туристичка дестинација.

„Скандинавскиот пазар има значителен потенцијал за раст. Нашата цел е да го поттикнеме развојот на нови директни редовни линии во текот на целата година до клучни европски дестинации како што се Копенхаген и Хелсинки и да обезбедиме стабилна и предвидлива средина з а веќе воспоставените линии. Ова роуд шоу е дел од нашата стратегија за отворање нови можности и за нашите граѓани и за привлекување странски туристи во земјата, преку проширување на нашата мрежа на линии со директни летови до главните скандинавски аеродроми“, вели Неџат Курт, Генерален директор на ТАВ Македонија.

Од НАИТМ велат дека иако нордиските пазари традиционално се сметаат за потешки за освојување, токму тоа ги прави стратешки исклучително вредни затоа што станува збор за туристи со висока куповна моќ, јасно дефинирани очекувања и силен фокус на квалитет, одржливост и автентични искуства. Според нив - тие не се масовни туристи, туку патници кои внимателно избираат дестинации, бараат уникатни приказни и се подготвени да инвестираат во искуства што нудат вредност.

Главниот град на земјава веќе директно е поврзан од Меѓународниот Аеродром Скопје со директни летови до Осло, преку авикомпанијата Norwegian Air Shuttle и преку Wizz Air до Осло-Сандефјорд, Малме и Стокхолм како и чартер летовите на Freebird Airlines до Стокхолм/Гетеборг и до Копеханген/Булунд.

Покрај целта за проширување на мрежата на рути на скандинавскиот пазар, ТАВ Македонија останува фокусирана на поврзување на скопскиот и на охридскиот аеродром со главните европски аеродроми со кои во моментов нема директни врски, како што се Амстердам и Лондон Гетвик или Хитроу, а интензивно работи на обновување на врските со Блискиот Исток, односно Доха и Дубаи, за проширување на мрежата на авиолиниите и зајакнување на поврзаноста на двата македонски аеродроми.

Тагови: ТАВ Македонија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Продолжува скандалот за доделувањето на Златната топка- организаторите најавуваат тужби

Групацијата „Амаури“, сопственик на дневниот весник „Л'Екип“ и списанието „Франс фудбал“, која ја доделува годишната награда „Златна топка“, планира да поднесе формална тужба.

Групацијата „Амаури“, сопственик на дневниот весник „Л'Екип“ и списанието „Франс фудбал“, која ја доделува годишната награда „Златна топка“, планира да поднесе формална тужба поради наводите за протекување информации и потенцијално лажно обложување поврзано со победата на Хари Кејн од Англија минатиот вторник, објави АФП.

„Интегритетот на „Златната топка“ е апсолутен приоритет“, соопшти групацијата „Амаури“ во соопштение за медиумите испратено до АФП и потврди дека „многу сериозно ги сфаќа наводите за протекување резултати и потенцијално лажно обложување“.

Сомнителни облози

Финансискиот новински портал „Апсајд“ објави во последните денови дека неколку потенцијално сомнителни облози биле поставени на платформата за обложување „Полимаркет“, која нема лиценца за работа во Франција, пред церемонијата минатиот вторник во Лондон.

Според „Апсајд“, само неколку дена пред церемонијата, речиси 265.000 долари биле исплатени преку 12 сметки за кои се верува дека се од исто лице. Редоследот на првите пет кандидати за „Златната топка“ е прецизно предвиден: Хари Кејн, Килијан Мбапе, Ламин Јамал, Родри и Лионел Меси.

„Во тек се проверки за да се утврдат фактите и да се утврди кој би можел да биде одговорен“, објави групацијата Амаури.

Тагови: Златната топка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

Драма на аеродромот во Тиват: Руски милијардер е задржан пред летот за Белград

Рускиот милијардер Константин Иванович Струков, кој е на меѓународните листи со санкции, бил запрен на аеродромот во Тиват додека се обидувал да ја напушти Црна Гора, дознава Вијести од неколку независни извори.

Според Вијести, надлежните органи покренале постапка за издавање одлука со која му се забранува влез во земјата.

Откако неговиот лет за Белград бил одложен, Струков, откако дал изјава пред службениците на Секторот за гранична полиција, ја напуштил Црна Гора.

„Одлуката за забрана ќе му биде доставена на домашната адреса подоцна“, ѝ било кажано на Вијести.

Струков е еден од најпознатите руски милијардери во рударството и сопственик на компанијата „Јужуралзолото“, еден од најголемите производители на злато во Русија.

Според меѓународната база на податоци OpenSanctions, неговото име е во евиденцијата на неколку јурисдикции кои вовеле санкции.

Санкции му воведоа Соединетите Американски Држави (САД), Европската Унија (ЕУ), Обединетото Кралство, Швајцарија, Украина, Јапонија, Канада, Австралија и Нов Зеланд.

Неговото име е наведено и во регистрите на санкции на Монако, Франција и Белгија, а некои од овие записи се однесуваат на спроведувањето на режимот на санкции на Европската Унија.

Во украинскиот државен регистар се наведува дека Струков е сопственик на компанијата „Јужуралзолото“, како и на рудник за јаглен, и го поврзува со економски структури од стратешко значење за Русија.

Инвестиција во Луштица: Хотел со пет ѕвезди или приватен комплекс?

Инвестицијата на Струков во заливот Добра Лука, во областа Луштица, во рамките на месноста Кочишта-Бргули, во општина Херцег Нови, привлекува особено внимание.

Според јавно достапната документација од општина Херцег Нови, Константин Струков бил наведен како раководител на проектот за изградба на туристичкиот центар Т1, чиј централен објект требало да биде петѕвездениот хотел Добра Лука, со придружни објекти, уште во 2018 година.

Ова е проект на исклучително привлечна локација, веднаш до морскиот брег, за кој се спроведени процедурите за добивање на потребните одобренија и подготовка на техничка документација.

Според достапните информации, Струков претходно го купил земјиштето од „Навигатор Фајнанс“ ДОО.

Наводната вредност на трансакцијата била 5,4 милиони евра, заедно со правата од претходно стекнатата градежна документација.

Сепак, посебно прашање е дали вистинската намена на комплексот е во согласност со неговата официјално презентирана туристичка функција.

Според достапните информации, постои сомневање дека хотелот со пет ѕвездички служел како формална рамка за изградба на комплекс што во пракса би можел да се користи како приватна луксузна резиденција.

Тагови: руски милијардер тиват

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Им делеле слатки на децата на Ноќта на вештерките- во нив ставале игли и магнети, реагира германската полиција

Деца во германските покраини Тирингија и Рајнска област-Пфалц откриле метални иглички и магнети во своите бомбони собрани на Ноќта на вештерките, но за среќа никој не е повреден, објавија германските медиуми.

Полицијата го истражува случајот како обид за тежок напад, објави германскиот весник „Билд“.

Во Винчигероде, Тирингија, деца откриле метални иглички во своите бомбони додека ги одвиткувале, а полицијата верува дека игличките биле намерно поставени таму за да ги повредат децата.

Сè уште не е јасно кој ги дистрибуирал бомбоните со опасните предмети.

Слична ситуација се случила во Опенхајм, Рајнска област-Пфалц, на Ноќта на вештерките.

#Halloween-Horror im Süßigkeitenbeutel! Kinder in #Thüringen und Rheinland-Pfalz entdeckten #Metallnadeln und Magnete in ihren gesammelten Naschereien. Zum Glück wurde niemand verletzt. Die Polizei ermittelt. Was gibt's eigentlich für Arschlöcher. #unfassbar 🔗 https://t.co/oOkWzoYVqa
— GoscheUff (@GoscheUff) November 1, 2026

Деветгодишно момче подетално ги погледнало своите бомбони и открило два мали магнети, секој со дијаметар од околу два милиметри, на бомбоните.

Неговата мајка била предупредена од објава на Инстаграм и го замолила својот син да ги провери бомбоните пред да ги јаде.

Полицијата сега се обидува да открие кој стои зад овие опасни наоди за Ноќта на вештерките, бидејќи сè уште не е јасно од кои домови потекнуваат бомбоните. Затоа, на родителите им се препорачува почесто да ги проверуваат слатките на своите деца. Слични шокантни откритија се случиле и претходно. Во 2025 година, мајка во Кил пронашла бричеви меѓу бонбоните за Ноќта на вештерките на своите деца, се сеќава Билд.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.