Семејството на Шон О'Донел (59) започнало правна битка против Универзитетската болница Сент Винсент во Даблин - изјавија семејните адвокати
Високиот суд во Даблин слушнал дека мажот починал од интоксикација со вода, откако му било препорачано „да пие прекумерно количество вода“, пишува Мирор.
Состојбата, која е исто така позната како интоксикација со вода и хиперхидратација, се јавува кога функцијата на мозокот е нарушена кога електролитната рамнотежа на телото се турка надвор од безбедните параметри.
Во случајот на Шон, тој претрпел оток на мозокот, напади и срцев удар пред да умре. Тој на 20 јануари отишол во болница на едноставен третман, поради што бил ставен под локална анестезија.
Иако процедурата немала никакви компликации, му било советувано да пие многу вода. До 19 часот, тој бил мртов.
Судијата Пол Кофи истакнал дека на семејството му биле исплатени 35.000 евра за ментална болка.
Партнерката на Шон, Гејл Мекгинис, ја тужеше болницата поради неговата смрт, тврдејќи дека тие го советувале, охрабрувале и дозволиле да пие опасни количини вода, што довело до оток, напади и смрт.
Таа тврдела дека болницата не го згрижила Шон и не го надгледувала по процедурата. Тие, исто така, не успеале соодветно да ја третираат неговата состојба бидејќи таа се влошувала.
Според пишувањата на медиумите, Шон станал хипонатремичен, што се јавува кога количината на натриум во крвта паѓа на абнормални нивоа.
Болницата призна дека ја прекршила својата должност за грижа.
Истрагата открила дека Шон бил првиот пациент кој доживеал ваков инцидент поврзан со интоксикација со вода.