Фудбалерот познат како вистинско „животно “ на теренот зборува и за теми за кои досега молчел.
На ниту еден од најдобрите светски напаѓачи не му беше сеедно кога на крајот на деведесеттите години на минатиот век или почетокот на 21 век требаше да се сретне со селекцијата на Данска. Поради тоа што на другата страна од теренот стоеше Стиг Тефтинг, кој може да се каже дека се држеше до познатата парола дека „играч може да помина , но топката никогаш“.
Кога Стиг ќе беше бесен и нервозен, знаеше да се тепа со секого, со соиграчите, противниците, публиката, па дури и папараците , еден од нив дури завршил и во студена река.
Популарниот тефтинг познат и по прекарот Косилка дури некое време бил и во затвор, покрај фудбалот познат бил и како член на моторџиска банда и како голем фан на Архус.
Каде и да се појавел со својот суров изглед предизвикувал страв и почит. Иако со фудбалската топка не знаеше многу да игра, сепак се надокнадувал со својата совршена физичка подготовка.
Фудбалската кариера ја минал во екипите на Хамбург, Болтон, Ренџерс .. каде бил познат како вистински „ѕвер на теренот“.
Во редовите на Болтон минал само една полусезона, но оставил длабок траг , посебно на цеваниците на противничките фудбалери, само еден месец по потпишувањето за Болтон Стиг завршил во затвор поради физички напад.
Во 2007 година данскиот фудбалер ја завршува кариерата како професионалец во редовите на Ренџерс, по што неочекувано од вистинска ѕвер на теренот станува мирен семеен човек.
Стиг Тефтинг ја шокираше британската јавност со приказната за своето тешко детство., кое според него и го формирало како личност. Имено, неговиот татко кога Стиг имал само 13 години ја убил мајка му пукајќи и во главата , а потоа си пресудил и себе си.
-Беше сабота , се враќав од тренинг и се приближував до мојот дом. Првата причина за загриженост ми беше фактот што не видов никој на прозорецот. Поради тоа што секогаш некој ме чекаше да ме поздрави. Звукот на велосипедот кој крцкаше беше знак некој да ме поздрави преку прозорецот. Кога влегов во станот нашето куче потрча кон мене. Нешто се случило помислив. И потоа го видов мртвото тело на мојот 41 – годишен татко. Покрај него лежеше и мајка ми. Имаше само 34 години, се сеќава на својот најтежок миг во живото славниот фудбалер.
-Мојот татко ја уби мојата мајка, а потоа си пресуди. Го остави своето единствено дете само на страшната сцена . Само две недели пред мојот 14 роденден. Тоа се те обликува и гради како човек, раскажал Тефтинг за британските медиуми.