Татко го чисти снегот од автомобилот, користејќи го своето тримесечно бебе (ВИДЕО) - Канал 5

Живот

Татко го чисти снегот од автомобилот, користејќи го своето тримесечно бебе (ВИДЕО)

Тексашката полиција започна истрага против маж од Порт Артур откако на социјалните мрежи се појави необично видео.

Татко го чисти снегот од автомобилот, користејќи го своето тримесечно бебе (ВИДЕО)

На него се гледа како 25-годишен маж го чисти снегот од автомобилите и шофершајбните користејќи, ви се верува, со тримесечно бебе, пренесува Дејли Мејл.

Снимката е снимена на 21 јануари, по снежното невреме во овој дел на Тексас. Оттогаш е избришана од TikTok, но не пред адвокат да ги извести властите.

Се верува дека мажот облечен во темни панталони и бела маичка го држи својот син и го „трие“ од предното и задното ветробранско стакло за да го отстрани снегот.

Началникот на полицијата во Порт Артур, Тим Дурисо, вели дека го истражуваат инцидентот со Службите за заштита на децата. Засега е утврдено дека таткото не бил сам за време на снимањето, а неговиот идентитет не е соопштен.

„Имаше две жени до него, а се сомневаме дека една од нив е мајката. Тримесечното дете е добро и се уште е со родителите“, рече тој.

Дурисо истакнува дека ова е „тажна ситуација“.

„Знам дека многу луѓе одат на социјалните мрежи и бараат кликови, но ова не е ситуација кога треба да ставите бебе на шофершајбна“, рече тој.

Видеото предизвика поделени мислења на социјалните мрежи. Некои веруваат дека мажот треба да сноси одговорност за своите постапки, додека други сметаат дека сè е безопасна шега.

„Не можев да поверувам кога видов што прави. Не треба да се дозволи во близина на ниту едно дете“, напишало едно лице, додека друго додаде: „И мајката треба да биде казнета, ако стоела во близина“.

Некои веруваа дека човекот ја исчистил шофершајбната користејќи кукла.

„Очигледно облече кукла и го направи ова.Навистина не изгледа дека детето е живо“, напишал еден корисник.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Средба на министерот Муцунски со министерот за Европа на Франција, Бенжамин Хадад

На маргините на Самитот на лидерите на Берлинскиот процес, што се одржува во Црна Гора, министерот за надворешни работи и надворешна трговија, Тимчо Муцунски, денеска оствари средба со министерот за Европа на Франција, Бенжамин Хадад.

Средба на министерот Муцунски со министерот за Европа на Франција, Бенжамин Хадад

Во фокусот на разговорите беа билатералната соработка, европската перспектива на нашата земја и поддршката од Франција на нашиот европски пат.

Министерот Муцунски ја истакна цврстата посветеност на Владата на реформските процеси и полноправното членство во Европската Унија, како и потребата од забрзување на процесот на европска интеграција.

На средбата беа разменети мислења и за актуелните регионални случувања и за улогата на нашата земја како одговорен и конструктивен партнер во регионот и пошироко во Европа.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Трамп најави крај на војната во Украина: „Поблиску сме од било кога “

Крајот на војната во Украина се приближува, „можеби поблиску од кога било досега“, изјави денеска американскиот претседател Доналд Трамп.

Трамп најави крај на војната во Украина: „Поблиску сме од било кога “

Одговарајќи на прашање од новинарите во Белата куќа за тоа како Русија го ослободила Американецот Стивен Хабард, Трамп изјави дека тоа е резултат на директни разговори со рускиот претседател Владимир Путин.

„Побарав да го ослободат Стивен Хабард, и тој сега е на пат кон дома. Не дадов ништо за возврат“, рече Трамп.

На прашањето дали е соодветно што специјалниот пратеник на САД, Стив Виткоф, го нарече Путин „хуманитарец“, Трамп одговори дека тоа било кажано „во тој конкретен контекст“ и додаде дека тој лично „не би зазел страна“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ВМРО-ДПМНЕ: По дебаклот во Брвеница Филипче го снема, а СДС слави пораз, дали Филипче замина на „одмор“ во Дубаи?

По дебаклот во Брвеница Филипче го снема, а СДС слави пораз, дали Филипче замина на „одмор“ во Дубаи или на јахтата на менторот Заев по нови инструкции

ВМРО-ДПМНЕ: По дебаклот во Брвеница Филипче го снема, а СДС слави пораз, дали Филипче замина на „одмор“ во Дубаи?

По изборниот дебакл во Брвеница, Венко Филипче го снема од медиумскиот простор. Додека претходно речиси секојдневно Филипче држеше прес-конференции, сега го нема никаде.

СДС на предвремените локални избори во Брвеница, е со пад од 8% во однос на минатите избори во 2025 година, а СДС на чело со Филипче слави пораз од 4 спрема 1 на избори.

Очигледно, резултатите и не се за славење, па Филипче отиде на „одмор“ или по инструкции од менторот Заев. Каде е Филипче дали замина на јахтата на Заев во Егејското Море или на одмор во Дубаи?

Наместо да излезе пред јавноста и да понесе одговорност за резултатите на СДС, Филипче молчи. По ваков изборен пораз, Филипче бега од соочување со реалноста.

Во Брвеница, СДС доживеа убедлив пораз од ВМРО-ДПМНЕ, со резултат од 4 спрема 1. Тоа е вистинската слика за политиката што ја води Филипче и за состојбата во која се наоѓа СДС под негово раководство. Под водство на Филипче, партијата се соочува со сериозно политичко маргинализирање.

Кога резултатите се лоши, лидерот треба да излезе пред јавноста, а не да исчезне од медиумите.

Му посакуваме на Филипче уште многу вакви „успеси“ како оној во Брвеница. Ако ова е неговата визија за победа, тогаш СДС има сериозна причина да се загрижи за својата политичка иднина.

Со почит,

Центар за комуникации на ВМРО-ДПМНЕ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер