Мета беа иранските нуклеарни и воени постројки, а погоден бил и нуклеарниот комлекс Натанз кој е клучна постројка за збогатување ураниум.

Неколку минути по нападот, во 3.30 часот по локалнио време, израелскиот премиер Бенјамин Нетанјаху соопшти дека почнала, операцијата насловена „Исправен Лав“ чија цел е да се неутрализира егзистенционалната закана за Израел, односно иранската нуклеарна програма. Порача дека ова е само почеток.

Освен стратешки позиции ликвидирани се дузина истакна ирански воени лица и научници.

Меѓу убиените се началникот на Генералштабот на вооружените сили, Мохамед Багери, командирот на Централниот штаб Хатам ел – Анбија и командантот на Корпусот на Исламската револуционерна гарда, Хосеин Салами и најмалку шестмина нуклеарни научници.

Техеран експресно одговори повеќе од 100 дронови но без да причини значителна штета на израелска територија. Врховниот лидер ајаталохот Али Хамнеи најави жесток одговор.

Ционистичкиот режим си подготви горчлива судбина која дефинитивно ќе ја доживее, се вели во неговото соопштение.

Дел од Иранците сметаат дека Израел треба да се соочи со одговор.

-Тие сакаат да ја одземат нашата нуклеарна способност, тоа е неприфатливо. Премногу граѓани работеа напорно за тоа. Ние го постигнавме тоа самите, и сега тие сакаат да ни го одземат“.

-Колку долго време треба да живееме во страв? Тие убија многу универзитетски професори, и одат да преговараат. За што ќе преговараат? Што остана?

По првичната воздржаност, и пораките дека Вашингтон знаел но не бил дел од операцијата, американскиот претседател Трамп, попладнево експлицитно го предупреди Иран дека ќе се соочи со уште побрутални израелски напади ако не постигне договор за својата нуклеарна програма, чија нова рунда разговори со Вашингтон продолжуваат утре во Оман.

Меѓународната агенција за атомска енергија (МААЕ), соопшти дека не регистрирала зголемено ниво на радијација по ударите врз нуклеарните постројки и апелираа дека ваквите комплекси не смеат да бидат мета на напади.

-Ги повикувам сите страни да покажат максимална воздржаност со цел да се избегне понатамошна ескалација. Повторувам дека секоја воена акција која ја загрозува безбедноста на нуклеарните постројки ризикува сериозни последици за луѓето од Иран, регионот и пошироко,- изјава, Рафаел Марино Гроси – ген. директор на МААЕ.

Светските медиуми јавуваат дека во неколку изралски градови, граѓаните масовно купуваат залихи на храна и вода, во исчекување на напади од Иран.

Министерот за надворешни работи и надворешна трговија Тимчо Муцунски денеска истакна дека македонската надворешна политика е секогаш за мир во однос на сите конфликти во светот, а за резолуцијата за прекин на огнот во Газа во Генералното собрание на Обединетите нации земјава гласала воздржано, поради одредени недоречености во самиот текст, кои, како што посочи не соодвестуваат со основните принципи на меѓународното право и, пред се, во неа не се дефинира што всушност претставува Хамас.

-Ние сакаме мир, насекаде во светот, за сите конфликти. Нашата надворешна политика е така поставена и даваме свој инпут како мала држава за мир меѓу Украина и Русија, жалиме за развојот на состојбата на Блискиот Исток, исто така сакаме мир меѓу Израел и Палестина. Но, кога ќе видите една таква резолуција, таа има своја содржина и во однос на содржината на каква било резолуција ние поставуваме наш политички став. Во неа ќе видите аргументи, кои се спротивставени со основните принципи на меѓународното јавно право, истакна Муцунски.

Тој посочи дека во резолуцијата немало јасна дефиниција за Хамас, за тоа што значи и како дејствува оваа организација, за која, рече дека за него, без дилема, е терористичка.

[Министерот за надворешни работи и надворешна трговија Тимчо Муцунски денеска истакна оти тој не може да каже дали ќе има средба со претставници на Бугарија на маргините на Самитот на НАТО во]

-Во истата резолуција ќе видите недоволно јасно дефинирање на тоа што е Хамас. На пример за мене нема никаква дилема дека Хамас е терористичка организација, којашто изврши убиство на територија на Израел, но кога нема јасно дефинирање за дејствијата на Хамас, за организацијата, што правела, не можеме да застанеме позади една таква резолуција, рече Муцунски, одговарајќи на новинарско прашање денеска на заедничката прес-конференција со неговиот унгарски колега, Петер Сијарто во врска со Резолуцијата за прекин на огнот во Газа, која беше усвоена со 149 гласови, 12 држави гласа против, а 19 беа воздржани.

Тој напомена дека македонските позиции во однос на кое било прашање во ОН се гледаат низ призма за заштита на нашите интереси.

-Не сме против мир во Палестина, сакаме мир, бидејќи мирот значи благосостојба, стабилност за нашите држави и за нашите народи, но кога некој дава оценка за што е гласано му препорачувам да прочита зошто точно сме гласале воздржано, додаде Муцунски.

На инфо ден во Битола посветен за Оперативната програма на Владата за нови вработувања, Ристевски посочи дека мерката за самовработување има три содржини кои се однесуваат за млади до 29 години кои може да искористат до 10 илјади евра, за невработени лица над 29 години може да се добијат седум илјади евра, а има и можности за здружување во Друштва со ограничена одговорност.

-Сакаме се да биде на транспарентен начин. Имаме исклучително голем интерес за овој јавен повик и за само четири дена се пријавени повеќе од 2.500 лица. Ги повикувам сите лица кои се заинтересирани да аплицираат во било кој од 30-те Центри за вработување при Агенцијата за вработување низ државата, посочи заменик министерот Ристески и додаде дека на овој начин се спречува исселување на млада работна сила.

Градоначалникот на Општина Битола Тони Коњановски, истакна дека владината мерка се совпаѓа и со локалните планови за вработување.

-Наш фокус е младите да ги задржиме во услови на трендови на миграција изразена во регионот и државата. Ние создаваме услови за нови вработувања преку повеќе институции и здруженија, а посебен пример е соработката со универзитетот од каде преземаме студенти практиканти кои за својот ангажман добиваат и соодветен надомест, посочи Коњановски.

Според бројот на невработени лица во Битола, во Агенцијата за вработување во овој град евидентирани се над 3.500, додека во државата заклучно со 31 мај евидентирани се 94.200 невработени лица, беше истакнато на денешниот инфо настан.