Педесет и деветгодишникот синоќа во 19 часот пријавил дека од В.К., на возраст од 46 години, во присуство на С.С., 47-годишно лице, двајцата од Тетово, во текот на 2014 година зел парични средства со камата во износ од 25.000 евра.

- Според пријавеното, после тоа, во текот на изминатите години, сѐ до пријавувањето, за подмирување на камати и долгот, вкупно им исплатил повеќе од 150.000 евра, односно без негова согласност му биле продадени два стана - еден во Тетово и еден во Охрид, а кои ги ставил како гаранција со нотарски акт за долгот, појаснуваат од Министерството за внатрешни работи.

Се преземаат мерки за целосно расчистување и документирање на случајот.

Претседателот на СДА Македонија, Џелал Хоџиќ, истакна дека конференцијата има две главни цели, сеќавање на жртвите од геноцидот и демократски одговор на неговото негирање.

-Нашата цел е да продолжиме како општество да се сеќаваме на жртвите од геноцидот во Сребреница, рече Хоџиќ, потсетувајќи дека Северна Македонија уште во 2010 година ја поддржала резолуцијата на Европскиот парламент за осуда на геноцидот.

Втората цел, како што дополни, „е да дадеме демократски одговор на тој антицивилизациски чин на негирање на геноцидот“.

На прашањето дали по 30 години од Сребреница, е „разбудена“ совеста во општеството, Хоџиќ потенцираше дека „светот денеска изгледа доста конфузно“, споменувајќи ги трагедиите во Газа и Украина како знаци дека светот сè уште не ги научил лекциите од минатото.

Во рамки на конференцијата се предвидени бројни панел-дискусии на кои ќе учествуваат политички и аналитички експерти, пратеници и претставници од различни организации, меѓу кои Љубчо Георгиевски (ВМРО-НП), Енес Ибрахим (Партија за движење на Турците), Ивон Величковски (Нова Република), поранешните пратенички Санела Шкријељ и Никица Корубин, новинарот и истражувач за дезинформации од ЦИВИЛ, Дехран Муратов, претседателот на ЦИВИЛ, Џабир Дерала, геополитичкиот аналитичар од Бугарија, Владимир Владимиров, пратеници од СДА Санџак во парламентот на Србија и други.

Освен локални учесници, преку видео-пораки ќе се обратат и европратеникот Илхан Ќучук (Бугарија), експертите за човекови права Хедер Роберсон Гастон (САД) и Кирстен Шонефелд (Германија), која е и директорка на Фондацијата „Фридрих Еберт“ за Србија и Црна Гора.

„Наспроти цинизмот на претседателот Путин, верувам, дури сум и сигурен, дека претседателот Трамп, кој се грижи за кредибилитетот на САД, ќе реагира“, рече Макрон на заедничката прес-конференција со албанскиот премиер Еди Рама.

-Претседателот беше избран од американскиот народ. Тој дојде со здрава амбиција да постигне мир и рече дека ќе го ангажира целиот свет за да постигне мир, додаде францускиот претседател, зборувајќи за Трамп.

Францускиот претседател, германскиот канцелар Фридрих Мерц и британскиот и полскиот премиер Кир Стармер и Доналд Туск, вчера го повикаа Трамп да го осуди одбивањето на Русија да се согласи на прекин на огнот во Украина и да го зголеми притисокот врз Москва.

-Предлозите за примирје, и ве потсетувам дека тоа е американска иницијатива, не беа почитувани од претседателот Путин и неговите армии, рече денеска Макрон.

„Собравме коалиција на добронамерни, потоа заедно го повикавме претседателот Трамп и му рековме, еве сите сме за примирје, сите повторно се вклучуваме во коалиција на добронамерните со безбедносни гаранции“, рече Макрон, зборувајќи во Тирана, каде што вчера се одржа самитот на Европската политичка заедница.

Неколку часа по завршувањето на самитот и еден ден по мировните преговори меѓу Русите и Украинците во Истанбул, каде што беше договорена голема размена на затвореници, но без најави за прекин на огнот, девет лица беа убиени, а четворица се повредени во руски напад врз минибус со цивили на северот од Украина./МИА