Портпаролот на Талибанците, запрашан за американските сојузници и преведувачи во Авганистан, рече: „Нема да се одмаздиме никому“.
"Младите луѓе што пораснаа овде, не сакаме да ја напуштат земјата. Никој нема да тропне на нивната врата и да ги праша за кого работеле. Ќе бидат сигурни, никој нема да ги брка или испрашува", изјави портпаролот Забихула Муџахид
"Ние им простивме на сите за да го направат Авганистан стабилна земја каде што владее мир. Нашите борци, нашиот народ, сите тие ќе се погрижат тоа да ги вклучи сите страни. Оние чии животи беа загубени затоа што се бореа за непријателот, тие самите се виновни". рече тој. .
"Ова е муслиманска земја, како и пред 20 години. Но, кога зборуваме за искуството и зрелоста и визијата, се разбира дека постои огромна разлика помеѓу нас тогаш и нас сега. Ние нема да се однесуваме како пред 20 години. Законите ќе се применуваат во земјата, тоа ќе биде одговорност на идната влада “, рече тој.
"Сериозно работиме на формирање нова влада, ве уверувам во тоа. Ги имаме сите граници под наша контрола. Нема да има шверц на оружје, ќе го собереме целото оружје што се користело во војната", додаде тој.
"Ја освоивме целата земја за неколку дена, но не сме арогантни поради тоа. Сегашната ситуација е се уште воена, но кога ќе формираме влада, се` ќе биде многу појасно", рече портпаролот на Талибанците.
Портпаролот на Талибанците Забихула Муџахид одговараше и на прашања од собраните новинари.
Запрашан за правата на жените, тој рече: „Ќе им дозволиме на жените да работат и студираат во наши рамки“.
„Жените ќе бидат многу активни во нашето општество, но се разбира во наши рамки“, повторил тој.
"Сакаме да се осигураме дека нема повеќе војна во Авганистан. Ние им простивме на сите што се бореа против нас. Непријателствата мора да престанат. Не сакаме надворешни или внатрешни непријатели", рече портпаролот.
"Кога станува збор за медиумските активности, тие мора да знаат дека медиумите мора да бидат непристрасни, но дека ништо во нив не смее да биде против исламските вредности, кои ни се многу важни. Медиумите не треба да работат против националното единство, не треба да промовираат поделби , тие би требало да работат за заедништввото во земјата “, рече портпаролот.
"Ние ги гарантираме сите права на жените според шеријатскиот закон. Жените можат да работат во образованието и здравството. Ако меѓународната заедница е загрижена, нека знаат дека нашите жени ќе ги имаат сите права според шеријатот. Нашите жени се муслиманки и мора да го почитуваат шеријатското право", рече тој.
"Сакам да ја уверам меѓународната заедница дека нема да повредиме никого. Не сакаме проблеми со меѓународната заедница. Имаме право да постапуваме во согласност со нашите верски принципи. Другите земји имаат различни пристапи, правила и прописи ... Авганистанците имаат право на нивните правила и прописи со нашите вредности “, додаде тој.
"По 20 години борби, ја еманципиравме земјата и ги протеравме странците. Ова е момент на гордост за целата земја", изјави портпаролот на Талибанците, Забихула Муџахид, кој првпат се појави пред камерите.
"Нашиот план беше да застанеме пред Кабул откако ќе ги окупираме сите други провинции, но за жал претходната влада беше толку неспособна што нивните сили не можеа да обезбедат безбедност на Кабул и поради тоа моравме да направиме нешто. Сакаа да провалат во куќи, малтретираат луѓе и крадат и затоа влеговме во Кабул, за да се осигураме дека Кабул е безбеден град “, рече портпаролот на Талибанците на прес -конференцијата.
„Авганистан нема да се користи против ниедна друга земја“, рече портпаролот Забихула Муџахид, одговарајќи на прашањето дали ќе обезбедат засолниште за милитантите на терористичката организација Ал Каеда.
„Ја уверуваме меѓународната заедница во тоа“, додаде тој, а потоа ја заврши прес -конференцијата.