СветТалибанците наредија затворање на нелегални салони за убавина, се закануваат со апсењаТалибанците официјално ги затворија сите салони за убавина во август 2023 година, кога беа затворени 12.000 такви салони, а 50.000 козметичарки ги загубија своите работни места, но нелегалните салони продолжија да работат низ целата земја.Талибанците издадоа наредба со која се наредува затворање на нелегални салони за убавина што работат во тајност низ целиот Авганистан, и ги предупредуваат жените што ги водат дека имаат еден месец да ги затворат или ќе се соочат со апсење, објави денеска Гардијан. Талибанците официјално ги затворија сите салони за убавина во август 2023 година, кога беа затворени 12.000 такви салони, а 50.000 козметичарки ги загубија своите работни места, но нелегалните салони продолжија да работат низ целата земја. Талибанците сега објавија дека имаат намера да ги искоренат и елиминираат овие нелегални салони, а на лидерите на заедницата и старешините низ целата земја им е наредено да ги идентификуваат тајните салони за убавина и да ги пријават оние што ги водат во полицијата за „пороци и доблести“. Откако талибанците ја презедоа контролата врз Авганистан во август 2021 година, на жените им е забрането да одат во повеќето форми на платена работа, а на девојчињата им е забрането да одат во средно училиште или на универзитет. Групите за човекови права проценуваат дека талибанците спроведуваат систем на родов апартхејд и дека им забрануваат на жените да учествуваат во каков било вид јавен живот. Покрај затворањето на салоните за убавина, теретаните и другите јавни простори, на жените во Авганистан им е забрането и да шетаат во јавни паркови и да патуваат без машка придружба, мора целосно да се покријат кога излегуваат од дома и не им е дозволено да зборуваат јавно.Тагови: талибанци Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МакедонијаСкопје го одбележува Денот на ослободувањето – 13 НоемвриНа денешен ден пред 82 години, на 13 ноември 1944 година, Скопје беше ослободено од фашистичката окупација. По повод празникот, предвидено е положување цвеќе пред Споменикот на ослободителите на Скопје на Партизанските гробишта во Бутел, на Алејата на заслужните граѓани на гробот на генералот Михајло Апостолски на гробиштата во Бутел, како и пред споменикот на Ослободителите на Скопје пред зградата на Владата. Скопје денеска го одбележува 13 Ноември, Денот на ослободувањето на градот во Втората светска војна . Од Град Скопје информираат дека вечерва во Македонската опера и балет ќе се одржи свеченото доделување на наградата „13 Ноември“. На денешен ден пред 82 години, на 13 ноември 1944 година, Скопје беше ослободено од фашистичката окупација. Во ослободителните операции учествувале 42. и 50. Народноослободителна дивизија на македонската војска и 16. Македонска бригада, кои по неколкудневни жестоки борби влегле во градот. Борбите се воделе на повеќе локации низ Скопје, меѓу кои на улицата „Илинденска“, кај Главната пошта, Офицерскиот дом, Народната банка и Старата железничка станица. Македонските борци ја спасиле хидроцентралата „Матка“ од уништување, додека граѓани учествувале во одбраната на Камениот мост од минирање. Во борбите за ослободување на Скопје загинале повеќе од 420 борци, а за време на целата Втора светска војна животот го загубиле околу 4.600 скопјани.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook
ЗдравјеБесплатни скрининг тестови за рак на простата денеска во ЖелезничарВо здравствениот дом Железничар денеска ќе има бесплатни тестирања за рак на простата. Бесплатниот скрининг е наменет за мажи над 45 години и ќе се спроведува во рамки на кампањата „Мовембер“ односно ноември - месец за подигнување на свеста за машкото здравје. Бесплатните прегледи ќе се одвиваат од 13 часот.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Претплатете се на нашиот newsletter
МакедонијаПредлог буџет за 2027 година на собраниска комисија Во Собраниската комисија за финансирање и буџет денеска на дневен ред е предлогот на буџетот на Македонија за 2027 година, во второ читање. Поднесени се над 100 амандмани. Согласно проекциите, вкупните приходи на буџетот се планирани на ниво од 395,4 милијарди денари, расходите на ниво од 440,4 милијарди денари, додека буџетскиот дефицит е проектиран во износ од 45 милијарди денари или на ниво од 3,5% од планираниот БДП. Отстапувањето од фискалното правило е резултат на очекуваниот фискален ефект од потребата за исполнување на обврските од членството во нато алијансата за капитални вложувања во одбраната, со утврден износ од 2% од БДП-то. Проекциите на даночните приходи се планирани на ниво од 223 милијарди денари, со што тие учествуваат со 17,4% во БДП-то. Воедно износот на проектираните приходи е намален за 1,5 милјарди денари поради обврската за враќање на солидарниот данок кој се прибираше во 2023 година, а врз основа на законско решение за кое уставниот суд заклучи дека тоа било неуставно.Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.Бидете информирани следете не на Facebook