Такаичи предупреди на притисокот од Кина и најави повеќе средства за армијата - Канал 5

Свет

Такаичи предупреди на притисокот од Кина и најави повеќе средства за армијата

Јапонската премиерка Санае Такаичи во денешниот воведен говор на функцијата во националниот Парламент предупреди на, како што го нарече, растечкиот кинески притисок и најави дека Токио ќе ја преиспита својата одбранбена стратегија.

Такаичи предупреди на притисокот од Кина и најави повеќе средства за армијата

Денеска таа го имаше својот прв настап од парламентарната говорница по неодамнешните парламентарни избори, на кои беше реизбрана за премиерка, наведуваат британските медиуми.

Првиот мандат на Такаичи беше обележан со дипломатски спор со Кина, откако таа изјави дека Јапонија би можела да употреби воена сила за да одговори на напад врз Тајван.

Премиерката постави агенда за справување со тоа што таа го нарекува растечка економска и безбедносна закана од Пекинг и неговите партнери.

„Јапонија се соочува со најтешкото и најсложено безбедносно опкружување од Втората светска војна“, рече Такаичи, осврнувајќи се на зголемената воена активност на Кина, нејзините блиски односи со Русија и растечкиот нуклеарен капацитет на Северна Кореја.

Таа рече дека владата годинава ќе ги ревидира трите основни безбедносни документи за да изготви нова одбранбена стратегија и да го забрза прегледот на правилата за извоз на воена опрема за проширување на продажбата во странство и зајакнување на одбранбените компании.

Владејачката Либерално-демократска партија (ЛДП) денеска предложи укинување на правилата што го ограничуваат извозот на воена несмртоносна опрема како што се панцири, што би можело значително да ја прошири продажбата на јапонска опрема во странство, објави агенцијата Кјодо.

„Кина ги интензивираше своите обиди еднострано да го промени статус кво-то со сила или принуда во Источнокинеското Море и Јужнокинеското Море“, изјави таа пред пратениците.

Јапонија треба да ги зголеми воените трошоци на два проценти од бруто-домашниот производ (БДП) до крајот на март, што ќе ја направи една од најголемите воени потрошувачи во светот.

Покрај безбедноста, Такаичи предложи формирање јапонска верзија на Комитетот за странски инвестиции во САД (CFIUS) за да ги испитува странските инвестиции во чувствителните сектори и рече дека ќе бидат преиспитани правилата што го регулираат купувањето на странско земјиште.

Таа ветуваше дека ќе ја намали зависноста од „одредени земји“ со зајакнување на синџирите на снабдување и соработка со сојузниците за обезбедување ретки минерали.

Такаичи, исто така, вети дека ќе го забрза рестартирањето на нуклеарните реактори што се затворени од катастрофата во Фукушима во 2011 година.

Тагови: јапонија

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Во град во Јапонија мечка влегува по куќи и ги празни фрижидерите

Мечка во еден јапонски град провалува во куќи и ги празни фрижидерите. Најмногу сака слатки.

Во град во Јапонија мечка влегува по куќи и ги празни фрижидерите

Властите се во потрага по мечка која влегла во домот на постара двојка и им го ограбила фрижидерот.

Се сомнева дека истото животно може да биде одговорно за 14 провали во јапонскиот град во текот на изминатите две недели.

Во понеделник вечерта, 87-годишниот Мицуо Мацубара се сретнал лице в лице со голема азиска црна мечка откако отишол да истражи бучава што доаѓала од кујната.

Фрижидерот бил отворен, а храната била расфрлана по подот. Неговата сопруга ја повикала полицијата. Досега се пријавени провали на пет локации во североисточниот град Шизукуиши, што ги навело властите да веруваат дека истата мечка може да е вклучена. Поставени се стапици во кафези, инсталирани се електрични огради околу често напаѓаните домови и воведени се патроли за да се предупредат жителите за опасноста, објавува „Гардијан“.

„Невообичаено е мечка постојано да упаѓа на истото место. Можно е да станува збор за истото животно, поради што сакаме да го фатиме што е можно поскоро“, изјави Шихо Чида, експерт за мечки од Одделот за заштита на природата на префектурата Ивате, каде што се наоѓа градот Шизукуиши.

Мечката била фатена како четири пати упаѓа во земјоделски објекти и краде храна за добиток на база на млеко.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

На покана на Рубио, Муцунски на министерска конференција „подемот на политичкиот тероризам“ во Вашингтон

На покана на државниот секретар на Соединетите Американски Држави, Марко Рубио, министерот за надворешни работи и надворешна трговија, Тимчо Муцунски, утре и задутре ќе престојува во работна посета на Вашингтон.

На покана на Рубио, Муцунски на министерска конференција „подемот на политичкиот тероризам“ во Вашингтон

На покана на државниот секретар на Соединетите Американски Држави, Марко Рубио, министерот за надворешни работи и надворешна трговија, Тимчо Муцунски, утре и задутре ќе престојува во работна посета на Вашингтон, каде што ќе учествува на министерски состанок посветен на заканите од политичкиот тероризам.

Состанокот ќе обедини високи претставници од повеќе од шеесет држави, со цел унапредување на меѓународната соработка и зајакнување на институционалната подготвеност за справување со современите форми на политички мотивирано насилство и тероризам.Во фокусот на разговорите ќе бидат транснационалниот карактер на политичкиот тероризам, радикализацијата во дигиталната ера, како и потребата од зајакната меѓународна координација во превенцијата и раното препознавање на заканите“, соопштија од министерството.

Во рамки на посетата на Вашингтон, на маргините на состанокот се очекува министерот Муцунски да оствари средба со Даниел Џ. Лотон, заменик-помошник државен секретар за западна и централна Европа и јужна Европа во бирото за европски и евроазиски прашања на Стејт департментот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Мицкоски да им се извини на граѓаните на Македонија за навредите

Христијан Мицкоски им должи јавно извинување на граѓаните на Македонија. 

СДСМ: Мицкоски да им се извини на граѓаните на Македонија за навредите

Не на пратениците во празна сала, туку на граѓаните кои ги навредуваше со месеци.

Тој ги нарекуваше граѓаните „талог на општеството“, „глодари“, „медиокритети“, „мекотели“ и со други погрдни имиња.

Ги омаловажуваше сите кои не се согласуваат со него, кои ја критикуваат неговата политика или кои едноставно бараат подобар живот.

Таквото однесување не е достојно за премиер на држава. Уште помалку е достојно за човек кој се претставува како универзитетски професор.

Ова е срамота и за институцијата која ја претставува и за државата која ја води.

Особено што Мицкоски не застана сам во навредите туку беше поддржан. Заедно со својот прв соработник Иван Стоилковиќ, во Собранието отворено псуеше пратеници, а Стоилковиќ физички се обиде да се пресмета со пратеникот Митко Трајчулески.

Ова не е политичка расправа туку понижување на пратениците кои се претставници на граѓаните, како и на највисоката институција во државата.

Мицкоски мисли дека едно изнудено изговорено „извинете“ во празна сала може да ги избрише сите овие навреди? Не може.

Граѓаните не се наивни и не може да ги излаже.

Ова однесување е резултат на губењето на поддршката и на падот на рејтингот, кој самиот си го предизвика со секојдневните лаги, со немањето никаков резултат и со тоа што ја води државата во изолација и економски колапс.

Христијан Мицкоски должи јавно и искрено извинување на граѓаните на Македонија.

Сè додека тоа не го направи, ќе остане запаметен како премиер кој наместо да ги обединува граѓаните, ги навредува и ги понижува.

Скопје, 15.07.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер