Од сите.

Наместо да прикриваат и бараат виновници насекаде, освен во сопствените редови, криминалната ВМРО треба да ја признаат вистината за тоталниот институционален колапс.

Здравјето на граѓаните го загрозија, најважното нешто.

Не можете да отруете цел град, загадување на вода да има и во седум други населени места, на две реки а никој од власта да не одговара.

Целата власт, сите институции и сите механизми се во рацете на ВМРО-ОКГ и на Мицкоски.

Нема бегање од одговорноста сега за труењето на Македонија.

Прво, институциите признаа дека „црвените светла“ им се запалиле предоцна. Додека илјадници гостиварчани пиеле вода загадена со фекалии, никој не презел ништо.

Потоа ги криеа податоците од јавноста.

Сега, кога кризата веќе ескалираше, признавате ризик од жолтица и други заразни болести.

Она на што д-р Венко Филипче предупреди уште минатата недела.

Дополнително, јавноста и денес нема добиено официјален, потпишан извештај за анализите на таканаречената „техничка вода“.

Кој институт ги изработил анализите? Кој го потпишал извештајот? Кој ја одобрил употребата на водата? Врз основа на кои параметри е утврдено дека е безбедна?

Граѓаните на Гостивар ја плаќаат цената затоа што наместо стручност, превенција и брза реакција, добија неспособност, прикривање информации и политички калкулации.

За ова мора да има и политичка и кривична одговорност.

Кривично мора да одговараат министерот Сашо Клековски, директорката на Државниот санитарен и здравствен инспекторат, директорите на надлежните центри за јавно здравје, како и сите службени лица кои знаеле што се случува, ги криеле информациите, не презеле мерки и дозволиле здравјето на граѓаните да биде загрозено.

СДСМ нема да дозволи овој скандал да заврши со уште едно прикривање на вистината и правдата.

Прес конференција на СДСМ, Богданка Кузеска – портпаролка и членка на Извршниот одбор

Скопје, 29.07.2026

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Според податоците од јавните здравствени установи во Гостивар, во текот на вчерашниот ден (28.07.2026) се евидентирани вкупно 71 новопрегледан пациенти, што покажува тренд на намалување во однос на претходниот ден.

Во Општа болница „Д-р Ферид Мурад" Гостивар се регистрирани вкупно 49 нови прегледи, од кои 29 на инфективно и 25 на педијатриско одделение. Во моментот се хоспитализирани двајца пациенти на инфективно и пет пациенти на одделението за педијатрија.

Во Здравствени дом Гостивар се регистрирани 22 нови прегледи во дежурната служба.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

„Добар ден и од мене.

Во Делчево како што гледате се гради, како што се гради во суштина и на повеќе од 1.200 локации низ цела Македонија. Десетици проекти се реализираат овде во оваа општина и ја користам оваа прилика да му честитам на градоначалникот за навистина посветената работа којашто ја врши имајќи предвид со каков предизвици се соочува самата општина. Вие споменавте некој од нив како што е на пример блокираната сметка, но и тука не стојат работите и тука се придвижуваат во позитивна насока.

Очекувам дека во овој мандат таа сметка ќе биде одблокирана за да може општината да функционира нормално. Би сакал да се заблагодарам и на советниците од советот којшто ја поддржуваат работата на градоначалникот, на администрацијата, сите тие се заслужни за да овој мозаик биде поинаков, односно да се гради тука и да се испорачува за граѓаните.

Ние како Влада остануваме посветени на испорака кон општините, а преку општините кон граѓаните бидејќи градоначалниците се тие коишто се на првата линија заедно со граѓаните. Се разбира кога многу работи во минатото стоеле со децении, не можат преку ноќ да се променат, но добро е кога се оди приоритет по приоритет еве слушнавте и вие 16 проекти во моментов општината ги реализира преку онаа реалокација на финансиски средства од Владата кон општината, останатите од сопствени сили, од сопствен буџет ќе се реализираат.

Така што јас сум задоволен, на ова би го додал и експресниот пат за којшто еве конечно се распиша тендер за проектно решение би рекол, физибилити студија Кочани-Виница-Делчево, така што генерално очекувам да состојбите и понатаму продолжат во периодот којшто следи да се развиваат. Јас можам само да кажам дека како Влада ќе продолжиме да ги поддржуваме општините.

Уште еднашка голема благодарност и му честитам на градоначалникот за посветената и фокусирана работа којашто ја врши за граѓаните на Делчево.“- истакна премиерот Мицкоски.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.