Забава

Тајсон: Не се сеќавам на борбата против Пол, дури и не знам зошто го направив тоа

Еден месец по борбата против Џејк Пол, Мајк Тајсон даде интервју за „Фокс спортс радио“ во кое откри дека тој ден не се сеќава на ништо од рингот.

58 godi[niot Тајсон загуби со одлука на судиите по осум рунди од 27-годишниот Пол и тоа сосема заслужено со оглед на тоа што во целата борба успеа само 18 пати да го погоди Јутјуберот.

Легендарниот „Железен Мајк“ доби 78 удари, а откри дека не се ни сеќава на нив.

-Не се сеќавам на борбата. Се онесвестив малку. Се сеќавам само на почетокот на втората рунда, Џејк правеше нешто, не разбрав што, рекол Тајсон, кој очигледно се сеќава само дека Пол му се поклонил на почетокот на втората рунда.

Како што вели, не се сеќава на тие 78 удари што ги добил, но оставиле трага врз него.

-Не се сеќавам на силата на неговите удари, но целото тело ме болеше по борбата, особено градите и стомакот, изјави Тајсон.

На прашањето дали жали што повторно влегол во рингот кон крајот на педесеттите, Тајсон вели: „Ден по борбата се разбудив и ја прашав жена ми: „Зошто го направив тоа?“.

Свет

ФЕД се повлекуваат од мрежата за зелен финансиски систем

Федералните резерви на САД (ФЕД) објавија дека се повлекуваат од меѓународната мрежа за зелен финансиски систем, чии членови се Европската централна банка (ЕЦБ) и монетарните институции на еврозоната, вклучително и Хрватската народна банка (ХНБ).

Меѓународната мрежа НГФС (NGFS) е основана во декември 2017 година и денес вклучува 143 членови од 90 земји кои го истражуваат влијанието на климатските ризици врз финансискиот систем и ги разгледуваат моделите на управување.

Членови на мрежата ги вклучуваат, меѓу другото, Швајцарската народна банка и Европската централна банка (ЕЦБ) и централните монетарни институции на сите членки на еврозоната, вклучително и Хрватската народна банка, од средината на јуни 2021 година.

Портпаролот на НГФС сè уште не коментирал.

На списокот членки се и централните банки на Босна и Херцеговина, Србија, Црна Гора, Северна Македонија и Албанија. На иницијативата се приклучија и бројни регулатори за банки и осигурителни компании.

ФЕД на САД во петокот објави дека се повлекува од НГФС затоа што опсегот на неговата работа е проширен и сега ја надминува рамката утврдена со американскиот закон, објаснија тие./МИА

Свет

Трамп повторно ја обвини Кина дека управува со Панамскиот канал

Американскиот претседател Доналд Трамп за време на неговото денешно инаугуративно обраќање рече дека „Панама ги прекршила договорите за кои е потребна неутралност во управувањето со каналот“.

Тој рече дека Панамскиот канал е „глупав подарок што никогаш не требаше да и се даде“ на Панама.

- Американските бродови се сериозно преполнети и не се третираат праведно на кој било начин, облик или форма, а тоа ја вклучува и американската морнарица, рече Трамп.

- И пред сè, Кина управува со Панамскиот канал и ние не и го дадовме на Кина. Го дадовме на Панама. И ние го враќаме назад, истакна тој.

Трамп претходно овој месец одби да ја исклучи можноста од воена сила да го заземе каналот. Тој ја даде оваа забелешка за време на прес-конференција на која, исто така, изјави дека „со Панамскиот канал управуваат кинески војници“. /МИА

Свет

Гутереш: На првиот ден од прекинот на огнот 630 камиони со хуманитарна помош влегоа во Газа

Повеќе од 630 камиони со хуманитарна помош влегоа во Појасот Газа на првиот ден од почетокот на прекинот на огнот, изјави денеска генералниот секретар на Обединетите нации, Антонио Гутереш.

Гутереш на седницата на Советот за безбедност рече дека камиони со помош се испратени на север од енклавата, каде според ОН, постои закана од глад, пренесуваат британските медиуми.

Камионите влегоа во Појасот Газа на првиот ден од договорот за прекин на огнот меѓу Израел и палестинската милитантна група Хамас, кој стапи на сила на 19 јануари./МИА

притисни ентер