Тајното кинеско летало се врати на Земјата по 276 дена во вселената - Канал 5

Технологија

Тајното кинеско летало се врати на Земјата по 276 дена во вселената

Екперименталното кинеско вселенско летало се врати на Земјата откако беше во орбитата 276 дена, објавија кинеските државни медиуми, завршувајќи ја мисијата за тестирање на вселенски технологии за повеќекратна употреба.

Тајното кинеско летало се врати на Земјата по 276 дена во вселената

Вселенското летало без екипаж денеска се врати во центарот за лансирање Џиукван во северозападна Кина како што беше планирано, јавуваат државните медиуми. Не се дадени детали за кое вселенско летало се работи, какви технологии биле тестирани, колку високо летало и каде го однела неговата орбита од лансирањето на почетокот на август 2022 година.

Сликите на леталото, исто така, допрва треба да бидат објавени во јавноста.

Тестот означува „важен“ напредок во истражувањето на Кина во технологијата за повеќекратно користење на вселенски летала што ќе обезбеди поудобен и поевтин начин за испраќање идни вселенски мисии, објавија државните медиуми.

Во 2021 година, слично вселенско летало полетало до работ на вселената и се вратило на Земјата истиот ден во мисија која исто така во голема мера била чувана во тајност. Тоа летало слетало на Земјата „хоризонтално“, според водечкиот кинески изведувач во тоа време.

Коментаторите на кинеските социјални медиуми шпекулираат дека Пекинг развива вселенско летало како што е X-37B на американските воздухопловни сили, автономен вселенски авион кој може да остане во орбитата со години.

Беспилотниот и повторно употреблив X-37B се врати на Земјата минатиот ноември на својата шеста мисија, по повеќе од 900 дена во орбитата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Георгина на Роналдо во бикини без филтери

Вереницата на најплатениот свтески фудбалер Кристијано Роналдо, атрактивната Георгина Родригез е „уловена“ од папараците на плажа во Мајами. 

Фото: Георгина на Роналдо во бикини без филтери

Бујната Георгина Родригез е фатена во одлично беше расположение како ужива на сонцето со група пријатели на плажите во Мајами за време на Светското првенство на кое настапува нејзиниот сакан.

Георгина која со Кристијано има големо семејство од пет деца изгледаше шармантно во црн бикини горен дел што го врза околу вратот, додека околу колковите врзала розова марама.

Сите забележаа дека бујната Георгина на фотките изгледа природно, бидејќи тие не се обработени за објавување на социјалните мрежи.

Тагови: Георгина Кристијано Роналдо

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Најпознатата српска екс снајка во секси бикини

Младата српска пејачка Милица Јокиќ работи напорно и настапува речиси секој ден, а сега реши малку да забави и да си даде одмор.

Фото: Најпознатата српска екс снајка во секси бикини

Атрактивната пејачка која во јавноста е позната и како екс снајка на српскиот министер Ивица Дачиќ, отпатува на море за да ги наполни батериите пред напнатата летна сезона, а нејзините фотографии од плажа предизвикаа општа возбуда на мрежите.

Убавата Милица ги воодушеви фановите со фотки на кои блеска во секси бикини.

Долго време, Милица беше во емотивна врска со синот на министерот за внатрешни работи, Ивица Дачиќ. Милица започна врска со Лука во 2020 година, и иако на почетокот ги криеја своите емоции од јавноста, подоцна се појавуваа заедно на настани и се поддржуваа еден со друг.

Милица постојано нагласуваше дека Лука е голема поддршка за неа, додека редовно присуствуваше на нејзините настапи и важни настани во нејзината кариера.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

СДСМ: Економијата под Мицкоски е во слободен пад

Економијата под Мицкоски е во слободен пад: Странските инвестиции паднаа за 61%, потрошувачката кошничка поскапе за 10.000 денари, а индустријата тоне.

СДСМ: Економијата под Мицкоски е во слободен пад

Под власта на Христијан Мицкоски и организираната криминална група ВМРО, македонската економија доживува тотален колапс, додека премиерот продолжува да лаже дека сме “трета економа во Европа“.

Фактите се непобитни:
* Странските директни инвестиции во 2025 година паднаа за 61% - од 1,2 милијарди евра во 2024 на само 468 милиони евра во 2025 година. Ова е еден од најлошите резултати во регионот.
* Индустриското производство во првите пет месеци од 2026 година е намалено за 0,3%, а во мај падот изнесува 2%. Преработувачката индустрија, производството на електрична опрема, машини и моторни возила се во слободен пад.
* Потрошувачката кошничка континуирано поскапува. За две години кошничката поскапе за 10.000 денари, додека нема пари за зголемување на минималната плата. Цените отидоа до плафон бидејќи Владата не сакаше да воведе мерки по почетокот на кризата и со тоа да го запре забрзаниот раст на цените на горивата.
* Инфлацијата останува висока, особено на храната и енергијата, додека реалниот стандард на граѓаните се топи.
Наместо инвестиции, нови фабрики и подобар животен стандард, добиваме само нови долгови, празен буџет и криминални тендери кои се единственото што функционира под оваа Влада.
Мицкоски може да продолжи да се фали со измислена „трета економија во Европа“. Реалноста е дека Македонија под негово раководство бележи историски пад на странски инвестиции, индустриско производство во минус и граѓани кои секој месец се сиромашни за илјадници денари.
Ова не е економски раст туку економско уништување од организирана криминална група која ја претвори државата во приватен бизнис.
Мицкоски дојде на власт со лаги, сега владее со лаги.

СДСМ

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер