Здравје

Тајната на младоликоста на Јапонките (фото)

Маска за лице што ги брише брчките и ја негува кожата.

Овие дами најчесто се негуваат со природни препарати од својата кујна.

Повеќето жени се воодушевени од младешкиот изглед на Јапонките, кои дури и во подоцнежните години речиси немаат брчки. Негата со природни препарати е тајната за подмладување на Јапонките, особено маската од компир. Навлажнува, храни, подмладува и благодарение на своите антибактериски својства ги стеснува порите и помага во отстранување на акните. Освен што ги брише трагите од староста на лицето, компирот ја осветлува кожата и ги отстранува флеките од лицето.

Компирот е богат со витамин Ц, тој е еден од најмоќните антиоксиданси, благодарение на кој се поддржува синтезата на колаген, ја осветлува кожата и ги спречува штетните ефекти на слободните радикали. Содржи и витамин Д и Б витамини, кои ја стимулираат циркулацијата и го намалуваат ширењето на крвните садови, го олеснуваат зараснувањето на раните и спречуваат појава на акни и инфекции на кожата. Суровиот компир содржи голема количина на калиум, бакар и сулфур, кои се најважните состојки потребни за длабинско чистење на кожата.

Маската со компир ја навлажнува и ја храни кожата, ја подмладува, помага да се ослободите од акните, ја матира кожата, спречува промена на тенот и хиперпигментација, ги отстранува темните кругови под очите, ги стеснува порите.

Еве еден оригинален јапонски рецепт за маска од компир, за која се верува дека е главниот адут на Јапонките и нивниот младешки изглед.

Рецепт за маска од компир

Состојки:

компир

јајце

2 лажички палента

една лажичка густ јогурт

Подготовка:

Компирот измијте го, излупете го и изрендајте го на ситно ренде. Ренданиот компир процедете го низ цедалка. Во водата што ќе ја добиете од компирот, додајте го јајцето и измешајте. По мешањето додадете 2 лажички палента и една лажичка погуст јогурт. Вашата маска е подготвена.

За полесно нанесување на лицето, бидејќи е прилично течна, натопете туфер во смесата и рамномерно нанесете на лицето. Оставете да делува 20 минути, а потоа прво исплакнете со млака вода, а потоа со ладна. Набргу ќе почувствувате забележлива разлика. Вашата кожа ќе стане хидрирана, подмладена и посјајна.

Кошарка

Мајк Џејмс се расплака како мало дете по историскиот пораз (ВИДЕО)

Екипата на Монако претрпе пораз во петтиот натпревар пред своите гледачи по продолженијата против Фенербахче, а Мајк Џејмс не можеше да ги задржи солзите по мечот.

Војводите беа поразени со резултат 80:79, па по последниот судиски свиреж, првата ѕвезда на Монако беше видена како плаче додека го напушта теренот.

Несомнено е дека поразот тешко му падна како играч од кого се очекува најмногу.

Овој натпревар донесе нова страница во историјата, бидејќи ова е прва победа на гостинската екипа во петтиот натпревар од плејофот во Евролигата. Досега резултатот беше 0-19, но сега историјата се промени.

Македонија

Битиќи: Одлучив да поднесам оставка од функцијата потпретседател на партијата

Потпретседателот на СДСМ Фатмир Битиќи поднесе оставка од таа позиција.

Почитувани граѓани и граѓанки

Стојам пред вас со благодарност, но и со чувство кое ги надминува резултатите од парламентарните избори. Вашиот глас за листата на пратеници на СДСМ и Коалицијата за европска иднина, на која бев ко-носител во втората изборна единица, не е само бројка – тоа е израз на доверба и верување во нас, за што го изразувам своето големо почитување.

Гласовите кои ги добивме претставуваат и огромна обврска. Обврска да продолжиме со нашата политичка мисија, обврска да го засилиме дијалогот и да ги слушаме потребите на нашите сограѓани. Но, дел од исполнувањето на оваа обврска бара и политичка одговорност, бара промена.

Како потпретседател на Социјалдемократскиот сојуз на Македонија, обврзан на етички и демократски вредности, одлучив да поднесам оставка од функцијата потпретседател на партијата. Мојата оставка комплетно ќе се ефектуира кога останатите мои другари и другарки кои го сочинуваат партиското раководство ќе го направат истото – од првиот до последниот.

Во целата моја политичка кариера барам лична одговорност од сите чинители – и овој акт е токму тоа. А оставката на раководството е неопходен чекор кон враќање на довербата на граѓаните и трасирање на патот кон иден политички успех.

Упатувам апел дека оставката не претставува политички акт на пораз на социјалдемократската идеја, туку порака и предизвик за подобрување и преиспитување на СДСМ.

Прифаќањето на политичка одговорност нема да биде знак на слабост, туку израз на лична и партиска демократска зрелост, како и подготвеност да се промениме и да растеме – и ставаме приоритет на колективниот интерес пред личните амбиции.

Да се вратиме повторно меѓу граѓаните, да го слушнеме нивниот пулс и да ги разбереме нивните потреби и да се вратиме на нашите социјалдемократски вредности. Само на овој начин може да дојдеме до нови идеи, пристапи и енергија кои може да ја зајакнат визијата и стратегијата на СДСМ па да се вратиме со крената глава во политичката арена за да ја добиеме битката за европска Македонија – ветување кое го дадовме на граѓаните и кое им должиме да го исполниме.

И за крај: нека е ова новиот почеток кој ќе ги обедини сите искрени другари и другарки во идејата за социјалдемократија, во идејата за соживот, во идејата за Едно општество за сите каде владее правичноста, солидарноста и еднаквоста.

За силен и единствен СДСМ.

Извор: Фактор

Свет

Бајден ќе воведе построги правила за добивање азил на границата со Мексико

Администрацијата на американскиот претседател Џо Бајден има намера да го заостри пристапот до азил на границата меѓу САД и Мексико со нова регулатива што би можела да биде издадена уште утре.

Администрацијата на американскиот претседател Џо Бајден има намера да го заостри пристапот до азил на границата меѓу САД и Мексико со нова регулатива што би можела да биде издадена уште утре, со цел намалување на илегалните преминувања, изјавија три извори запознаени со ова прашање.

Регулативата ќе бара мигрантите да бидат проценети во почетна фаза од проверката за азил за да се види дали треба да им биде одбиен азил и брзо да бидат депортирани, велат анонимните извори. Мерката се чини дека е ограничена по обем, додаваат тие.

Мигрантите ќе бидат проценети за забрана за барање азил врз основа на криминал и безбедносни закани, изјавија два извори. Белата куќа не одговорила веднаш на барањето за коментар.

Американскиот претседател Бајден, демократ кој бара уште еден мандат, се соочи со рекорден број мигранти фатени додека ја минуваат границата меѓу САД и Мексико откако ја презеде функцијата во 2021 година.

Поранешниот претседател Доналд Трамп, републиканскиот противник на Бајден, го критикуваше актуелниот претседател за повлекување на порестриктивните политики што тој ги воведе за време на неговиот мандат.

притисни ентер