Имено, „Rockstar“ на својот „Twitter“ профил објави фотографија како го рекламира претстојниот фестивал во „GTA Online“, но вниманието на следбениците го привлече тоа што ликовите на сликата стојат за да се види „VI“ од знакот „Vinewood“.
Ова, се разбира, предизвика шпекулации меѓу фановите и верните играчи, кои на секој чекор наоѓаат навестувања како и сега.
Така, некои изјавија дека базените во „GTA: Vice City Definitive Edition“ сега имаат шест светли точки, додека други се свртуваат кон астрономијата и укажуваат дека месечината во горниот десен агол на сликата е таква каква што ќе биде утре, 3 октомври.
Секако, тешко дека утре ќе се случи нешто посебно, но некои фанови изнесоа теорија според која би можел да се појави барем првиот трејлер за „GTA VI“.
Еве што знаеме со сигурност: „Rockstar“ објави дека новата „GTA“ игра е во полн развој, а тоа беше во февруари 2022 година.
Потоа се појавија куп слики од екранот и снимки направени за време на развојот, а по негативните коментари, „Rockstar“ рече дека е „крајно разочаран“, но дека работата на следната „GTA“ игра ќе „продолжи според планираното“.