Тајфунот носи гости низ хотел во Хонгконг, 14 загинати над 120 исчезнати во Тајван (ВИДЕО) - Канал 5

Свет

Тајфунот носи гости низ хотел во Хонгконг, 14 загинати над 120 исчезнати во Тајван (ВИДЕО)

Кина евакуираше речиси два милиони луѓе од јужната покраина Гуангдонг, бидејќи супертајфунот Рагаса се приближува кон копното.

Тајфунот носи гости низ хотел во Хонгконг, 14 загинати над 120 исчезнати во Тајван (ВИДЕО)

Тој веќе го погоди Тајван, убивајќи најмалку 14 лица, а 124 се водат како исчезнати откако пукна брана на езеро.

Супертајфунот веќе предизвика хаос во делови од Азија, а меѓу погодените се Филипините и Хонгконг. Како еквивалент на ураган од категорија 5, Рагаса е најсилната бура во светот оваа година.

Супертајфунот Рагаса го погоди Хонг Конг во среда со ветрови со сила на ураган и обилни дождови, додека поројните дождови убија најмалку 14 лица во Тајван, објави Ројтерс. Најамлку 124 лица се водат како исчезнати.

Резервоар во источниот округ Хуалиен на Тајван се прелеа, ослободувајќи околу 60 милиони тони вода и предизвикувајќи големи поплави во општината Гуангфу, округ Хуалиен во источен Тајван, објави АП.

Во Хонг Конг, улиците беа пусти откако властите ги повикаа жителите да останат во своите домови. На источниот и јужниот брег на метрополата, брановите го поплавија крајбрежјето и делумно ги потопија патиштата покрај станбените згради.

Застрашувачки снимки од тајфунот се појавија на социјалните мрежи, а една од нив покажува огромни бранови како кршат стаклени врати и влегуваат во хотел пред преплашените гости.

Следна што ќе биде погодена од супертајфунот е Кина, која досега евакуираше речиси два милиони луѓе.

Кинеските метеоролози го нарекоа Рагаса „крал на бурите“ - за само неколку дена се очекуваат дождови колку еден месец.

Училиштата и транспортните услуги, вклучително и брзите железници, се затворени, додека летовите се откажани на најпрометните аеродроми во регионот во Гуангжу и Шенжен.

Кинеските поморски власти прогласија највисоко ниво на црвена тревога оваа година, предвидувајќи бранови од бура до 2,8 метри. Градовите Гуангжу, Шенжен, Фошан и Донггуан, со население од околу 50 милиони, се наоѓаат на патот на тајфунот. Министерството за вонредни ситуации распореди десетици илјади шатори, склопливи кревети, генератори и друга опрема за итни случаи, објавија државните медиуми.

Тагови: тајфун Хонгконг

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

За излез од Македонија на Богородица и Дојран се чека три часа

Повеќе од 17000 лица ја напуштиле македонија во последните 24 часа преку ГП Богородица и ГП Дојран кон Грција.

За излез од Македонија на Богородица и Дојран се чека три часа

Во истиот период во земјава влегле околу 16000 птници, покажуваат податоците на министерството за внатрешни работи.

Преку Богородица во Македонија влегле 5864 македонски државјани а изглегле 5948, од странски државјани влегле 10249, а излегле 11648.

На Дојран се евиндентирани 399 влегувања и 1104 излегувања на македонски државјани , странци 1295 влегле, 1174 излегле.

Поради големената фреквенција на двата гранички премини се создадени долги колони возила, најголем метеж беше забележан на Дојран, каде колоната возила се протегаше низ целиот Стар Дојран.

Од МВР велат дека се ангажирани сите расположливи човечки и технички ресусри за побрз проток на патниците.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Се запали автобус на „Дурмо Турс“ на автопатот Тетово Гостивар

Автобус на компанијата „Дурмо Турс“ денеска се запали на автопатот Тетово Гостивар, предизвикувајќи вознемиреност кај патниците и останатите учесници во сообраќајот. 

Се запали автобус на „Дурмо Турс“ на автопатот Тетово Гостивар

На социјалните мрежи се појавија видеоснимки на кои се гледа како автобусот е зафатен од пламен, додека густ чад се издига над коловозот.

Според првичните информации, возачот навреме го запрел автобусот, по што сите патници безбедно биле евакуирани. Засега нема информации за повредени лица, а на местото на настанот интервенирале противпожарни екипи кои го локализирале пожарот. Надлежните институции вршат увид за да се утврдат причините за избувнувањето на огнот.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Видео: Сабаленка ги шокираше навивачите со проѕирен фустан за УС Опен

Сабаленка ги шокираше навивачите со проѕирен фустан за УС Опен-Погледнете што ќе носи популарната „тигрица“.

Видео: Сабаленка ги шокираше навивачите со проѕирен фустан за УС Опен

Најдобрата светска тенисерка, Белорусинката Арина Сабаленка ја претстави својата облека за престојниот Грен слем УС Опен.

Светскиот рекет број 1, Арина Сабаленка, ја претстави својата опрема за УС Опен.

Откако неславно го заврши настапот на Вимблдон, таа ретко се појавуваше во јавноста, а сега одлучи да ги израдува навивачите со облеката што ќе ја носи на последниот Грен слем турнир во сезоната.

Брендот „Најк“ и тенисерката од Белорусија овојпат направија чекор понапред. „Тигрицата“ ја брани титулата на УС Опен, откако победи во 2024, а потоа и во 2025 година.

Ако се суди според најавите, ќе гледаме агресивна и енергична Сабаленка, каква што сме навикнати да ја гледаме. Облеката што ја претстави го навести токму тоа.

Сабаленка се одлучи за портокалова боја – маичка и шорцеви, а претходно ќе носи и мрежест фустан.

Иако популарниот бренд досега не ѝ овозможувал на Сабаленка уникатни спортски комплети, овојпат тоа секако ќе се случи. Јасно е дека опремата што ќе ја носи Белорусинката е инспирирана од „Спајдермен“, а се очекува и други тенисерки кои го носат овој бренд да се појават во слични изданија.

Црната мрежа што ја прекрива дводелната спортска опрема е директна асоцијација на филмот, чија премиера е закажана за јули 2026 година. Нема сомнеж дека изданието на Арина Сабаленка ќе предизвика бројни реакции, бидејќи коментарите постојано се менуваат – од позитивни до негативни – само неколку часа по објавувањето на видеото.

Фановите не ја изоставија ниту Наоми Осака, од која очекуваат уште поспектакуларно издание, слично на оние од претходните три Грен слем турнири. Воедно, ова веројатно е последниот Грен слем на кој Сабаленка ќе носи стандардна облека од „Најк“ (Nike) како и останатите тенисерки, бидејќи уште во 2027 година би можеле да ја видиме во персонализирани комбинации.

Тагови: Арина Сабаленка

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер