Здравје

СЗО: Речиси половина од светското население страда од орални болести

Скоро половина од светското население или 3,5 милијарди луѓе страдаат од болести на усната шуплина, а повеќето од нив живеат во земји со низок и среден приход, објави денеска Светската здравствена организација (СЗО).

Најчеста болест на усната шуплина е кариесот, по што следи тешка болест на непцата, губење на забите и орален карцином. Речиси 2,5 милијарди луѓе не се лекуваат од кариес, покажуваат податоците на агенцијата на ОН. Околу 380.000 нови случаи на орален карцином се дијагностицираат секоја година, според СЗО.

СЗО го наведува фактот дека јавното здравство не го покрива стоматолошкиот третман и недостапноста на високо специјализираната стоматолошка опрема во примарната здравствена заштита, особено во сиромашните земји, како две главни причини за високата стапка на болести на усната шуплина.

„Оралната хигиена одамна е занемарена во глобалното здравје, но многу болести на усната шуплина можат да се спречат“, изјавил генералниот директор на СЗО, Тедрос Аданом Гебрејезус.

Агенцијата смета дека дел од решението е земјите да вклучат правична здравствена заштита за усната шуплина во националните програми за планирање и да го вклучат оралното здравје во моделите на примарната здравствена заштита.

Меѓу мерките, тој предлага владите да ја подобрат достапноста на пастата за заби со флуор по прифатлива цена за населението.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Невремето предизика проблеми и на скопскиот аеродром

Невремето предизика проблеми и на скопскиот аеродром, каде поради протекување на кровот беше предизвикан прекин на работењето на излезот од државата во траење од околу час и половина информираат од Министертвото за внатрешни работи.

Во транзитниот центар Табановце се регистрирани оштетувања на дел од привремените објекти за сместување на мигранти на подрачјето на СВР Куманово пријавени се 9 оштетени возила и 3 оштетени кровови .

Во штипскиот регион регистрирани се 14 оштетувања на патнички возила и 6 оштетувања на кровни конструкции.На подрачјето на Тетово евидентирани се 5 настани, од кои 3 оштетувања на патнички моторни возила и 2 оштетувања на кровови.

Во Велес и околината пријавени се две оштетувања на патнички моторни возила предизвикани од паднати дрвја.Во струмичко пријавени се паднати електрични столбови во селата Доброшинци и Градошорци, како и прекин на снабдувањето со електрична енергија во селото Свидовица.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Петнаесет повредени лица се примени во скопските клиники по невремето што вчера го зафати Скопје

Петнаесет повредени лица се примени во скопските клиники по невремето што вчера го зафати Скопје.

Најсериозно е повредена повозрасна жена што се здобила со повреда на главата по пад на дрво.

100 тици дрвја беа откорнати низ целиот град, откорнати беа кровови од станбени објекти.

Летаа предмети од силниот ветер,според информациите ветрот достигнал брзина и до 90 километри на час, а на единствениот број за итни повици 112 штети пријавиле над илјада граѓани.

Невремето беше кратко, но многу интезивно за само 10 минути направи вистински хаос.

Тагови: Град Скопје невремето

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

Денеска не очекува променливо облачно време со сончеви периоди, се најавува и локална нестабилност со пороен дожд

Од УХМР (Управата за хидрометеоролошки работи) предупредуваат за голема нестабилност на времето денес.

Според УХМР денеака времето ќе биде променливо облачно со сончеви периоди. Ќе има повремени врнежи од дожд и локална нестабилност со пороен дожд, грмежи, засилен ветер. Наместа ќе има услови за изолирано невреме со појава на град.

Ќе дува умерен, а долж Повардарието повремено засилен ветер од северен правец (наместа над 60 km/h).

Во Скопје, променливо облачно со сончеви периоди. Во делови од котлината ќе има повремени врнежи од дожд и услови за појава на нестабилност со пороен дожд, грмежи и засилен ветер.

До петок под влијание на серија влажни и нестабилни воздушни маси, времето ќе биде променливо облачно и наместа нестабилно со пороен дожд и грмежи.

Локално процесите ќе бидат во форма на краткотрајно невреме проследено со силен ветер и изолирана појава на град.

Во петок ќе има пообилни врнежи од дожд. Поради продор на постудена воздушна маса од север температурата значително ќе опадне.

Во Скопје, до петок ќе биде променливо облачно, повремено нестабилно со пороен дожд и грмежи. Локално во делови од котлината ќе има нестабилност со пороен дожд, грмежи и засилен ветер.

Наместа ќе има и услови за појава на краткотрајно невреме со силен ветер и изолирана појава на град.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.