СЗО: Пандемијата е во преодна фаза, не е време за укинување на вонредната состојба

Светската здравствена организација (СЗО) денеска објави дека коронавирусот продолжува да претставува извонредна меѓународна јавно здравствена криза, што е највисоката форма на предупредување на агенцијата.

Пандемијата е веројатно на „преодна точка“, која сè уште бара внимателно управување за „да се ублажат потенцијалните негативни последици“, се вели во изјавата на СЗО.

Поминаа три години откако агенцијата на Обединетите нации го прогласи Ковид-19 за глобална здравствена закана. Повеќе од 6,8 милиони луѓе починаа од пандемијата во сите делови на светот, а болеста имаше негативно влијание врз светската економија и функционирањето на општествата.

Ситуацијата се менува во 2020 година со доаѓањето на вакцините и терапиите. Генералниот директор на СЗО, Тедрос Аданом Гебрејезус изрази надеж дека вонредната состојба ќе биде укината оваа година, особено ако пристапот до мерките против инфекција се подобри на глобално ниво.

Советниците на експертскиот комитет на СЗО за статусот на пандемијата во декември минатата година рекоа дека веројатно не е време да се прогласи нејзиниот крај поради неизвесноста околу бранот на инфекции во Кина, која ги укина строгите мерки за нулта ковид на крајот на 2022 година.

Во Србија подарок од 5.000 евра за секој купувач на електричен автомобил

Властите во Србија синоќа најавија дека од буџетот ќе бидат издвоени по 5.000 евра за секој кој ќе купи нов електричен автомобил што ќе се произведува во фабриката во Крагуевац.

-Ако автомобилот чини 22 или 23 илјади, имате пет илјади од нас, секој клиент, најави српскиот претседател, Александар Вучиќ.

Како што беше најавено, денеска и официјално ќе биде означена реализација на проектот во фабриката Стелантис во Крагуевац, што се однесува на почеток на производство на електричниот автомобил „Фиат Гранд панда“.

На церемонијата ќе присуствуваат претседателот на Србија, Александар Вучиќ и Карлос Таварес, главен извршен директор на Стелантис.

Нетанјаху ќе се сретне со Бајден

Премиерот на Израел, Бенјамин Нетанјаху во текот на неделата ќе се сретне со претседателот на САД, Џо Бајден во Белата куќа, изјави неименуван американски извор.

Средбата ќе се одржи како што е планирано и покрај повлекувањето на Бајден од претседателската трка, изјави анонимен американски функционер. Сè уште не е утврден точниот датум бидејќи Бајден заздравува од Ковид-19.

Нетанјаху на 24 јули треба да се обрати во Конгресот. Се очекува тој да се сретне и со потпретседателката Камала Харис.

Јанчев: Спроведено второ авионско прскање против комарци

Утринава беше спроведено второто авионско прскање против комарци, објави градоначалникот на Кавадарци, Митко Јанчев. 

Со третирањето беше опфатено течението на реката Луда Мара од с. Марена, целото градско подрачје, с. Ваташа па се до брана Моклиште.

Изведувач на работата е фирмата Бониер од Куманово, напиша Јанчев на социјалните мрежи.

притисни ентер