Здравје

СЗО: Од вирусот на хепатит дневно умираат по 3.500 луѓе

Повеќе од 3.500 луѓе умираат секој ден од вирусот на хепатитис, предупреди Светската здравствена организација, повикувајќи на решителна и брза акција во борбата против вториот најголем убиец меѓу заразните болести.

Новите податоци од 187 земји покажаа дека бројот на смртни случаи од вирусен хепатитис се искачил на 1,3 милиони во 2022 година, што е за 200.000 повеќе од три години порано, според извештајот на СЗО објавен заедно со Светскиот самит за хепатитис оваа недела во Португалија.

Ова се „алармантни трендови“, рече на прес-конференција Мег Доерти, шеф на глобалните програми на СЗО за ХИВ, хепатитис и сексуално преносливи инфекции.

Меѓу починатите од хепатитис, 83 отсто подлегнале на хепатитис Б, а 17 отсто на хепатитис Ц.

Постојат ефективни и евтини генерички лекови кои можат да ги третираат.

Сепак, само три проценти од оние со хроничен хепатитис Б добиле антивирусна терапија до крајот на 2022 година, се вели во извештајот.

Само 20 проценти или 12,5 милиони луѓе биле лекувани од хепатитис Ц.

„Овие резултати не ги исполнуваат глобалните цели до 2030 година за лекување на 80 отсто од сите пациенти кои живеат со хроничен хепатитис Б и Ц“, рече Доерти.

Шефот на СЗО, Тедрос Аданом Гебрејесус, нагласи дека податоците од извештајот се „загрижувачки“.

„Иако бројот на инфекции паѓа на глобално ниво, стапката на смртност се зголемува бидејќи премалку луѓе со хепатитис се дијагностицираат и лекуваат“, рече тој.

Африка е одговорна за 63 отсто од новите инфекции со хепатитис Б, но сепак помалку од 20 отсто од новородените бебиња се вакцинирани таму, се вели во извештајот.

СЗО, исто така, истакнува дека погодените земји немаат доволен пристап до генерички лекови за лекување и честопати плаќаат за нив повеќе отколку што треба.

Според извештајот, две третини од сите случаи на хепатитис се регистрирани во Бангладеш, Кина, Етиопија, Индија, Индонезија, Нигерија, Пакистан, Филипини, Русија и Виетнам.

„Универзалниот пристап кон превенција, дијагноза и третман во тие 10 земји до 2025 година е од суштинско значење за да се врати глобалниот одговор на хепатитисот на вистинскиот пат, со зголемени напори во африканскиот регион“, се вели во соопштението на СЗО.

Вирусниот хепатитис е вториот најголем убиец меѓу заразните болести, веднаш зад туберкулозата.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Сиљановска-Давкова на состанок на Северноатлантскиот совет на ниво на шефови на држави и влади во Турција

Денеска би сакала да кажам дека мотото „Посилна Европа – е посилно НАТО“, најсилната Европа е Европа што живее во мир и демократија базирана на принципи и вредности.

Ова утринава го порача претседателката Гордана Сиљановска-Давкова во кусата изјава за медиумите пред состанокот на Северноатлантскиот совет на ниво на шефови на држави и влади, што се одржува во претседателскиот комплекс „Бештепе“ во Анкара.

Министерот за одбрана Владо Мисајловски вчера во Анкара,учествуваше на повеќе активности и состаноци организирани во рамки на самитот на алијансата, меѓу кои и приемот за министри за одбрана, организиран од турскиот министер за национална одбрана, јашар ѓулер.

Тагови: Силјановска Давкова

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Шестмесечен отчет-ЈП Комунална хигиена-Скопје

Во текот на изминатите шест месеци се подигнати и транспортирани 82 296 тони комунален отпад.

Во периодот јануари-јули 2026 година, екипите на ЈП Комунална хигиена-Скопје подигнаа и транспортираа вкупно 82 296 тони мешан комунален отпад од домаќинствата и стопанските субјекти на територијата на градот Скопје.

Отстранети се и 14 535 кубни метри отпад од диви депонии лоцирани во сите скопски општини, а најголемо количество непрописно одложен отпад - 2385 кубни метри, е подигнато во општината Центар.

ЈП Комунална хигиена-Скопје продолжува со одржување на јавната хигиена на скопските булевари и улици преку машинско миење со употреба на автоцистерни, што се реализира во доцните вечерни часови. Секојдневно, во три смени, се спроведува миење и метење на плоштадите и пешачките мостови во централното градско подрачје, пешачките патеки и тротоарите на мостовите „Гоце Делчев", и „Слобода", како и Старата скопска чаршија.

Во текот на изминатите шест месеци, Еко-патролата при ЈП Комунална хигиена-Скопје изготви вкупно 274 записници за претставници на стопанските субјекти и физички лица коишто биле затекнати при неправилно одлагање на отпадот. Записниците за прекршителите на Законот за јавна чистота беа врачени во следните општини:

1. Општина Чаир – 148 записници

2. Општина Карпош – 21 записници

3. Општина Аеродром – 30 записници

4. Општина Центар – 18 записници

4. Општина Ѓорче Петров – 16 записници

5. Општина Гази Баба – 35 записници

6. Oпштина Кисела Вода – 5 записника

7. Oпштина Бутел – 1 записник

ЈП Комунална хигиена-Скопје реализираше и низа еко-предавања и работилници во скопските основни училишта и предучилишни установи. Преку овие активности, вкупно 747 најмлади жители на нашиот град се едуцираа како правилно и совесно да постапуваат со својот отпад и колкаво е значењето на неговата примарна селекција.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Рецепти

„Гответе со Дракче“ - Свинско месо во кромид

Во среда (01.07.2026) во емисијата гостин ни бeше Мишко Крстевски.

Состојки за денешниот рецепт:

400 гр. свинска кртина

150 гр. путер

2 големи главици кромид

3 лажици балсамико

сол и бибер

2 лажици сенф

За маринада:

2 - 3 лажици мед

2 лажици сенф

1 лимон

сол и бибер

се пече со фолија

малку магдонос за украсување

Погледнете како се подготвува овој рецепт:

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.