СЗО: Контактот кожа на кожа помага во преживувањето на предвреме родените бебиња - Канал 5

Здравје

СЗО: Контактот кожа на кожа помага во преживувањето на предвреме родените бебиња

На бебињата родени предвреме или со екстремно ниска родилна тежина треба да им се пружи таканаречената кенгурска нега или методот кожа на кожа со нивната мајка наместо да се стават во инкубатор веднаш по раѓањето,објави СЗО.

СЗО: Контактот кожа на кожа помага во преживувањето на предвреме родените бебиња

Новите упатства на СЗО за нега покажуваат значително отстапување од сегашните протоколи поврзани со предвремено родени бебиња, како и од претходните совети на оваа здравствена агенција на ОН. Насоките се исклучително важни во случај на раѓања кои се случуваат во делови од светот со слаб пристап до технологија и немаат сигурен пристап до електрична енергија, се вели во соопштението на СЗО.

„Овие упатства укажуваат дека најдобриот исход за недоносените доенчиња не може секогаш да зависи од најнапредните решенија“, рече генералниот директор на СЗО, Тедрос Аданом Гебрејезус.

Тие се однесуваат на сите новороденчиња родени пред 37-та недела од бременоста или доенчиња со тежина помала од 2,5 килограми, со исклучок на бебињата на кои им е потребна поддршка за дишење, механичка вентилација или се во состојба на шок.

Методот кожа на кожа, или таканаречената кенгурска нега, се состои од завиткување на предвремено родени или екстремно мали доенчиња во специјална марама што ја носи негувателката, обично мајката, наместо да се одвои од родителите веднаш по раѓањето заради грижа. Предвремено родените бебиња често немаат доволно телесни масти, што може да предизвика проблеми со регулација на температурата или дишењето.

Според претходните медицински препораки, бебињата биле сместувани во инкубатор веднаш по раѓањето со цел да се стабилизира нивната состојба, која, потсетува СЗО, обично траела меѓу три и седум дена. Но, најновото истражување покажува дека примената на кенгурска нега и охрабрувањето на доењето веднаш по раѓањето, наместо откако бебето ќе се стабилизира по напуштањето на инкубаторот, може да спаси до 150.000 животи годишно.

СЗО смета дека, со оглед на резултатите од истражувањето, треба да се преиспита начинот на грижа за предвремено родените бебиња и помагањето на членовите на семејството да бидат со новороденчето. Агенцијата на ОН потсетува дека методот кожа на кожа што е можно поскоро по породувањето е веќе златен стандард за здрави бебиња родени во термин.

Во светот секое десетто бебе или околу 15 милиони новороденчиња се раѓаат предвреме, а 20 милиони од нив имаат мала родилна тежина. Водечка причина за смрт кај децата на возраст под пет години се предвремено родени бебиња или предвремено родени бебиња со исклучително мала родилна тежина и неразвиени органи.

Контактот кожа на кожа помеѓу мајката и новороденчето, т.е. методот за кенгурска нега, првпат бил користен во Богота во 1983 година кај предвремено родените бебиња.

Неонатолозите Едгар Реј и Хектор Мартинез прибегнале кон овој метод бидејќи имале ограничени ресурси, проблеми со снабдувањето со електрична енергија и несигурна опрема. Бидејќи методот се покажал како многу ефикасен, почнал да се практикува во бројни медицински установи.

Лекарите откриле дека овој моќен контакт кожа на кожа не само што им овозможува на мајките порано да ја напуштат болницата, туку и ја намалува стапката на смртност кај новороденчињата од 70 на 30 отсто. Денес, овој пристап го препорачуваат и лекарите во поразвиените земји.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

ЈП Комунална хигиена спроведува активности за расчистување по вчерашното невреме

Во текот на вчерашната ноќ и утринава, ЈП Комунална хигиена-Скопје спроведува засилени активности за расчистување по обилните дождови што вчера го зафатија градот.

ЈП Комунална хигиена спроведува активности за расчистување по вчерашното невреме

Во координација со Градот Скопје, екипите на Претпријатието реализираат активности за расчистување на јавните и на сообраќајните површини, со цел да се овозможи проодност на движењето на пешаците и безбедно одвивање на сообраќајот.

Се реализираат рачно и машинско метење и миење, а екипите на Претпријатието се ангажирани и за повторно поставување на садовите за одлагање на отпадот што беа изместени во текот на невремето.

Активностите ќе продолжат во текот на целиот ден, во насока на целосно санирање на последиците од невремето.

Тагови: ЈП Комунална хигиена

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Избран најлошиот тим на Светското првенство

Познатиот американски медиум ESPN објави листа на најголемите разочарувања од неодамна завршеното Светско првенство, на која се најдоа неколку звучни имиња. 

Избран најлошиот тим на Светското првенство

Во тимот составен од 11-те играчи со најслаб учинок на турнирот влегуваат ѕвезди како Вирџил ван Дајк, Бруно Фернандеш, Флоријан Вирц, Нејмар и ветеранот меѓу стативите, Фернандо Муслера.

Уредничкиот тим на ESPN смета дека овие ѕвезди прикажаа игра далеку под очекувањата; нивните бледи настапи несомнено ги издвоија како главни разочарувања на турнирот.

На голот е 40-годишниот Фернандо Муслера, чии скапи грешки го чинеа Уругвај, додека одбраната ја предводи капитенот на Холандија, Вирџил ван Дајк, кој не успеа да ја зацврсти дефанзивната линија на својот тим.

Во одбранбената линија му се придружуваат Џошуа Кимих и англискиот тандем Марк Гехи и Нико О'Рајли; сите тие скапо платија за играњето на неприродни позиции и за тоа што потклекнаа под притисокот.

Средниот ред го сочинуваат играчи од кои се очекуваше да ги предводат своите репрезентации, но кои на крајот не успеаја да остварат никакво значајно влијание.

Бруно Фернандеш беше само бледа копија на играчот што го гледаме во клубот, Федерико Валверде не успеа да внесе никаква креативност во играта на Уругвај, додека Скот Мектомини одигра три крајно неубедливи натпревари.

Во нападот, најголеми разочарувања беа Нејмар – чиј настап на првенството се сведе на само 37 минути на теренот – Флоријан Вирц, кој само ги потврди критиките упатени кон него, и Кристијан Пулишиќ, кој по почетниот блесок, целосно исчезна во моментите кога се решаваа натпреварите.

Според ESPN, ова е најслабиот тим на Светското првенство: Голман: Муслера Одбрана: Кимих, Ван Дајк, Гехи, Нико О'Рајли Среден ред: Валверде, Мектомини, Б. Фернандеш Напад: Вирц, Пулишиќ, Нејмар.

Тагови: СП2026

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

САД синоќа го нападнаа Иран 11 ноќ по ред ,Техеран ги предупреди да не ги таргетираат нуклеарните постројки

САД синоќа го нападнаа И 11 ноќ по ред ,Техеран ги предупреди  да не ги таргетираат нуклеарните постројки.

САД синоќа го нападнаа Иран 11 ноќ по ред ,Техеран ги предупреди да не ги таргетираат нуклеарните постројки

Централната команда на САД соопшти дека бранот напади бил „дизајниран да продолжи да ја деградира способноста на Иран да го загрозува комерцијалниот бродски сообраќај“ во Ормутскиот теснец.

Иранските државни медиуми објавија дека во главниот град Техеран е активирана воздушна одбрана. Експлозии се пријавени и во Тебриз, Чабахар, Конарак и во Бушер, каде што се наоѓа единствената нуклеарна централа во Иран.

Иран, кој возврати на САД и нивните сојузници од Блискиот исток, предупреди на одмазда откако Трамп изјави дека САД наскоро ќе погодат подземна нуклеарна постројка во близина на Натанц.

Иран и САД се согласија за прекин на огнот во април, но непријателствата продолжија минатата недела, бидејќи двете земји се бореа за контрола на виталниот воден пат Ормутскиот теснец.

Американските сили ги таргетирале иранските воени оперативни центри, поморските капацитети, хангарите за авиони, складиштата за беспилотни летала и воената логистичка инфраструктура.

Тагови: Иран САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер