Свет

СЗО го почна состанокот на кој одлучува за вонредна состојба поради коронавирусот

Долги редици во маркетите и испразнети рафтови, е сликата во градот Вухан, кој од синоќа е во целосен карантин.

Во епицентарот на корона вирусот, со 11 милиони жители, се поголеми се стравувањата дека градот може да остане без храна. Суспендирани се сите летови од и кон градот, а потполно е укинат јавниот превоз. На граѓаните им е советува да не го напуштаат Вухан, во момент кога милиони Кинези патуваат дома пред Лунарната Нова година. Жителите велат дека чувството е како да дошол крајот на светот.

-Исплашена сум. Не одам на места каде има многу луѓе. Откажав доста мои активности. Претежно сум со семејството, изјави жителка на Вухан.

-Ова ме потсетува на случајот со САРС и не врати во 2003-тата., изјави жител на Вухан

-Да се затвори град со 11 милиони жители е ново за науката, што претходно не е направено како мерка за јавно здравје. Во моментов не можеме да кажеме дали тоа ќе фунцкционира, вели Гауден Галеа, претставник на СЗО во Кина.

Во меѓувреме, кинеските власти под клуч го ставија и Хуанганг, град со шест милиони жители. Бројот на жртви надмина 25, најголем дел се возрасни луѓе со хронични болести, како дијабетес и Паркинсова болест. Досега единствено се знае дека вирусот мутира, се шири и за него нема вакцина. Експерти на Светската здравствена организација втор ден заседаваат во Женева за да утврдат дали е неопходно прогласување вонредна состојба на меѓународно ниво.

-Примарно прашање е да го лимитираме пренесувањето од човек на човек и да се редуцираат секундарните инфекции, особено при близк контакт, посебно во болниците и да спречиме да добие меѓународни размери., Мајкл Рајан, директор на СЗО.

Ако се прогласи вонредна состојба, тоа ќе биде шести пат во последнава деценија. Корона вирусот минатиот месец почна да се шири од пазар за морска храна, а од денеска се погласни се информациите дека оригинален извор на заразата се змиите, односно кинеската кобра. Сепак, за да се потврди ваквата теорија науката ќе треба да докаже како е можно вирост да биде примен и кај топлокрвни и кај ладнокрвни суштества.

Македонија

Пуштен во употреба новиот парк на булеварот „Февруарски поход“ во Аеродром

Во пресрет на големиот христијански празник Велигден, со интонирање на македонската химна и подигнување на македонското знаме, денеска официјално беше пуштен во употреба новиот парк лоциран на булеварот „Февруарски поход“ во Општина Аеродром.

На денешниот настан присуствуваше градоначалникот на Општина Аеродром, кој заедно со претседателот на советот Дејан Митески, извидниците и дечињата од детската градинка „Буба Мара“, го означија крајот на изведбата на еден важен проект реализиран од страна на општинското јавно претпријатие за комунални дејности.

Работните активности опфатија целосно хортикултурно и партерно уредување, поставување на нова урбана опрема, како и јарбол со македонското знаме.

Македонија

Маричиќ: Сега е потребно да дадеме глас ЗА продолжување на преговорите со ЕУ

ЗА реформи, ЗА европски фондови, ЗА европска иднина на Македонија.

Секретарот за меѓународна соработка на СДСМ и кандидатот за пратеник Бојан Маричиќ во својата изјава за медиуми посочи дека СДСМ е најсериозната и единствената политичка опција во Македонија која може да обезбеди продолжување на преговорите со ЕУ.

Во продолжение проследете ја изјавата:

"Со отворање на поглавјата, со сплотеност и со дисциплина за реформите, влегуваме во финиш на промените кои ни носат европски стандарди и европски квалитет на живот. Преговорите ни носат задолжително реформирање на јавната администрација и подобрување на стручноста на државните службеници.

Стабилен и доверлив судски систем, заштита на човековите права и борба против корупција. Ова ќе го обезбедиме низ преговорите, со помош од ЕУ. Со отворање на поглавјата се отвораат и нови фондови на ЕУ за подобрување на нашиот живот. Фондови за економски мерки, за земјоделство, за инфраструктура, за животна средина, за култура, за образование, за млади и уште многу повеќе.

До крајот на 2025 година очекувам за македонското општество, за граѓаните и за државата, да искористиме околу 500 милиони евра од ИПА2 и уште 200 до 300 милиони евра од ИПА3, пари доделени од Европската Унија.

За македонските земјоделци имаме над 210 милиони евра годишен од ИПАРД 3 за следните четири години.

Сега зависи само од нас. Сега е потребно да дадеме глас ЗА продолжување на преговорите со ЕУ, ЗА реформи, ЗА европски фондови, ЗА европска иднина на Македонија." - изјави Маричиќ.

Македонија

Стоилковски: Дали предметот на ЈО е одговорот како Каевски стекна стан и 4 милиони во банка?

Дарко Каевски ниту еднаш не одговори во јавност,како со првото вработување, како партиски подмладок за директор на АМС, на 30 години набилда четири милиони во банка и сопствен стан?

СДС ниту еднаш не објасни како дојде до концептот голтари влезени во политиката, а потоа милионери.

Почитувани, одговорот можеби е во предметот на ЈО.

Предметот на ЈО за работата на Дарко Каевски како директор на АМС можеби е и поттикот тој толку ревносно да настапува против членови и раководството на ВМРО-ДПМНЕ, најгласен во нападите и ширењето дезинформациите, но можеби е и причина за неговиот рапиден раст во СДС, до пратеник и портпарол.

Отпочната е постапка за сомневања за противзаконско работење и злоупотреба, дека спортските федерации, клубовите и спортистите добивале ваучери, а одредена фирма ги реализирала под услов дел од парите потоа да ги добие назад преку даночно ослободување.

Почитувани, Македонија тоне во корупција и криминал, тоне во партизација, ликови како Дарко Каевски стануваат милионери, а неговите врсници се иселуваат од татковината.

Почитувани, со вашиот глас за ВМРО-ДПМНЕ на изборите, ќе гласате ваквите ликови како Зоран Заев, Ковачевски, Венко Филипче, и нивните наследници како Дарко Каевски, да им биде испитан имотот и да одговораат за евентуални злоупотреби.

Промените се во Твои раце, Македонија повторно твоја!

Наум Стоилковски, портпарол на ВМРО-ДПМНЕ

притисни ентер