Интересот за изборите е прилично голем. Акредитирани се над 800 новинари, од кои 300 од странство, како и 486 меѓународни набљудувачи, изјави претседателот на ЦИК, Игор Карпенко.

Од 21 јануари веќе почна предвременото гласање за еден од кандидатите – лидерот на Либерално-демократска партија Олег Гајдукевич, бизнисменката Ана Канопацка, првиот секретатр на Централниот комитет на Комунистичката партија Сергеј Сиранков, претседателот на Републиканската партија на трудот и правдата Александар Хижнјак и актуелниот претседател Александар Лукашенко.

Лукашенко кој е на власт 1994 година утре ќе обезбеди седми претседателски мандат, со оглед на тоа што неговите ривали се или во затвор или во егзил.

Лукашенко на претходните избори, одржани во август 2020 година, според официјалните резултати, освои 80 отсто од гласовите. Опозицијата неговата победа ја оцени како изборна измама и повеќе месеци се одржуваа протести, а власта одговори со апсење на над 65.000 луѓе, претепа илјадници лица и ја забрани работата на стотина независни медиуми и невладини организации, поради што западните земји воведоа санкции за Минск. Со цел да избегне нови немири, Лукашенко го помести денот на гласање, наместо изборите да се одржат во август, тие се одржуваат утре, надевајќи се дека студеното време ќе спречи нови масовни протести.

Активистите за човекови права тврдат дека во Белорусија има околу 1.300 политички затвореници, вклучувајќи го и добитникот на Нобеловата награда за мир, Алеш Бељацки, основач на групата Весна.

Седумдесетгодишниот Лукашенко, поранешен директор на државна фарма, првпат беше избран за претседател на Белорусија во 1994 година. За време на неговото тридецениско владеење, Лукашенко се потпираше на субвенции и политичка поддршка од Русија, на која во 2022 година и дозволи да ја искористи белоруската територија за да ја нападне Украина, а подоцна се согласи да добие дел од тактичкото нуклеарно оружје на Русија.

Лукашенко и рускиот претседател Владимир Путин во декември 2024 година потпишаа договор во декември 2024 година, со кој Белорусија доби безбедносни гаранции, вклучително и можната употреба на руско нуклеарно оружје. Лукашенко наведе дека Белорусија има десетици руско тактичко нуклеарно оружје, чие распоредување ја проширува способноста на Русија да напаѓа цели во Украина и во земјите-членки на НАТО во Европа.

Министерот за внатрешни работи, Панче Тошковски, на промоцијата порача дека годинава МВР станува побогато за 497 нови колеги, идни чувари на безбедноста на граѓаните, „синови и ќерки на Македонија“.

- Полициската професија не е само избор, туку е повик, завет кој секој еден од вас го прифаќа со цел да ги чува своите блиски, своите граѓани, својата татковина, безбедни и сигурни. Почитувани идни колеги, благосостојбата и напредокот на едно општество се темелат на почитување на законите, на правната држава, чија основа е успешното функционирање на безбедносниот систем. Тоа значи да создаваме, градиме и да унапредуваме една модерна, опремена, стручна и професионална, но секако и задоволна полиција, која своите задачи и обврски ќе ги извршува максимално законито, стручно, одговорно и транспарентно во име на граѓаните, во име на својот народ, изјави Тошковски.

Тошковски, исто така, порача дека се градат и ќе се градат нови полициски станици, како и дека се планира обновување на возниот парк на министерството, нови модерни и функционални униформи и материјално и техничко унапредување на сите организациони единици. Во унапредувањето на условите за работа, тој нагласи дека, ќе биде направено и преку редовно зголемување на примањата на сите вработени во МВР.

Помошник министерот на Центарот за обука на МВР, Влатко Митковски во своето обраќање пред 13-те тимови нови полициски службеници, им порача дека промоцијата е награда и показател на нивната работа, труд и вложување.

- Почитувани кандидати, да се биде полицаец не е само работа, тоа е професија која носи голема одговонрост. Нашите сограѓани секогаш ќе гледаат во вас, како за заради зачувување на индивидуалната, така и заради колективната безбедност. Носејќи ја полициската униформа станувате членови на едно големо полициско семејство. Тука сте не само за нашите сограѓани, туку и едни за други, порача Митковски.

На промоцијата беа доделени благодарници и пофалници за најдобрите полициски кандидати од генерацијата.

Во октомври 2024 година извозот на земјоделско-прехранбени производи од ЕУ достигна вредност од 21,7 милијарди евра, а увоз од 16,2 милијарди евра, што претставува рекордно ниво на трговска размена на блокот на овие продукти, покажуваат најновите податоци на Европската комисија.

Според овој извештај, лани во октомври извозот на земјоделско-прехранбени производи во ЕУ бил за 10 отсто повисок отколку во истиот месец во 2023 година, додека увозот на годишно ниво бележи раст од 19 проценти.

Во периодот јануари-октомври 2024 година извозот на овие стоки од ЕУ пораснал за шест отсто споредено со првите десет месеци од претходната година, а увозот за три проценти.

Главни пазари за пласман на европските земјоделски производи лани останаа Велика Британија и САД. Извозот на британскиот пазар во периодот јануари-октомври достигна 44,9 милијарди евра, а на американскиот 25,1 милијарди евра.

Во Кина, пак, во истиот период се пласирани европски стоки во вредност од 937 милиони евра, што претставува намалување за осум отсто на годишно ниво, како резултат на падот на извозот на житни култура, свинско месо и млечни производи.

Од друга страна, ЕУ најмногу увезувала земјоделска храна од Бразил во вредност од 14,4 милијарди евра, што претставува пад за три проценти како резултат на пониските цени на маслодајните семиња и намалениот обем на набавка на житни култура.

Најголем раст на увозот на стоки во ЕУ има од Брегот на Слоновата Коска и тоа за 60 проценти, односно за две милијарди евра, како резултат на растот на цените на какаото, додека најголем пад бележи увозот од Австралија и Русија.