Здравје

СЗО: Депресијата и анксиозноста ја чинат глобалната економија трилион долари годишно

Секоја стота смрт во светот е предизвикана од самоубиство, предупреди денеска Светската здравствена организација (СЗО) и изрази жалење за недостатокот на напредок во борбата против една од главните причини за смрт кај младите.

„Само во 2021 година во самоубиства животот го загубија околу 727.000 лица“, изјави на прес конференција, Девора Кестел, раководителка на одделот за ментално здравје на СЗО.

Најновиот извештај на СЗО истакнува дека самоубиството е една од главните причини за смрт кај младите луѓе во сите земји и во сите социо-економски контексти.

И покрај глобалните напори, постигнат е многу мал напредок во постигнувањето на Целта за одржлив развој на Обединетите нации усвоена во 2015 година за намалување на стапката на самоубиства за една третина до 2030 година.

„Доколку сегашниот тренд продолжи, намалувањето на стапката на самоубиства за пет години ќе биде само 12 проценти“, рече Кестел.

Глобално, стапката на самоубиства се намали за 35 проценти помеѓу 2000 и 2021 година, останувајќи стабилна за време на пандемијата на коронавирусот и покрај зголемувањето на факторите на ризик, се наведува во извештајот. Овој пад е забележан во секој регион освен во Северна и Јужна Америка, каде што стапката на самоубиства се зголеми за 17 проценти во истиот период.

Речиси три четвртини (73 проценти) од самоубиствата се случуваат во земјите со ниски и средни приходи, каде што живее поголемиот дел од светската популација.

„Самоубиството е драматична последица од одредени проблеми со менталното здравје“, наведува СЗО и истакнува дека повеќе од милијарда луѓе страдаат од вакви нарушувања, најчесто од анксиозност и депресија, а тој број расте побрзо од светската популација.

СЗО е особено загрижена за проблемите со менталното здравје кај младите луѓе, кои особено страдаа за време на епидемијата на коронавирусот и се многу изложени на социјалните медиуми. „Прилагодувањата на клиниките за ментално здравје е еден од најитните предизвици за јавно здравје“, рече генералниот директор на СЗО, Тедрос Аданом Гебрејесус.

Самоубиството е четврта водечка причина за смрт кај младите луѓе на возраст меѓу 15 и 29 години, по сообраќајните несреќи, туберкулозата и насилството, покажуваат податоците на СЗО.

Психичките нарушувања имаат и сериозни економски последици: високи трошоци за здравствена заштита, но уште повисоки индиректни трошоци, особено во однос на изгубената продуктивност, а СЗО истакнува дека само депресијата и анксиозноста ја чинат глобалната економија трилион долари годишно.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Златан потрошил девет милиони евра на црква: ѝ ја подарил на својата мајка

Еден од најдобрите светски фудбалери во последните две децении, Швеѓанецот со потекло од Балканот, Златан Ибрахимовиќ во текот на својата кариера, стекна огромно богатство и се здоби со статус на една од најголемите фудбалски ѕвезди.

Еден од најдобрите светски фудбалери во последните две децении, Швеѓанецот со потекло од Балканот, Златан Ибрахимовиќ во текот на својата кариера, стекна огромно богатство и се здоби со статус на една од најголемите фудбалски ѕвезди, сепак, како што често се истакнува, тој никогаш не го заборави своето тешко детство, ниту семејството кое се соочи со бројни животни предизвици.

Неговата мајка, Јурка Гравиќ, зазема посебно место во неговиот живот. Според медиумските извештаи, Златан ѝ подарил нешто навистина извонредно на својата мајка – ѝ купил црква во Шведска, чија вредност изнесува 9,24 милиони евра.

Покрај црквата, тој ѝ купил стан на мајка си во Новаља, а обезбедил и луксузен имот за својата сестра, Санела.

Овие гестови често се наведуваат како доказ за неговата посветеност кон семејството, кое – и покрај неговата светска слава и успех – останало негов најголем приоритет.

Зад животот што го води Златан денес, стои тешка семејна историја. Неговата мајка, Јурка – која потекнува од селото Пркос во околината на Задар во Хрватска – заминала за Германија на само 17-годишна возраст, во потрага по подобар живот. Како што своевремено раскажа нејзиниот брат, Гојко Гравиќ, таа токму таму ги добила ќерките Моника и Виолета, со својот прв сопруг.

Откако тој брак завршил, таа се омажила за таткото на Златан, Шефик Ибрахимовиќ – познат како „Кинко“ – фолк-пејач од Бијелина. Тие добиле две деца, Златан и Санела, но семејството подоцна се соочило со бројни тешкотии.

По вториот развод, Јурка живеела со своите деца во Малме, каде што животот бил сè, само не лесен. Златан во неколку наврати зборувал за своето растење во сиромаштија, истакнувајќи дека токму тие искуства го научиле да го цени она што го има денес. „Растев во сиромаштија, но тоа ме научи да го ценам она што го имам денес. Семејството за мене отсекогаш било на прво место“, изјавил фудбалерот.

Денес, Ибрахимовиќ поседува бројни недвижнини, вклучително и вила во Калифорнија – проценета на околу 1,5 милиони евра – која располага со тениски терен и базен. Во приватниот живот, тој ужива во времето поминато со својата сопруга Хелена, која е 11 години постара од него. Исто така, не е многу познато дека неговиот татко, Шефик Ибрахимовиќ, бил фолк-пејач кој настапувал низ цела поранешна Југославија. Тој дури му посветил и песна на својот син, насловена „Злато, Златане“.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Повторна расправа за Законот за јавни набавки во Собранието

Во Собранието денеска исто така ќе се расправа и за законот за јавните набавки откако претседателката Гордана Сиљановска-Давкова претходно не го потпиша указот за негово прогласување.

Со тоа што пратениците на 10 ноември го усвоија амандманот со кој се смени начинот на именување на претседателот и членовите на Државната комисија за јавни набавки, претседателката оцени дека ваквата измена отвора простор за неограничен број мандати и отвора прашања за владеењето на правото и концентрацијата на моќта во одлучувањето за јавните средства.

Со спорниот член се предвидуваше можност за повторно именување без јасно ограничување на бројот на мандати.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Од недела задолжителна зимска опрема за сите возила

Од недела, 15 ноември, стапува на сила обврската за задолжително поседување зимска опрема во возилата, вклучително и зимски гуми, која ќе важи до 15 март 2027 година.

Обврската важи за сите моторни возила што учествуваат во јавниот сообраќај, без разлика на временските услови и дали на коловозите има снег или мраз.

Возачите кои нема да ги исполнуваат пропишаните услови ризикуваат да добијат казна од 45 евра а целта на мерката е поголема безбедност во сообраќајот во текот на зимските месеци.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.