Здравје

СЗД: Во сите аптеки да има избор на квалитетни апарати и ленти за мерење шеќер

„Во сите аптеки да има избор на квалитетни апарати и ленти за мерење шеќер за кои ФЗО ќе ја покрива референтната цена“

Да се разгледаат позитивните примери на соседните држави и да се овозможи пациентите со дијабетес во државава да имаат избор на квалитетни апарати и ленти за мерење шеќер во сите аптеки, за кои Фондот за здравствено осигурување ќе ја покрива референтната цена на ленти/глукомер, а ќе бидат достапни и најевтините кои се вклопуваат во референтната цена, бараат од Сојузот на здруженија на дијабетичари.

Во барањето што го упатуваат до Министерството за здравство и Фондот за здравствено осигурување, тие посочуваат дека изминатите неколку години aпаратите за мерење шеќер кои се обезбедени од државата без надомест за лицата на инсулинска терапија имаат сериозни недостатоци за кои досега многу пати реагирале во јавноста и писмено до Министерството.

– Особено сакаме да ја истакнеме прецизноста на мерењето шеќер во крвта која е на најниско можно ниво. Со овој проблем се соочуваме над 10 години. И покрај тоа што не убедуваат дека се добри сосема е спротивно, добиваме погрешени резултати на апаратите. Ваквите грешни резултати не наведуваат да дозираме погрешна доза на инсулин, а погрешното дозирање на долг рок резултира со зголемен број на дијабетес пациенти кај кои се појавуваат како акутни, така и хронични компликации, како што се кардиопатии, невропатии, нефропатии, ретинопатија и слепило, односно покрај првичната хронична состојба се развиваат и болести. Во најлош случај, поради погрешното дозирање на инсулин, а поради неточно измерена гликемија, може да настапи и тешка хипогликемична кома со смрт, потенцираат од Сојузот на здруженија на дијабетичари.

Нагласуваат дека како пациентски организации се нудат на располагање со сите свои ресурси (и логистички и човечки), во заедничко решавање и надминување на овој долгогодишен проблем на лицата со дијабетес.

– Бараме за да не бидеме повторно приморани на секои две години да се навикнуваме на нови глукометри со сомнителен квалитет од една страна, како и нивен постојан недостиг во инсулинските аптеки, поради што над 30.000 пациенти сме изложени на дополнителни трошоци (купуваме дополнителни глукометри и тест ленти), за да бидеме покриени во периодот кога тие се дефицитарни во здравствениот систем. Во Србија, Хрватска, Словенија им се остава можност на пациентите сами да го одберат глукометарот и лентите кои ќе ги користат при справување со својата состојба (болест), истите можат да ги набават од која било аптека, а здравствениот систем преку Фондот за здравство покрива одреден износ од вредноста на избраниот глукометар/тест ленти (износот се утврдува преку соодветна методологија), истакнуваат од Сојузот на здруженија на дијабетичари.

Со ваквиот пристап, посочуваат тие, се зголемува сигурноста во поглед на точноста на резултатите, постојано се достапни за пациентите и се минимизира евентуалниот трошок на пациентите за набавка на дополнителни ленти и глукометри потребни поради дефицит на количините обезбедени од државата.

– Глукометрите и лентите за нас како лица со дијабетес се најбитните средства за самоконтрола во справувањето со оваа состојба (болест), од која боледува 13 отсто од населението (над 125.000 лица боледуваат од дијабетес, од кои 45.000 се на инсулинска терапија, а меѓу нив 600 се деца), додаваат од Сојузот на здруженија на дијабетичари во барањето упатено до Министерството за здравство и Фондот за здравствено осигурување. /МИА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Економија

Голем економски удел на странските компании, подобри плати за работниците и сооднос со домашните компании

3.200 фирми или само 4,7% од претпријатијата во земјава се под странска контрола, но во нив работи речиси секој четврти вработен, а создаваат дури 37% од вкупната бруто додадена вредност – покажуваат податоците на Државниот завод за статистика.

Посовремената технологија, автоматизацијата и поголемата продуктивност се само дел од причините кои според претседателот на Организацијата на работодавачи Ангел Димитров им даваат поголема економска тежина на странските компании. Дополнителна вредност според Димитров компаниите добиле и со поволностите кои добиле при влезот на пазарот во земјава, меѓу кои и десетгодишното ослободување од данок на добивка. Со ова смета дека се оставило простор за повисоки плати и подобри услови за работа, што привлекува поквалитетна и продуктивна работна сила.

-Тоа не се мали привилегии, бидејќи на една плата од 30.000 денари, вие треба да платите даноци и придонеси од 15.000 денари. Тоа ви дава доволно можност да платата ја зголеми за 5 или 10.000 повеќе отколку би работеле во нормална македонска компанија. Но и во периодот кога завршија тие 10 години, тие компании веќе се дотолку финансиски стабилни и имаат доволно можности да исплаќаат повисоки плати. Од друга страна имаат разни сектори за човечки ресурси каде што работат на мотивација на работниците, на условите за работа и така натаму,- Ангел Димитров – организација на работодавачи.

Сепак, Димитров вели дека статистиката не ја толкува како доказ дека домашните компании се помалку продуктивни. Објаснува дека разликата е структурата во домашната економија, составена од голем број на микро и мали претпријатија, што значи помал број на вработени и помал економски капацитет.

- Нашиве поголеми компании кои се во слични дејности не заостануваат за продуктивноста од странски компании во ТИРЗ зоните, но за жал ние имаме многу мали микрокомпании кои се на број многу, а учествуваат со многу мал процент во бројот на вработените и во многу мал процент да речеме во бруто домашниот производ, бидејќи најголем процент од тие компании се трговски компании кои увезуваат некоја роба или се работи за мали услужни компании, така да не можат да се споредат ниту можностите ниту резултатите што ги прават тие наши микро и мали компании,- Ангел Димитров – организација на работодавачи.

Според податоците на ДЗС најголемиот дел од бруто-додадената вредност странските компании ја создаваат во преработувачката индустрија, односно 35,3%, потоа во секторот комуникации со 16.7% и тргоцијата со 11,5%. Најголем број од фирмите се од Турција, околу 18 проценти, но најголема додадена вредност создават фирмите од Австрија.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Платформата „Разговори за иднината во 12:05“ испрати опомена пред тужба до СДСМ

Платформата „Разговори за иднината во 12:05“ ги сподели официјалниот демант и опомената пред тужба која е доставена во архивата на СДСМ.

„Во интерес на објективно информирање на јавноста, а во врска со вчерашниот обид на Венко Филипче (“Само интервју” на Канал 5 телевизија) преку јавен политички линч насочен кон Никола Ќуркчиев лажно да ја дискредитира платформата “Разговори за иднината во 12:05”, ги споделуваме официјалниот демант и опомената пред тужба која е доставена во архивата на СДСМ.“- стои во објавата на платформата „Разговори за иднината во 12:05“.

Тагови: Демант тужба

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Игра во Волково заврши со претепување: Момче со скршен нос заврши во болница

Детска игра во училишен двор за само неколку минути прераснала во малолетничко насилство. По кратка расправија за банална причина, во дворот на основното училиште „Тихомир Милошевски“ во скопско Волково,

физички е нападнато 14 годишно момче. Инцидентот настанал откако едно дете повикало други малолетници, кои го опколиле и со тупаници во пределот на главата ГО нападнале 14-ет годишникот.... Од ударите му бил скршен носот, а се здобил и со други повреди во пределот на главата.

Од МВР кратко информираат дека се преземаат мерки за целосно расчистување на случајот. Засега не соопштуваат дали и каква одговорност ќе биде утврдена за инволвираните малолетници и нивните родители. Според информации до кои дојде Канал 5, повредениот малолетник е ученик во деветто одделение во училиштето а инцидентот се случил надвор од времето за настава.

Како што дознава Канал 5, 14-годишното момче вчера околу 22 часот било примено во Ургентниот центар на Градската општа болница „8 Септември“ со фрактура на носната коска и подливи под очите. По првичниот преглед било упатено на дополнителни снимања на главата поради повредите. Од болницата денеска не беа достапни за изјава за случајот, но според наши извори, детето било задржано до околу еден часот по полноќ, по што било пуштено на домашно лекување.

Зад овие училишни огради, каде децата треба да се чувствуваат најбезбедно, 14-годишно момче било физички нападнато од група врсници и завршило во болница. Училишниот двор, наместо место за детска игра, дружење и радост, во овој случај стана сцена на уште еден загрижувачки пример на малолетничко насилство.

И ова не е изолиран случај. За краток период ова е втор сериозен инцидент во кој се вклучени малолетници. Неодамна, во тепачка во скопски Чаир, 13-годишно дете заврши во критична состојба откако беше прободено со нож во пределот на срцето. Во инцидентот беа повредени уште две лица, а полицијата приведе двајца учесници.

Бројките дополнително предупредуваат дека врсничкото насилство останува сериозен проблем. СПОРЕД Последните податоци за 2024 година о училиштата биле регистрирани 109 настани на насилно однесување, седум повеќе од претходната година. Најголем дел од случаиТЕ биле регистрирани во основното образование.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.