Светските музеи нудат виртуелни тури за сите во самоизолација - Канал 5

Култура

Светските музеи нудат виртуелни тури за сите во самоизолација

За време на самоизолација или домашен карантин, покрај тоа што проблем може да бидат залихите на продукти за две недели, може да се јави и здодевност.

Светските музеи нудат виртуелни тури за сите во самоизолација

Гледањето серии и филмови и пребарувањето на интернет по некое време може да стане здодевно, па ако сте љубител на уметноста, можете да посетите некои од светските музеи кои имаат виртуелни турнеи за време на пандемијата на коронавирус.

Гугл направи список од 500 музеи на едно место што можете да ги посетите нпреку Интернет, а ова се само неколку.

1. Британски музеј, Лондон

Овој музеј во срцето на Лондон им овозможува на виртуелните посетители турнеја каде можат да ја видат Камената Розета и египетската мумија. Покрај тоа, достапни се стотици други артефакти.

2. Музејот Гугенхајм во Њујорк

Уличниот приказ на Гугл им дозволува на посетителите да влезат во музејот Гугенхајм и да ги шетаат познатите спирални скали. Таму можете да видите многу важни дела на импресионистите, пост-импресионистите, дела од модерното време и дела кои припаѓаат на современата уметност.

3. Национална галерија за уметност, Вашингтон

Овој познат американски музеј содржи две мрежни изложби што можете да ги видите преку Google. Првата е изложба на американска мода од 1740 до 1895 година, каде може да се видат парчиња облека од времето на колонизацијата, а втората е збирка дела на холандскиот барокен сликар Јоханес Вермеер.

4. Musée d'Orsay, Париз

Виртуелно можете да прошетате низ популарната галерија, дом на десетици познати уметнички дела од француски уметници кои живееле и твореле помеѓу 1848 и 1914 година, како Моне, Сезан и Гаген.

5. Национален музеј за современа уметност, Сеул

Еден од најпопуларните музеи во Јужна Кореја обезбедува пристап до интернет-корисниците ширум светот. Виртуелната турнеја на Google ве носи низ шест ката на современата уметност од Јужна Кореја и од целиот свет.

6. Музејот Пергамон во Берлин

Како еден од најголемите музеи во Германија, Пергамон има многу нешта да понуди. Во него се сместени голем број антички артефакти, вклучувајќи ги Истарските врати и Пергамскиот олтар.

7. Риксмузеум, Амстердам

Во овој музеј можете да видите уметнички дела од златниот период на Холандија, вклучувајќи дела од Вермеер и Рембрант. Google нуди турнеја низ овој музеј на Street View, така што за момент ќе се чувствувате како да сте навистина во него.

8. Музејот Ван Гог, Амстердам

Секој што го сака уникатниот стил на овој холандски уметник може да ги види неговите дела ако виртуелно го посети овој музеј. Содржи над 200 негови слики, 500 цртежи и над 750 писма.

9. Музејот Пол Гети, Лос Анџелес

Дури и 12-века старата европска уметност може да се види во овој уметнички музеј во Калифорнија. Можете да ја посетите виртуелно благодарение на Street View на Google, и ќе најдете голема колекција на слики, цртежи, скулптури, ракописи и фотографии .

10. Галерија Уфици, Фиренца

Една од најпознатите уметнички галерии во кои има уметнички колекции е Уфизи сместени во Фиренца и дизајнирана од Џорџо Васари во 1560 година за Козимо И. де Медичи, а со неговите убавини можете да се восхитувате на интернет.

11. МАСП, Сао Паоло

Museu de Arte de São Paulo е непрофитен музеј и првиот бразилски модерен музеј. Изгледа како да лебди во воздух заради неговата посебна архитектура, а она што го чува може да го видите во виртуелната турнеја.

12. Национален музеј за антропологија, Мексико Сити

Изграден во 1964 година, овој музеј е посветен на археологијата и историјата на пред-колумбиската ера на Мексико. Во него се сместени 23 изложби полни со древни артефакти, вклучително и некои кои припаѓаат на цивилизацијата на Маите.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Живот

Се ожени најпознатиот Јутјубер- веднаш почнаа коментари кога ќе се разведе (ФОТО)

Најпознатиот јутјубер во светот, Мистер Бист, се ожени со инфлуенсерката Теа Бујсен. 

Се ожени најпознатиот Јутјубер- веднаш почнаа коментари кога ќе се разведе (ФОТО)

Џими Доналдсон, како што е неговото вистинско име, вчера сподели фотографии на социјалните мрежи од приватна венчавка што се одржа на островот на Ричард Бренсон.

На интимната церемонија на островот Некер беа присутни 70 членови на семејството и пријатели, а прославата траеше цела недела, од 14 јули, со разни дневни активности. И двајцата имаат 28 години.

„Тој развод многу ќе боли“

Мислењата се поделени на социјалните мрежи. Некои изразија загриженост за финансиската иднина на јутјуберот, чие богатство се проценува на 2,6 милијарди долари. „Се надевам дека нема да се разведат и да побараат половина од имотот“, напиша еден корисник на платформата X.

Друг коментираше: „Мистер Бист направи огромна финансиска грешка“. Во коментарите пишуваше и: „Честитки до неа. Еден ден многу лесно би можела да си замине со половина од вашите работи“ и „Тој развод многу ќе боли кога следбениците ќе бидат поделени на половина“.

Сепак, многумина му посакаа среќа на парот. „Од промена на милиони животи до пронаоѓање на личноста на својот живот. Градењето империја е одлично, но пронаоѓањето на својот дом е вистинската победа. Многу сум среќен за тебе и Теа!“, напиша еден следбеник. Друг додаде: „Честитки брате, се надевам дека си среќен. Кога можеме да го очекуваме малиот Ѕвер?“

Тие се запознаа во Јужна Африка

Двојката се запозна во 2022 година додека Мистер Бист престојуваше во Јужна Африка, од каде што е Теа. Заеднички пријател ги покани на вечера. „Кога го запознав, бев изненадена колку беше приземен и интелигентен“, рече Теа.

Таа додаде дека очекувала Јутјуберите да бидат само ликови што ги играат. „Тој беше изненадувачки фин човек. Воопшто не се однесуваше арогантно“, рече таа.

Мистер Бист потврди дека „веднаш се зближиле“ и се поврзале преку заедничка страст за учење. Откако се вратил во САД, ѝ испратил порака на X, а еден месец подоцна започнале врска на далечина и се договориле да се сретнат.

Тагови: јутјубер

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Балкан

И покрај заканите од Иран, Бугарија им дозволи на САД да ги користат базите за напади на Блискиот Исток

Бугарскиот парламент го одобри користењето на воздухопловната база Безмер од страна на американската војска за поддршка на американските операции на Блискиот Исток.

И покрај заканите од Иран, Бугарија им дозволи на САД да ги користат базите за напади на Блискиот Исток

Бугарскиот парламент го одобри користењето на воздухопловната база Безмер од страна на американската војска за поддршка на американските операции на Блискиот Исток, додека некои пратеници стравуваат дека Бугарија би можела да биде вовлечена во војна со Иран.

Претставниците го поддржаа предлогот на владата со 136 гласови „за“, 13 „против“ и два воздржани. Одлуката овозможува распоредување до осум американски авиони за полнење гориво KC-135, до 250 лица и помошна опрема во воздухопловната база Безмер од 24 јули до 1 октомври. Не се потребни дополнителни одобренија.

Базата е оддалечена околу 260 километри од Софија

Базата Безмер се наоѓа околу 260 километри југоисточно од Софија. Според договорот за одбрана меѓу САД и Бугарија од 2006 година, тоа е објект што го користат двете земји. Секој пат кога САД сакаат да ја користат базата за нова намена, потребно е одобрение од бугарскиот парламент.

Новото распоредување на американските сили следеше по барање од амбасадата на САД во Софија. Досега нема официјален коментар од САД.

Премиер: Воени операции нема да се спроведуваат од Бугарија

Пред гласањето, бугарскиот премиер Румен Радев изјави дека е „категорично исклучено“ воените операции на Блискиот Исток да се спроведуваат од бугарска територија.

Радев на состанокот на кабинетот изјави дека распоредувањето на американски танкери во Безмер е наменето исклучиво за логистички мисии на полнење гориво од воздух надвор од бугарскиот воздушен простор.

Министерот за одбрана Димитар Стојанов им рече на пратениците дека се преземени сите потребни мерки, на национално и сојузничко ниво, за Бугарија да не биде вовлечена во конфликтот.

„Побаравме и добивме гаранции од нашиот стратешки партнер со цел да се намали ризикот за нашата национална безбедност“, рече Стојанов.

Некои земји од ЕУ не сакаат да им помогнат на американските операции

Одлуката доаѓа во време кога администрацијата на американскиот претседател Доналд Трамп се соочува со отпор од некои европски сојузници за користење на воздухопловни бази за поддршка на војната на САД со Иран.

Американските авиони KC-135 се користат за полнење гориво во воздух, што овозможува подолги операции на борбени и други воени авиони. Бугарските власти тврдат дека нивната улога ќе биде ограничена на логистичка поддршка и дека нема да се вршат напади на Блискиот Исток од бугарска територија.

Тагови: Бугарија САД

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Македонија

Министерот Серафимовски ги посети земјоделците погодени од невремето во струмичкиот регион

Партнерството со земјоделците подразбира институциите да бидат присутни на терен и да дејствуваат координирано кога нивниот труд и производството се загрозени.

Министерот Серафимовски ги посети земјоделците погодени од невремето во струмичкиот регион

Партнерството со земјоделците подразбира институциите да бидат присутни на терен и да дејствуваат координирано кога нивниот труд и производството се загрозени, порача министерот за земјоделство, шумарство и водостопанство, Борче Серафимовски, при денешната посета на селата Дабиље и Пиперово во струмичкиот регион, каде што невремето предизвика штети врз градинарските култури.

Министерот Серафимовски, заедно со градоначалникот на Општина Струмица, Петар Јанков, ги обиколи погодените земјоделски површини во Дабиље, а со градоначалникот на Општина Василево, Славе Андонов, и површините во Пиперово. Земјоделците ги запознаа министерот и градоначалниците со штетите врз градинарските култури и пластениците, како и со последиците врз тековното производство и очекуваните приноси.

„Зад секоја оштетена градинарска култура стојат многу работа, знаење и вложување. Затоа внимателно ги слушаме земјоделците и врз основа на точни информации да добиеме целосна и реална слика за обемот на последиците што невремето ги остави врз производството“, истакна министерот Серафимовски.

Во разговорите со градоначалниците Јанков и Андонов беа договорени натамошните координирани активности со локалните самоуправи во двете општини, неопходни за спроведување на постапките за евидентирање, процена и надоместување на штетите.

„Нашата обврска е земјоделците да не останат сами кога временска непогода го загрозува нивниот труд и производството. Институциите мора да бидат присутни, достапни и одговорни. Треба да бидеме вистински партнери со земјоделците во текот на целиот процес“, порача министерот Серафимовски.

Во услови на сè почести климатски ризици, министерот Серафимовски ги повика земјоделците редовно да ги следат известувањата и предупредувањата на Управата за хидрометеоролошки работи, како и специјализираната веб-платформа „Агрометео“, на која се достапни временски и агрометеоролошки прогнози и податоци значајни за планирањето на активностите и навременото преземање превентивни мерки, соопшти МЗШВ.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер