Светски ден за борба против ХИВ/СИДА: Здруженијата бараат повеќе средства за терапија

На Светскиот ден за борба против СИДАТА, Македонија заостанува на глобално ниво поради недоволното инвестирање за превенција на ова инфекција, реагираат од здруженијата за поддршка на граѓаните кои живеат со ХИВ.

Оттаму се разочарани поради како што велат, малиот буџет предвиден за помош на пациентите, и тоа ќе биде сериозен удар, особено за оние од помалите места.

Од здруженијата упатија апел до Владата – повторно да го разгледаат ова прашање и да се обезбедат неопходните 130 милиони денари за 2025 година.

А бројките на заразени со ХИВ растат. За оваа година досега е потврден нов 51 случај.

Од инситутот за јавно здравје велат дека дел од нив и не знаат дека имаат вирус. Поради тоа потребна е редовна едукација за начинот на пренесување, тестирање и оние кои имаат вирус на ХИВ да примаат соодеветна терапија со која се намалува пренесувањето на вирусот.

Во Македонија откако е регистриран првиот случај со ХИВ ОД 1987 година до денеска регистирани се 687 случаи, а 131 лице починало од СИДА

Според СЗО околу 39,9 милиони луѓе живеат со ХИВ на глобално ниво, а приближно 630.000 луѓе починале со ХИВ во 2023 година.

Конан О'Брајан домаќин на 97. доделување „Оскари“

Конан О'Брајан ќе биде водител на 97-то доделување на „Оскарите“, коешто ќе се одржи на 2 март оваа година. 

Оваа информација ја потврдија извршниот директор и претседателката на Академијата за филмски уметности и наука во САД, Бил Крамер и Џенет Јанг, пренесува „Н-1“.

„Конан е совршената личност за оваа улога, благодарение на неговиот брилијантен хумор, љубовта кон филмот и искуството во водењето ТВ-програми... Неговата способност да се поврзе со публиката ќе ни помогне да создадеме незаборавна прослава на филмската индустрија и да им оддадеме чест на извонредните филмови и творци од оваа година“, се вели во соопштението.

На оваа вест реагираше и самиот О'Брајан.

- Америка тоа го бараше и сега тоа се случува. А, во другите вести: Јас сум домаќин на „Оскарите“!, изјави комичарот во свој стил.

Во јули претходната година беше објавено дека Џими Кимел, кој претходно четирипати ја водеше свечената емисија, одлучил да не биде домаќин на овогодишната свеченост.

Конан О'Брајан, роден 1963 година, е американски ТВ-водител, комичар, сценарист и продуцент, можеби најпознат како водител на својата емисија „Конан“ којашто се прикажуваше од 2010. до 2021 година. Пред да стане водител, О'Брајан работел како сценарист на популарната емисија „Сабота навечер во живо“ (Saturday Night Live), како и на цртаната серија „Симпсонови“ - од 1991 до 1993 година.

О'Брајан стана водител на „Доцна навечер“ (Late Night) во 1993 година, откако Дејвид Летерман се пензионираше. Потоа го водеше ноќното шоу цели 22 години. Познатиот водител е оженет со Елизабет Пауел со која има две деца - син и ќерка.

Патот од Пантелејмон до Средно Водно поради голомразица небезбеден за моторни возила

Центарот за управување со кризи информира дека патот меѓу Пантелејмон во Горно Нерези и Средно Водно не е безбеден за движење со моторни возила и апелираат да не се користи поради голомразица. 

На овој потег, како што велат од ЦУК, вчера биле заглавени повеќе возила и денеска треба да биде испратена машина за интервенира.

- По пренесувањето на пријавите од ЦУК до надлежните, е добиено известување од ЈП Македонијапат дека овој пат е од 4-та категорија на приоритет и дека вчера немале слободни машини за интервенција, бидејќи истите биле на расчистување на патот Кичево-Охрид и на Попова Шапка и дека денеска околу 10 часот ќе испратат машина и да се интервенира, се вели во информацијата од ЦУК.

ЕП ќе расправа на прва пленарна седница за 2025 година

Првата пленарна сесија на Европскиот парламент оваа година започнува денеска и ќе трае до четврток  во Стразбур.

Првата пленарна сесија на Европскиот парламент оваа година започнува денеска и ќе трае до четврток во Стразбур, при што европратениците ќе разговараат за програмата на шестмесечното полско претседавање со Советот на ЕУ и ќе коментираат голем број прашања од надворешната политика вклучувајќи го и влијанието што се очекува да го има вториот мандат на новоизбраниот американски претседател Доналд Трамп врз трансатлантските односи.

На пленарната седница денеска ќе се оценуваат последните случувања во Појасот Газа, прекинот на огнот, ослободувањето на заложниците кои ги држеше палестинската исламистичка група Хамас, како и итните мерки за ставање крај на хуманитарната криза.

Во вторник, ден по преземањето на функцијата новоизбраниот американски претседател Доналд Трамп, членовите на Европскиот парламент ќе разговараат за можните последици од неговиот втор мандат врз трансатлантските односи. На дебатите ќе учествуваат претставници на полското претседателство со Советот на ЕУ, како и на Европската комисија.

Се очекува консултациите да бидат фокусирани на поддршката за Украина, односите со Русија, Кина, Блискиот Исток, климатските промени и трговијата. Европратениците, исто така, веројатно ќе покренат безбедносни прашања во контекст на постојаните барања на Трамп Европа да троши повеќе за одбраната.

Утре ќе има и пленарна седница на која европратениците ќе ги оценат неодамнешните медиумски извештаи во кои се тврди дека унгарското разузнавање шпионирало европски претставници кои истражувале измами во земјата.

В среда, европратениците ќе се сретнат со полскиот премиер Доналд Туск за да разговараат за програмата на шестмесечното полско претседавање со Советот на ЕУ, кое започна на 1 јануари. Во дискусиите ќе учествува и претседателката на ЕК Урсула фон дер Лајен.

Полската влада соопшти дека го презема ротирачкото претседателство „во време на неизвесност и загриженост“ предизвикани од последиците од речиси тригодишната руска војна против Украина, зголемените геополитички тензии, миграцискиот притисок и падот на европската конкурентност. Мотото на полското претседателство е - „Безбедност, Европа!“

В среда, европратениците ќе ги проценат и резултатите од самитот на ЕУ на 19 декември со претседателот на Европскиот совет Антонио Коста и претседателката на Европската комисија Урсула фон дер Лајен.

В четврток, европратениците и претставниците на ЕК ќе разговараат за глобалните правила за крипто средствата, вклучително и начините за обезбедување заштита на инвеститорите, борбата против финансискиот криминал и конкурентноста на ЕУ.

притисни ентер