Светска премиера: Ова е новиот „Alfa Romeo Tonale“ (Фото) - Канал 5

Автомобилизам

Светска премиера: Ова е новиот „Alfa Romeo Tonale“ (Фото)

„Alfa Romeo“ претстави освежена верзија на „Tonale“ за 2026 година.

Светска премиера: Ова е новиот „Alfa Romeo Tonale“ (Фото)

Новиот модел носи промени во дизајнот, ентериерот, технологијата и гамата на погонски склопови, со воведување на ново специјално издание и три нови бои на каросеријата.

Премиерата се одржа во Пиза, град избран поради неговата симболична важност и поврзаност со уметноста и технологијата. „Tonale“ 2026 продолжува да се позиционира во сегментот на компактни премиум „SUV“ возила, каде што се натпреварува со модели како „Audi Q3“ и „BMW X1“.

Однадвор, автомобилот добива нова решетка на ладилникот во стилот на „33 Stradale“, со пошироки траги на тркалата и намален преден препуст. Се нудат и нови 20-инчни алуминиумски тркала и освежени логоа во црно-бела варијанта.

Внатре, промените во материјалите и деталите се забележливи - достапни се нови комбинации на бои, вклучувајќи црвена кожа со контрастни шевови. Сите седишта имаат осумнасочно електрично прилагодување, греење и вентилација, додека ентериерот е збогатен со кожа и алкантара.

Палетата на бои на каросеријата е проширена на вкупно осум нијанси. Новите метални бои се „Rosso Brera“ (црвена), „Verde Monza“ (зелена) и „Giallo Ocra“ (жолта), кои се приклучуваат на постоечките тонови – „Nero Alfa“, „Bianco Alfa“, „Grigio Vesuvio“, „Verde Montreal“ и „Blu Misano“. Достапен е и опционален црн покрив со панорамски шибер.

Технички, „Tonale“ 2026 ја користи познатата механичка основа, но со одредени подобрувања. Верзијата со 1,5-литарски турбо бензински мотор и благ хибрид сега развива 175 коњски сили, што е зголемување од 15 КС во споредба со претходната верзија.

„Plug-in“ хибридот со погон на сите тркала нуди две конфигурации на моќност - 190 КС и 270 КС. „Alfa Romeo“ не прецизираше дали е подобрен опсегот во електричен режим, кој кај неговиот претходник беше околу 61 километар.

Шасијата користи независна „McPherson“ суспензија напред и назад, со електронски контролирани амортизери и „Brembo“ четириклипни сопирачки. Системот за управување има сооднос од 13,6:1, што треба да обезбеди попрецизен одговор.

Во однос на технологијата, „Tonale“ 2026 добива 12,3-инчна дигитална инструмент табла, 10,25-инчен мултимедијален екран со безжична „Apple CarPlay“ и „Android Auto“ конекција, како и поддршка за ажурирања преку интернет.

Безбедносната опрема вклучува помош на возачот од ниво 2, со системи како што се адаптивен темпомат, предупредување за напуштање на лента, автоматско сопирање со препознавање на пешаци и велосипедисти, следење на мртви точки и асистент за сообраќаен метеж. Достапни се и камера од 360 степени со „поглед од дрон“ и полуавтоматско паркирање.

Новата линија на модели на „Tonale“ се состои од четири нивоа на опрема: „Tonale“, „Sprint“, „Ti“ и „Veloce“. Основниот модел носи „LED“ светла, 17-инчни тркала и напредни безбедносни системи, додека повисоките нивоа нудат поголеми тркала, навигација, спортски детали и електронски контролирана суспензија.

„Alfa Romeo“ планира да одржи сличен ценовен опсег како и сегашниот модел, со проширена понуда на мотори - дизел, хибрид и „plug-in“ хибрид.

Извор: Б92

Тагови: Alfa Romeo светска премиера

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Фото: Ревија на костими за капење на „Sports Illustrated Swimsuit“

Списанието „Sports Illustrated Swimsuit“ секоја година организира ревија на костими за капење во Мајами.

Фото: Ревија на костими за капење на „Sports Illustrated Swimsuit“

Учеснички во програмата се главно ѕвезди од реални шоуа, инфлуенсерки и дами од модната индустрија, така било и годинава.

Меѓу многуте убавици кои прошетаа во минијатурно бикини по пистата беше и провокативната реалити ѕвезда Стаси Шредер.

Станува збор за поранешната ѕвезда на реалното шоу „Vanderpump Rules“, која ги воодушеви многумина на модната ревија со својот атрактивен изглед и секси одење.

Сепак, јавноста на социјалните мрежи не беше задоволна од нејзините вештини, па за кратко време Стаси стана предмет на потсмев и бројни критики.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Шоу биз

Фото: Секси русокосата не препушта ништо на случајноста

Актерката и манекенка Брукс Надер не престанува да изненадува со своите провокативни изданија, а моментално ужива во Франција, од каде што доаѓаат и нејзините најнови фотографии.

Фото: Секси русокосата не препушта ништо на случајноста

Моделот и актерка Брукс Надер ужива во топлотниот бран, со неа уживаат и нејзините следбеници кои желно ја очекуваат секоја нова објава на оваа контроверзна убавица.

Неодамна таа престојуваше и на Јадранот – ги посети Хрватска и Црна Гора – а нејзините изданија од таму исто така оставија силен впечаток на социјалните мрежи.

Сепак, таа подготви нешто ново за Франција, па најпрво позираше во кратки бели шорцеви и ѝ сврте грб на камерата, а иако не е првпат да покаже нешто повеќе, повторно ги воодушеви и изненади сите.

Меѓу низата фотографии се најдоа и оние на кои Брукс носи кратки и длабоко деколтирани фустани, па нејзините бујни гради беа главна тема и на овој одмор.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Фудбал

Веќе 21 фудбалер се платени повеќе од 100 милиони евра за трансфер

Дали фудбалерите навистина вредат толку многу? 

Веќе 21 фудбалер се платени повеќе од 100 милиони евра за трансфер

Веќе 21 фудбалер се платени повеќе од 100 милиони евра за трансфер, а Јан Диоманде би можел да биде следниот.

Најголемиот трансфер што моментално се подготвува на пазарот е доаѓањето на Јан Диоманде од РБ Лајпциг во Реал Мадрид.

Доколку трансферот се реализира, репрезентативецот на Брегот на Слоновата Коска ќе се приклучи кон ексклузивната група играчи за кои се платени повеќе од 100 милиони евра.

Досега, 21 фудбалер ја достигнале таа вредност, почнувајќи од летото 2013 година, кога Реал Мадрид му плати на Тотенхем 101 милион евра за Герет Бејл.

Оттогаш, трансферите со обештетувања од деветцифрени износи станаа многу почести и веќе не предизвикуваат толку многу полемики како порано.

Доаѓањето на клубови во сопственост на држави и милијардери дополнително го зголеми бројот на вакви трансфери.

Меѓу нив, се издвојува Пари Сен Жермен, кој во 2017 година ги сруши сите рекорди со плаќање 222 милиони евра за Нејмар, активирајќи ја неговата откупна клаузула од договорот со Барселона.

Само неколку недели подоцна, ПСЖ го доведе и Килијан Мбапе од Монако за 180 милиони евра.

Ако има еден клуб што доминира на оваа листа, тоа е Челзи.

Во ерата на Роман Абрамович, а потоа под сопственост на Тод Боели, лондонскиот клуб донесе дури пет играчи за повеќе од 100 милиони евра: Морган Роџерс, Енцо Фернандез, Мојсес Кајсед, Ромелу Лукаку и Каи Хаверц.

Клубови од Премиер лигата учествуваа во дури 11 од вкупно 22 трансфери вредни над 100 милиони евра.

Шпанската Ла Лига, вклучувајќи го и евентуалното доаѓање на Диоманде, учествув во осум такви трансфери. Четири би му припаднале на Реал Мадрид, три на Барселона и еден на Атлетико Мадрид.

Франција е претставена од ПСЖ, додека единствениот претставник на Серија А е Јувентус, поради Кристијано Роналдо.

Покрај тоа што сè уште е најскапиот трансфер во историјата на фудбалот, Нејмар е и играчот за кого се издвоени најмногу пари во текот на неговата кариера.

Барселона и ПСЖ заедно платија речиси 400 милиони евра за неговите трансфери.

На второто место е Ромелу Лукаку, за кого клубовите издвоија вкупно околу 370 милиони евра, додека Кристијано Роналдо е трет со 247 милиони.

Трансфери над 100 милиони евра:

1.Нејмар – 222 милиони евра (Барселона → ПСЖ)

2.Килијан Мбапе – 180 милиони евра (Монако → ПСЖ)

3.Александар Исак – 145 милиони евра (Њукасл → Ливерпул)

4.Морган Роџерс – 138 милиони евра (Астон Вила → Челзи)

5.Елиот Андерсон – 135 милиони евра (Нотингем Форест → Манчестер Сити)

6.Жоао Феликс – 127,2 милиони евра (Бенфика → Атлетико Мадрид)

7.Флоријан Вирц – 125 милиони евра (Баер Леверкузен → Ливерпул)

8.Енцо Фернандес – 121 милиони евра (Бенфика → Челзи)

9.Филипе Кутињо – 120 милиони евра (Ливерпул → Барселона)

10.Антоан Гризман – 120 милиони евра (Атлетико Мадрид → Барселона)

11.Џек Грилиш – 117,5 милиони евра (Астон Вила → Манчестер Сити)

12.Мојсес Каиседо – 116 милиони евра (Брајтон → Челзи)

13.Еден Азар – 115 милиони евра (Челзи → Реал Мадрид)

14.Ромелу Лукаку – 113 милиони евра (Интер → Челзи)

15.Кристијано Роналдо – 112 милиони евра (Реал Мадрид → Јувентус)

16.Сандро Тонали – 108 милиони евра (Њукасл → Тотенхем)

17.Пол Погба – 105 милиони евра (Јувентус → Манчестер Јунајтед)

18.Усман Дембеле – 105 милиони евра (Борусија Дортмунд → Барселона)

19.Џуд Белингем – 103 милиони евра (Борусија Дортмунд → Реал Мадрид)

20.Герет Бејл – 101 милион евра (Тотенхем → Реал Мадрид)

21.Каи Хаверц – 100 милиони евра (Баер Леверкузен → Челзи)

Тагови: милиони Фудбал

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер