Светска премиера на „Кирил и Методиј, who are you“ од Плевнеш во Букурешт - Канал 5

Култура

Светска премиера на „Кирил и Методиј, who are you“ од Плевнеш во Букурешт

Претставата „Кирил и Методиј, who are you“ од Јордан Плевнеш, во режија на Мартин Кочовски во Букурешт, Романија, в среда ќе ја има својата светска премиера, соопштуваат од Центарот за култура „Марко Цепенков“ во Прилеп.

Светска премиера на „Кирил и Методиј, who are you“ од Плевнеш во Букурешт
Изведбата на годинашново Охридско лето беше оценета како одлична, комплетно, преку режијата, актерската игра и музиката.

Претставата „Кирил и Методиј“, театарот "Војдан Чернодрински" од Прилеп ја реализира со продукцијата НЕТА (Нова европска театарска асоцијација), Љубљана и Сфумато театарот од Бугарија.

Како што објаснуваат од Центарот за култура „Марко Цепенков“, претставата ги користи сите историски и релевантни документи и дава одговори на капиталното прашање - „Кои се, всушност, браќата Кирил и Методиј, заштитниците на Европа?" и зошто и по 1.100 години, двајцата светители по силината на својот дух и натаму се отворена мистерија за светската и научна јавност, поради нивната филозофија наречена цивилизација на љубовта и носталгија по единството.

Во претставата играат Ѓорѓи Јолевски од МНТ (го игра ликот на Кирил), Игор Трпче (Методиј), Виолета Чакарова, Андон Јованоски, Димитар Црцороски, Наташа Наумоска, Ангела Наумоска, Александар Тодески, Димитрина Мицкоска, Илија Волчески, Хриса Јоаниду од Националниот театар од Северна Грција, Марија Ѓаковска од Бугарија и актерот Здравко Стојмиров од Битола.

Костимите се на Елена Иванова од Софија, а музиката е на Горан Трајковски. Сценограф е Јани Константиновски - Пунтус од Краков, Полска.

По светската премиера во Романија, претставата на 20. септември ќе биде прикажана на 20. издание на фестивалот „Екс Понто“ во Љубљана, каде прилепскиот ансамбли и е добро познат на публиката со двете претстави од Брехт што ги режираше Мартин Кочоски: „Тапани во ноќта“ и „Кавкаски круг со креда“ со која и победи на фестивалот.

На 12. септември претставата „Кирил и Методиј“ ќе го затвори годинашното издание на Фестивалот на камерен театар „Ристо Шишков“, а прилепската публика премиерно ќе ја види во октомври.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Алесандра Амброзио позираше топлес (ФОТО)

Бразилската манекенка Алесандра Амброзио (45) објави серија фотографии на Инстаграм на кои позира во морето без горен дел од костимот за капење.

Алесандра Амброзио позираше топлес (ФОТО)

На сликите, таа лебди на грб додека со рацете си ги покрива градите, покрај објавата напиша: „Ќерка на сонцето, љубителка на морето“.

Таа исто така го означи заедничкиот профил што го води со својот свршеник, Бак Палмер, каде што ги документираат своите патувања.

Следбениците ја опсипаа со комплименти во коментарите. „Најубавата жена на светот“, „Како сирена“, „Секоја година е сè поубава“ и „Огнена Бразилка“ беа само дел од реакциите.

Нова свршувачка

Поранешната ѕвезда на „Victoria's Secret“ ја објави свршувачката со Бак Палмер во август оваа година. „Би те избрала тебе во овој живот и во секој друг. Засекогаш, љубов моја“, напиша таа тогаш покрај фотографија на која се заедно.

Пред Палмер, Амброзио беше свршена со претприемачот Џејми Мазур, со кого има две деца: ќерка, Ања, и син, Ноа. Таа и Палмер првпат беа видени заедно во јавноста кон крајот на 2024 година, на забава во Мајами.

Бразилската манекенка има успешна кариера долга повеќе од две децении и е широко позната во јавноста како еден од поранешните ангели на „Victoria's Secret“.

Извор: Индекс.хр

Тагови: Алесандра Амброзио

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Метео

И утре сончево и релативно топло време, дожд од петок и за време на викендот

Утре времето ќе биде сончево и релативно топло со мала до умерена локална облачност, информираат од УХМР.

И утре сончево и релативно топло време, дожд од петок и за време на викендот

МАКСИМАЛНА ТЕМПЕРАТУРА

14 Попова Шапка, 18 Крушево, 22 Претор, 23 Маврови Анови, Берово, Прилеп, Крива Паланка, Охрид, Виница, 25 Битола, Тетово, 26 Зајчев Рид, Штип, Велес, Кавадарци, 27 Скопје Петровец, Демир Капија, Струмица, 28 Гевгелија.

ВРЕМЕТО ДЕНЕСКА И ДО КРАЈОТ НА ДЕНОТ

Времето денес беше сончево и релативно топло со мала до умерена локална облачност. Дуваше слаб до умерен јужен ветер. До крајот на денот ќе биде стабилно со мала до умерена локална облачност.

ВРЕМЕТО УТРЕ

Утрото ќе биде ведро, а во текот на денот сончево и релативно топло со мала до умерена локална облачност. Услови за врнежи од дожд ќе има во западните планински делови. Ќе дува слаб до умерен ветер од јужен правец, поизразен долж Повардарието. Минималната температура ќе биде во интервал од -1 до 7, а максималната ќе достигне од 22 до 28 степени.

Во Скопје, сончево и релативно топло со мала облачност. Ќе дува слаб ветер од променлив правец. Минималната температура ќе се спушти до 4, а максималната ќе достигне до 27 степени.

ВРЕМЕТО ВО НАРЕДНИТЕ ДЕНОВИ

Утре утрото ќе биде постудено, а во текот на денот ќе преовладува сончево време со мала до умерена облачност. Во петок, во деновите од викендот и во вторник времето ќе биде променливо облачно со повремени врнежи од дожд кои наместа ќе бидат пообилни. Локално врнежите ќе бидат поројни, проследени со појава на ретки грмежи. Утринските температури ќе бидат во пораст.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Европа

Русија по мистериозната смрт: Нема ризик од епидемија на чума

Руската служба за здравствен надзор, „Роспотребнадзор“, денес соопшти дека не постои епидемиолошки ризик за населението во источносибирскиот регион Иркутск по смртта на вработена во локалниот институт за истражување на чума.

Русија по мистериозната смрт: Нема ризик од епидемија на чума

„Роспотребнадзор“ го пријави случајот во Светската здравствена организација (СЗО), а лицата кои биле во контакт со починатата работничка биле тестирани за заразни болести. Резултатите не покажаа знаци на инфекција ниту присуство на опасни патогени.

„Целосно се спроведени превентивни и противепидемиски мерки и не постои епидемиолошки ризик за населението во Иркутск или во регионот Иркутск“, соопштија од „Роспотребнадзор“.

Сомнеж за чума по смртта на вработена во институтот

Случајот привлече внимание бидејќи починатата била 28-годишна жена која работела во институт за истражување на чума. По нејзината смрт постоеше сомнеж за инфекција со чума, но руските власти тврдат дека во институтот не се случил никаков лабораториски инцидент.

Според „Роспотребнадзор“, жената починала од пневмонија со непознато потекло, а во нејзините примероци не биле пронајдени микроорганизми поврзани со работата на институтот.

За каква болест станува збор?

Пневмоничната чума е една од најтешките форми на болеста предизвикана од бактеријата „Yersinia pestis“. Таа може да се пренесе преку респираторни капки, а третманот со антибиотици може да биде ефикасен доколку се започне доволно рано. СЗО побара информации за случајот од руските власти во согласност со Меѓународните здравствени прописи.

Тагови: русија чума

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер