Светска банка: Како директна последица на пандемијата , во Западен Балкан ќе има 400.000 сиромашни

Светската банка (СБ) предупреди дека пандемијата „ковида-19“ ќе има „сериозни последици“ за економиите на Западен Балкан и дека закрепнувањето ќе зависи од мерките преземени од властите.

Во студијата објавена денеска на веб-страницата на СБ, авторите потсетуваат дека редовниот економски извештај за регионот од есента 2019 година предупредува дека економијата може да се соочи со сериозни ризици поради очекуваниот пад на стапките на раст на глобално ниво и на регионално ниво, а ситуацијата сега се влоши како резултат на пандемијата.

Аналитичарите велат дека е сигурно дека на Западен Балкан ќе бидат укинати многу работни места и дека без соодветен одговор, најмалку 400.000 луѓе би можеле да западнат во сиромаштија, при што средната класа е најтешко погодена.

„Многу работни места се привремени или во неформалниот сектор. Бидејќи се развива кризата на„ ковид-19 “, веројатно е дека овие работни места ќе бидат најтешко погодени од затворањето, со поништување на напредокот направен во претходните години. Најлошо од се, многу од овие работници можеби нема да можат да ги остварат своите права на социјална заштита “, се вели во студијата на Светската банка.

СБ, исто така, предупреди дека е важен предизвик за владите да управуваат со ликвидноста за да избегнат понатамошна ескалација на кризата, истовремено да им пружат помош на оние кои имаат најмногу потреба.

Колку ќе биде овој предизвик зависи од тоа колку долго ќе трае економскиот пад, бидејќи иднината значително ќе го одреди темпото на кое ќе се трошат резервите на капитал и ликвидност.

„Каде и да има простор за монетарна или фискална политика, сега е време да го искористиме за одржување на продуктивниот капацитет на економијата и функционирањето на пазарот и да ги поддржуваме и заштедуваме економиите и егзистенцијата“, се вели во анализата, повикувајќи ги властите од Западен Балкан да се фокусираат што е можно поскоро за да се рестартира економијата.

Трамп жестоко ги нападна медицинските експерти поради коронавирусот

Американскиот претседател Доналд Трамп ги нападна на Твитер медицинските експерти кои се борат против коронавирусот, обвинувајќи ги дека си играат политика и го отежнуваат економското закрепнување.

Тој денеска ги сподели објавите на некои конзервативци на Твитер, но самиот не ги коментираше.

„Сите лажат. ЦДЦ, медиумите, демократите, нашите лекари, не сите, но мнозинството, за кои ни е кажано да им веруваме“, стои во една од објавите што Трамп го сподели, мислејќи на Центрите за контрола на болести.

Друг твит што го сподели се чини дека доаѓа од профилот на теоретичарите на заговор.

Советниците на Трамп започнаа и напади врз Ентони Фаучи, главен владин експерт за заразни болести. Тие, наводно, им пренеле на американските медиуми список на неговите изјави на почетокот на пандемијата кои биле неточни, објави „Вашингтон пост“.

Претседателот Трамп во четвртокот рече дека Фаучи е „добар човек, но направил многу грешки“, укажувајќи на пресврт во Белата куќа.

Фаучи не бил во американска телевизија со недели и не го информирал директно Трамп од минатиот месец.

Претседателот се најде под оган за своите изјави, вклучувајќи го и тврдењето дека вирусот одеднаш едноставно ќе исчезне, залагајќи се за неодобрен медицински третман и ја минимизирање важноста за носење маска.

Во меѓувреме, голем број држави во САД забележаа зголемување на бројот на заразени, а бројот на починати се зголемува во повеќе од десетина држави.

Флорида забележа 15.000 нови случаи во еден ден минатиот викенд во време кога економијата продолжува да се отвора.

Општина Маврово и Ростуше доби донација од ЕУ во заштитни маски и средства за дезинекција

Општина Маврово и Ростуше деновиве добила донација од ЕУ, која се состои од заштитни маски и средства за дезинфекција, наменети за поддршка на напорите на локалната самоуправа во борбата против Ковид-19.

– Донираните материјали се резултат од заштедите кои се направени во рамки на проектот ,,Подготвителни активности за ИПА 2020, Програма за поддршка на општините" (Prep4MSP) кој е проект финансиран со средства од ЕУ во блиска соработка со Делегацијата на ЕУ во Македонија во рамки на грантовата шема ЕУ за општините, информираа од општината.

Од таму искажуваат голема благодарност до делегацијата на ЕУ во Македонија.

Во изминатиот период во неколку наврати Јавната здравствена установа „Д-р Русе Бошковски" во Ростуше, доби заштитни средства, скафандери,визери, медицински маски од повеќе компании и институци./МИА

Владата ги донесе Протоколите за работата на базените и плажите

Владата ја укина одредбата од протоколот за работа на кафулиња и ресторани на една маса да седат двајца, или четворица само ако се во роднинска врска, а земјата се приклучува кон глобалната набавка на вакцини за КОВИД-19.

Владата на денешната 76-та седница ги усвои протоколите што ги предложи Комисијата за заразни болести, а кои се однесуваат на работата на базените и на плажите во тек на пандемија со КОВИД-19.

Согласно Протоколот за работата на плажите во тек на пандемија со КОВИД-19, освен задолжителното почитување на основните превентивни мерки за носење лична заштитна опрема на лицето, за физичка дистанца од 1,5 - 2 метри, често миење на рацете со вода и сапун, и редовно чистење и дезинфекција на околината на плажите, задолжително е точното и видливо информирање на посетителите со информативно - едукативен материјал за посетителите во однос на почитување на основните превентивни мерки и начинот на однесување, како и со гласовно информирање за придржување кон препораките.

Препораките опфаќаат правила за однесување на плажите кои се однесуваат на сите вработени лица и посетителите за лична заштитна опрема на лицето која што ги покрива пределот на носот и устата, достапни и видливи места за средства за дезинфекција на рацете, физичка дистанца од 1,5 – 2 метри, вклучително и при престој во вода, како и ограничување на бројот на посетители на плажата согласно квадратурата, односно максимум 15 посетители на 100 м² нето површина.

На плажите е задолжително меѓу индивидуалните чадори да се обезбеди минимално растојание од 4 метри, растојание од 1,5 - 2 метри помеѓу лежалките поставени под соседни чадори. Лежалките задолжително да се дезинфицираат пред и после користењето на секој посетител, а секое лице задолжително да постави пешкир на лежалката пред да ја употреби.

Се забрануваат групните спортови (како одбојка на плажа), и задолжително е одредувањето лица кои ќе го контролираат бројот на посетители и спроведувањето на мерките.

Протоколот за работата на плажите во тек на пандемија со КОВИД-19 уште ги уредува и санитарно - хигиенски мерки, препораките за вработените, а за користење на угостителски услуги се препорачува почитување на Протоколот за угостителска дејност во услови на пандемија со КОВИД-19.

На плажите не се препорачува користење на гардероби на плажа.

Протоколот за работа на базените во тек на пандемија со КОВИД-19, покрај почитувањето на основните превентивни мерки за лична заштита, определува како задолжително пред билетарите да се обележи растојание (место за чекање) од 1,5 - 2 метри. Меѓу вработениот и посетителот да се обезбеди растојание од 1,5 - 2 метри или заштитна бариера. Да се препорача и практикува бесконтактно плаќање со кредитни картички. Да се обезбеди и препорачува онлајн купување на билети.

Пред влезот на базените задолжително е да се постави дезбариера (подлога) за дезинфекција на сите посетители и да се обезбеди средство за дезинфекција на рацете со известување за посетителите за задолжителна дезинфекција на рацете при влегување и да се постави пред влезот на сите простории во објектот.

Задолжително е редовно информирање на посетителите, а користењето на соблекувалните е дозволено по принцип еден посетител во една соблекувална со воспоставување на ред и незадржување од страна на назначени лица од редарска служба. Зачестено да се чистат и дезинфицираат соблекувалните на секои 2 часа (по потреба и почесто).

При влез во базенскиот дел, задолжително секој посетител да се истушира и да помине преку хиперхлорирана дезбариера за миење на нозете.

Сите вработени лица и посетителите до влегување во базенот задолжително да носат лична заштитна опрема на лицето што подразбира било каква форма на заштита којашто ги покрива пределот на носот и устата, како и да одржуваат физичка дистанца од 1,5 – 2 метри вклучително и во базенските води.

Се ограничува бројот на посетители во објектот согласно квадратурата на објектот, максимум 15 посетители на 100 м² нето површина (вклучително и површината на базенот) или еден пливач на 7 м² во базенот, и задолжително да се одредат лица кои ќе го контролираат бројот на пливачи во базенот (согласно погоре наведениот норматив) и кои ќе го контролираат на спроведување на мерките.

Протоколот ги утврдува и останатите санитарно - хигиенски мерки и препораки за вработените кои се задолжуваат да водат евиденција за секој тренинг, организирана спортско - рекреативна активност или слободно користење на базенот од страна на граѓаните со цел полесно епидемиолошко следење во случај на појава на заразен со КОВИД-19. За секој посетител да се обезбеди податок за време и дата на посета/тренинг, име и презиме, телефонски број за контакт, име на тренерот/група/инструктор итн.

На базените не се препорачува користење на угостителски услуги, а за оние во состав на хотелски капацитети се препорачува почитување на горенаведените препораки, со напомена користењето на базенот да биде дозволен само за гостите од хотелот.

Владата денеска донесе и измени и дополнувања на протоколите за работа на кафулињата и на угостителските објекти за исхрана со кои се укинуваат ограничувањата за седење на две лица на една маса, како и ограничувањето со кое се определуваше дека на една маса можат да седат четворица само ако се од исто семејство.

На седницата беше заклучено Комисијата за заразни болести да го разгледа прашањето за давање дозвола за транзит со приватно возило низ територијата на Македонија за државјани на Србија, Косово, Црна Гора и Босна и Херцеговина, кое не беше опфатено со мерките за државјаните на овие земји.

Владата на оваа своја седница ја разгледа и усвои Информација за можноста на Македонија да се приклучи кон глобалната набавка на вакцини за КОВИД-19, преку COVAX механизмот за обезбедување глобален и рамномерен пристап до безбедни и ефикасни вакцини за КОВИД-19, и го овласти министерот за здравство да ја потпише необврзувачкатa изјава за намери за приклучување кон COVAX механизмот, и да учествува во дискусиите за консултации за дизајнот и принципите на работа на механизмот, што ќе се одржат во текот на овој месец.

Владата денеска ја разгледа и усвои Информацијата и го усвои текстот на вториот Национален акциски план за имплементација на Резолуцијата 1325, Жени, мир и безбедност на Советот за безбедност на Организацијата на Обединетите нации (2020 – 2025) – стратешка рамка, и го задолжи Министерството за одбрана да ги координира сите активности за имплементација на вториот Национален акциски план за имплементација на Резолуцијата 1325, Жени, мир и безбедност на Советот за безбедност на Организацијата на Обединетите нации (2020 – 2025) – стратешка рамка.

Владата ги задолжи Министерството за труд и социјална политика, Министерството за внатрешни работи, Министерството за надворешни работи, Министерството за здравство, Министерството за образование, Министерство за правда, Министерство за финансии, Центар за управување со кризи и Дирекцијата за заштита и спасување, да изработат оперативни планови за имплементација на вториот НАП за Резолуцијата 1325 (2020 – 2025) во координација со Министерството за одбрана до крајот на месец септември 2020 година, додека на единиците на локална самоуправа им се препорача да изработат оперативни планови за имплементација на оваа резолуција.

Министерството за одбрана има задолжение да координира со процесот на мониторинг и известување преку формирање на тело (работна група за координација, мониторинг и евалуација на вториот НАП за имплементација на Резолуцијата 1325, Жени, мир и безбедност на Советот за безбедност на Организацијата на Обединетите нации (2020 – 2025), како и да изработи и да достави до Владата информација за степенот на реализација на втората етапа до крајот на месец октомври 2020 година.

Владата, на денешната седница донесе Одлука за испраќање на припадници на Армијата за учество на вежбата „SABER JUNCTION 20" во Сојузна Република Германија во периодот од 28 јули до 25 август 2020 година.

Владата денеска ја разгледа и усвои Информацијата за индикативни услови за финансирање на фотоволтаичните електрани Осломеј 2 и фотоволтаичната електрана Битола со поддршка на Европската банка за обнова и развој и ја задолжи АД „Електрани на Македонија" во државна сопственост по завршувањето на формалната процедура да ја извести за финалните понудени услови за финансирање.

По повод прославата на националниот празник Илинден 2020 година, на денешната седница Владата заклучи Организацискиот одбор за прославата на националниот празник Илинден 2020 година да го предводи претседателот на Владата, а во одборот да бидат вклучени претставници на Канцеларијата на претседателот на Владата и претставници од Секторот за односи со јавност на Владата.

Оваа година делегација на Владата по повод прославата на националниот празник Илинден 2020 година во Скопје ќe ја предводи претседателот на Владата, прославата во Крушево ќе ја предводи претседателот на Собранието, а прославата на националниот празник Илинден 2020 година во Пелинце ќе ја предводи и ќе се обрати претседателот на Македонија.

Со заклучок на денешната седница е утврдена и Владината делегацијата по повод прославата на националниот празник Илинден 2020 година во Смилево.

Во врска со организацијата и прославата на државните празници, Владата го задолжи Министерство за здравство, преку Комисијата за заразни болести да обезбеди протокол за организација на државните настани во време на пандемија.

притисни ентер