Светот во 2024: Срамот треба да го чувствува другата страна - Канал 5

Живот

Светот во 2024: Срамот треба да го чувствува другата страна

 Според официјалните податоци на УНИЦЕФ, повеќе од 370 милиони девојки и жени, кои и денес се живи, биле жртви на сексуално насилство пред да наполнат 18 години

Светот во 2024: Срамот треба да го чувствува другата страна

Според официјалните податоци на УНИЦЕФ, повеќе од 370 милиони девојки и жени, кои и денес се живи, биле жртви на сексуално насилство пред да наполнат 18 години, што значи дека една од осум, биле жртви на силување или сексуален напад пред да станат полнолетни. Ако се вбројат и случаите на „неконтактни“ облици на сексуално насилство, како насилство на интернет и вербално вознемирување, тогаш бројката е 650 милиони односно секоја петта жена била жртва на сексуално насилство.

Сексуалното насилство ги надминува географските, културните и економските граници и е присутно ширум светот. Но, голем број од нападите врз девојчињата и жените не се пријавени, поради срам, страв од осуда на околината, која често вината ја гледа кај жртвата, а не кај напаѓачот, како и долгите судски процеси.

Но, по 19 декември има надеж дека сето тоа може да се смени, пред сè благодарение на храброста на една Французинка, но и Судот во Авињон, кој за рекордно кратко време од 3,5 месеци го заврши судењето за масовното силување на Жизел Пелико.

Во овој случај никој не може да инсинуира дека жртвата „сама си го барала“, бидејќи таа била дрогирана и во бессознание. Уште помонструозно е тоа што главниот организатор на речиси една деценија силување е сопругот, со која била 50 години во брак.

Во септември, Франција, но и светската јавност беше згрозена од обелоденето злосторство врз жена која девет години била дрогирана и околу 200 пати силувана во нејзиниот дом од различни мажи додека била во бессознание. Но, јавноста ја поздрави и ја поддржа храброста на Жизел судењето против 51 маж, вклучително и нејзиниот, сега веќе, поранеше сопруг, да биде отворено за јавност.

- Одлучив да не се срамам, бидејќи не направив ништо лошо. Тие се тие кои треба да се срамат, изјави Пелико на почетокот од судењето.

Доминик Пелико од 2011 до 2020 година во храната на Жизел ставал лек против анксиозност и таблети за спиење и смирување. Кога ќе се онесвестела таа била жртва на силување на непознати мажи, регрутирани преку интернет од нејзиниот сопруг. Во тој период Жизел го губела помнењето, почнала да и паѓа косата и да губи тежина, но лекарите не можеле ја откриле причината за нејзината нарушена здравствена состојба.

Таа одлучи да се откаже од анонимноста како жртва на сексуален напад со цел да ја подигне свеста за употребата на дрога за силување и сексуална злоупотреба.

- Секоја жена која ќе се разбуди едно утро, а не се сеќава на претходната ноќ, треба да запамти што реков. Жените повеќе не би требало да станат жртви на хемиска потчинетост. Бев жртвувана на олтарот на гревот и ние мора да зборуваме за тоа, посочи Жизел на судењето.

Таа апелира да не се банализираат сексуалните напади.

- Време е мачо патријархалното општество да го смени ставот за силувањето. Патријахалното општество го банализира силувањето и тоа мора да се смени, истакна Пелико пред судот во Авињон.

Случајот Пелико иницираше дебата како во Франција, така и во други земји, за дефиницијата што е силување и дали во законот треба да биде одредено што е недвосмислена согласност на сексуален чин.

- На судењето слушнав дека речиси е безначајно да се силува. Видов луѓе кои го негираат силувањето и тие кои го признаваат. Сакам да ги прашам, кога влеговте во мојата спална соба, во кој момент ви дадов согласност, ги праша Жизел обвинетите за време на судскиот процес.

Во септември 2020 година Доминик Пелико е приведен поради вознемирување на жени односно снимал жени под здолниште во супермаркет. При претресот во неговиот телефон и компјутер пронајдени се вкупно 20.000 видео-снимки и фотографии од сексуалните напади врз Жизел. Иако на снимките се појавуваат 83 мажи, полицијата успеала да идентификува само 51 маж.

Најмладиот силувач имал 22 години, додека најстариот 68 години, од кои голем број биле во врска или во брак и имаат деца. Соучесниците на Доминик се со различни професии од пожарникари, фармацевти, работници и новинари. Сите тие живееле во радиус од 50 километри од домот на Жизел во село Мазан.

Против нив беа подигнати обвиненија за силување под дејство на дрога, но 35 од нив негирале дека се виновни. Некои од обвинетите се бранеа дека мислеле оти тоа е дел од сексуалната игра на сопружниците, а други тврделе дека не е силување ако дозволил сопругот, што укажува на патријархалниот став оти сопругата е сопственост на мажот. Некои обвинети тврдеа и оти не знаеле оти Жизел е дрогирана, но Доминик во сведочењето негираше дека мажите ги довел во заблуда, истакнувајќи оти точно знаеле што прават.

Јас сум силувач како и другите во оваа соба, изјави 71-годишниот Доминик Пелико.

На 19 декември судот во Авињон ги прогласува за виновни Доминик и 50 мажи, од кои 46 се виновни за силување, двајца за обид за силување и двајца за сексуален напад. Еден маж, кој не ја силувал Жизел е осуден поради силување на неговата сопруга со помош на Доминик. Друг маж е осуден во отсуство бидејќи е во бегство.

Но само Доминик кој е осуден на максимална затворска казна, согласно француските закони, неговите соучесници добија помали затворски казни од тоа што бараа обвинителите. Тие се осудени од три до 15 години за силување на Жизел додека била во несвесна состојба.

Доминик, покрај за силување е прогласен за виновен и за производство и дистрибуција на сексуални слики на својата возрасна ќерка Каролин и жените на неговите синови. Тој е осуден на максимална казна затвор од 20 години.

Жизел изјави дека нема да се жали, а се претпоставува дека и осудените нема да е жалат на судската одлука.

- Кога се почна на 2 септември, сакав да се осигурам дека општеството ќе види што се случува и никогаш не зажалив за таквата одлука. Сега имам доверба во нашата способност заедно да создадеме иднина во која сите, жени и мажи, можат да живеат во хармонија со почитување и меѓусебно разбирање, изјави Жизел по изрекувањето на пресудите.

Таа истакна дека судењето било многу „тежок испит“ за неа и за нејзините три деца и нејзините внуци, но оти тоа го направила за нивната иднина. Пелико ги поддржа и жртвите на сексуално насилство чии приказни не се раскажани.

- Мислам и на сите други семејства погодени од овој случај и на непризнаените жртви во приказните кои често се во сенка. Знајте дека водиме иста борба, наведе Жизел.

Таа повтори дека не жали поради одлуката судењето да биде јавно бидејќи само така општеството може да види што се случило.

Судењето ја откри темната страна на човекот. Експертите треба да дадат одговорат што доведе до масовно силување – дали неказнивоста или малите казни за сторителите, патријархалното општество, дплгите судски процеси, ревиктимизацијата на жртвата, осудата од јавноста што е насочена кон жртвата. Како толкав број на мажи на мал простор од 50 километри сакале да учествуваат во перверзиите на Доминик. Неколку мажи кога виделе за што се работи одбиле да не учествуваат, но не пријавиле во полиција. Исто така загрижувачко е што интернет-страницата каде Доминик регрутирал мажи за своите перверзии, што е затворена минатата година, имала 500.000 посетители месечно.

Годината што изминува ќе остане запомнета по храброста на Жизел Пелико, а нејзината изјава „Срамот треба да го чувствува другата страна“ стана мото на глобалната борбата против сексуалното насилство и неправдата кон девојчињата и жените.

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Забава

Среде ММА борба ѝ испаднале градите, од тоа заработи богатство на OnlyFans (ВИДЕО)

Мексиканската ММА борачка Лусеро Акоста (32) имаше инцидент за време на борбата против Канаѓанката Шенон Кларк на настанот од Лигата на професионални борци (PFL) одржан на 16 октомври во Чикаго. 

Среде ММА борба ѝ испаднале градите, од тоа заработи богатство на OnlyFans (ВИДЕО)

За време на третата рунда, нејзиниот спортски градник се помести, оставајќи ги нејзините гради накратко изложени на телевизиските камери. Видеото стана вирално на социјалните мрежи, а Акоста по борбата објави дека инцидентот ѝ донел дополнителен приход на OnlyFans.

Акоста, позната по прекарот Ла Лоба, го имаше своето деби за организацијата PFL во Чикаго. Таа добро ја отвори борбата, но Кларк постепено ја презеде контролата. Во третата рунда, Канаѓанката ја собори противничката и почна да ја удира додека лежеше на подот.

За време на таа размена на удари, горниот дел од спортската опрема на Акоста се исфрли, оставајќи ја едната нејзина града изложена. Боречката ја продолжи борбата, но судијата ја запре по една минута и 59 секунди од третата рунда, а победата ѝ беше доделена на Кларк со технички нокаут.

Таа откри дека инцидентот ѝ донел профит

По борбата, Акоста се огласи на Инстаграм и објасни дека поради снимката што се прошири на интернет, интересот за нејзиниот профил на платформата OnlyFans, каде што објавува содржина за претплатници, се зголемил. „Дополнителна заработка на OnlyFans затоа што моите брадавици беа видливи за време на преносот во живо на PFL. Слатко. Официјален спонзор“, напиша мексиканската борачка.

Во друга објава, таа ја наведе и бројката од 500.000, за која американските медиуми претпоставуваат дека се однесува на долари, или приближно 446.000 евра. Сепак, Акоста не објасни дали таа сума претставува вкупна заработка, дополнителен приход од претплатници или нешто друго. Таа дури и не понуди доказ за плаќање, па затоа наведената сума сè уште не е независно потврдена.

Таа има повеќе од 500 илјади следбеници

Пред да дојде во PFL, Акоста настапуваше во организацијата Combate Global, каде што стана препознатлива по својот агресивен начин на борба. Пред поразот од Кларк, таа имаше четири победи по ред помеѓу септември 2022 и април 2025 година.

Поразот во Чикаго беше нејзин трет во професионалната кариера и прв со технички нокаут. Нејзиниот моментален сооднос е шест победи и три порази, додека Кларк со оваа победа достигна сооднос од 9:1.

Мексиканката е популарна и надвор од ММА спортот. Таа има повеќе од 500.000 следбеници на Инстаграм, а претходно привлече внимание со видеа од подводен тренинг во бикини. Таа го користи OnlyFans како дополнителен извор на приход, а по последната борба тврди дека бројот на претплатници ѝ значително пораснал.

Тагови: гради ММА

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Фентанил не веќе единствен проблем- на улиците на САД се појави нова опасна дрога

Нов бран на синтетички дроги ја продлабочува кризата со зависност во Соединетите Американски Држави, каде што на пазарот се појавуваат сè поопасни мешавини од психоактивни супстанции .

Фентанил не веќе единствен проблем- на улиците на САД се појави нова опасна дрога

Нов бран на синтетички дроги ја продлабочува кризата со зависност во Соединетите Американски Држави, каде што на пазарот се појавуваат сè поопасни мешавини од психоактивни супстанции кои го зголемуваат ризикот од фатални предозирања, објавува Би-Би-Си.

Иако бројот на смртни случаи од предозирање во САД се намали од врвот од околу 110.000 во 2022 година на околу 70.000 минатата година, експертите предупредуваат дека кризата не е завршена, туку се менува поради зголемената преваленца на синтетички опиоиди и други хемиски супстанции.

Тие не знаат кои супстанции ги земаат

Фентанилот, синтетички опиоид кој е помеѓу 50 и 100 пати посилен од хероинот, често се меша со други супстанции, вклучувајќи синтетички седативи како што се ксилазин и медетомидин.

Ваквите комбинации го отежнуваат уште повеќе лекувањето на предозирањата, бидејќи налоксонот, лек што се користи за враќање на ефектите на опиоидите, не делува на овие седативи.

Според Би-Би-Си, последиците се особено видливи во градови како што се Колумбус, Охајо, и Чикаго, Илиноис, каде што корисниците на дрога честопати не знаат кои супстанции всушност ги земаат.

Скот Сандерс, кој раководи со организација за поддршка на луѓе кои се опоравуваат од зависност во Колумбус, рече дека проблемот се проширил и на корисниците на стимуланси, вклучувајќи крек кокаин, кој може да се меша со фентанил без нивно знаење.

Тој рече дека во округот Франклин, каде што се наоѓа Колумбус, 78 проценти од смртните случаи од предозирање во изминатите 12 месеци биле поврзани со стимуланси.

Дополнителен предизвик за безбедносните служби

Експертите, исто така, предупредуваат за појава на рани и сериозни оштетувања на кожата поврзани со употребата на ксилазин, додека комбинирањето на повеќе синтетички супстанции ја зголемува непредвидливоста на нивните ефекти.

Новите начини за шверцување дрога претставуваат дополнителен предизвик за безбедносните служби. Затворот во округот Кук во Чикаго, еден од најголемите во Соединетите Американски Држави, забележа скок на смртните случаи во 2023 година поврзани со синтетички дроги доставени до затворениците вградени во страниците на книгите и писмата.

Шерифот на округот Кук, Том Дарт, изјави дека затворските службеници морале да ги променат безбедносните процедури, а сега и да ја проверуваат поштата за влага за да откријат хартија натопена во недозволени супстанции.

Дарт верува дека проблемот не може да се реши само со полициски мерки и пресретнување на поштата, туку дека е потребна многу поголема инвестиција во програми за лекување на зависност и закрепнување.

Според него, ширењето на синтетичките дроги го отежнува уште повеќе справувањето со шверцот, бидејќи некои супстанции можат да се произведуваат во импровизирани лаборатории, без потреба од традиционални синџири на снабдување.

Снабдувањето со дрога постојано се менува

Претседателот на САД, Доналд Трамп, ги прогласи нарко-картелите за „терористи“ и ја означи дрогата фентанил, моќен синтетички опиоид, како „оружје за масовно уништување“.

Сепак, снабдувањето со дрога се менува и постојано се дизајнираат нови смртоносни синтетички лекови, вклучувајќи моќен седатив за животни познат на улица како „транк“.

Би-Би-Си известува дека кризата со дрогата во САД се променила во текот на децениите, од хероин и опиоиди на рецепт до фентанил и нови синтетички соединенија, додека експертите предупредуваат дека непредвидливиот состав на уличните дроги претставува зголемен ризик за корисниците.

Покрај борбата против шверцот, организациите што работат со зависници ја нагласуваат важноста на достапниот третман, програмите за превенција и тестирањето за дрога, со цел да се намали бројот на предозирања и да се спасат животи.

Тагови: дрога фентанил

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

Свет

Голем глад во Авганистан- погодени се 20 милиони луѓе

Се очекува речиси 19,2 милиони луѓе во Авганистан да се соочат со акутна несигурност во исхраната оваа зима поради недостаток на средства, предупреди Канцеларијата на Обединетите нации за координација на хуманитарни прашања (OCHA).

Голем глад во Авганистан- погодени се 20 милиони луѓе

Помеѓу септември и октомври, 15,9 милиони луѓе, или речиси еден од тројца Авганистанци, се соочуваат со акутна несигурност во исхраната на кризно ниво или полошо, изјави Олга Черевко, портпаролка на OCHA во Авганистан, за новинарите во Женева.

Оваа зима, рече таа, пет милиони луѓе би можеле да се соочат со вонредни нивоа на глад.

„Се очекува повеќе од четири милиони деца на возраст од шест месеци до пет години да имаат потреба од третман за акутна неухранетост следната година, вклучувајќи речиси 1,1 милион деца со акутна неухранетост“, рече таа.

20 милиони луѓе се изложени на ризик

Околу една третина од центрите за исхрана се затворени или прекинати со работа, делумно поради намалување на средствата. „Кога овие услуги ќе исчезнат, последиците можат да бидат неповратни, особено за децата“, предупреди Черевко.

И покрај подобрите врнежи од дожд и зголеменото земјоделско производство, милиони луѓе сè уште не можат да си дозволат храна, а годините конфликт, суша и економски тешкотии ја ослабнаа способноста на семејствата да се справат со кризата, рече таа.

„Но, една добра жетва по неколку години суша не може да ја поправи штетата“, додаде таа.

Черевко, исто така, предупреди дека ограничувањата наметнати врз жените и девојчињата ја влошуваат кризата, повикувајќи се на проценките на УНИЦЕФ дека Авганистан би можел да изгуби до 20.000 наставнички и 5.400 здравствени работници до 2030 година ако продолжат сегашните ограничувања.

Таа повика на итна хуманитарна помош пред зимата, со континуирани инвестиции во земјоделството, вработувањето, здравствената заштита и економските можности за жените.

Тагови: Авганистан глад

Крадењето авторски текстови е казниво со закон. Преземањето на авторски содржини (текстови) од оваа страница е дозволено само делумно и со ставање хиперлинк до содржината што се цитира.

притисни ентер